موضوع بخصوص psp مهم

[bo-wled]

ياجماعه وياخوان وياخوات انا رحت للغانم وحصلة عنده psp بسعر 56 دينار ورحت لكترونايز يمكن اكون غلطان بسمه المهم حصلتها 50 دينار وعند يوركا 52 وعلى فكره كفاله سنه وبالرحاب حصلتها بي 85 دينار ولا عليها كفاله ولا يوم انا اللي ابي اعرف ليش الناس تروح وتشتري من الرحاب او برا انا العام الماضي شريت لولدي من الرحاب وللاسف بعد شهرين خربة وديتها اصلحا وللاسف ماتصلح يعني انا انصح الناس يشترو من اللي ذكرته لهم واهم شي الكفاله

 

[abanos]

رايتك بيضه يالغالي

مشكور وما قصرت

 

[kwaity1978]

اعتقد في مرات الوكيل ينزل بسرعه بسعره ويتفاجأ اصحاب المحلات المغاليين باسعارهم (( يعني ظربت تاجر ))

 

[باحث قانوني]

لا اخوي انا انورك
اللي بالغانم مو مطوره ولا اللي بيوركا
بس على السيديات تشتغل ماتشغل كوبي وعلشان جذي سعرها رخيص
وسلامتك

 

[Uncharted81]

اللي موجوده بالرحاب تكون الاصدار القديم (2000) اللي يتطور وتشغل ألعاب من الميموري.. اما اللي موجوده في الغانم، و يوريكا، و اليكتروزان هذي الموديل اليديد (3000) اللي للحين ما نزلت له تطويره حق الميموري وعشان تلعب لازم تشتري ألعاب أصليه (سعر السيدي 10 دنانير)..

 

[بحريني1972]

صراحة معلومات حلوه جزاكم الله خير ومشكور يا بو وليد علي الموضوع

 

[hamed_zd]

مشكور على المعلومة

 

[ابوعلي 2200]

مشكور اخوي على هل المعلووومه

 

[مهم للغاية]

اعتماد سوق الالعاب الاكترونية يعتمد اعتمادا كليا على الالعاب التي تطرح بين فترة واخرى وليس على جهاز ال psp ولذلك ارباح شركة سوني تعتمد على مدى توزيع الالعاب وبيعها بصفة اصلية

ونظرا لأن الشباب بالمنطقة (الكويت ، شبرا ، العتبة والجيزة) وماحولها لايفضلون ان يدفعوا للألعاب الاصلية ويعشقون الالعاب التقليد (لأنها ارخص) فترى انتشار اجهزة الpsp المطورة والتي تسمح لمالكها بأن يقوم باللعب بمختلف الالعاب عن طريق تخزينها على شريحة ذاكرة خارجية تسمى sd وتختلف سعتها من 2 جيجا بايت ولغاية 16 جيجابايت وهذه الالعاب التي يتم تخزينها على شريحة الذاكرة تكلف مبلغ رمزي فمثلا 45 لعبة تكلف مع شريحة ذاكرة 8 جيجا تقريبا 7 دنانير ولكن لو تم شراء 45 لعبة اصلية فإنها تكلف 450 دينار فتخيل الوضع.

ولأن شركة سوني الام طرحت مؤخرا اجهزة psp غير مطورة وتسمح لمالكها ان يلعب بواسطة الالعاب الاصلية فقط والتي تكلف الكثير كما سبق ذكره. فهي تحاول ان تضع المستهلكين في سياسة الامر الواقع والرضوخ للسوق وبالتالي شراء الالعاب الاصلية. لكن هيهات ... فهنا يتدخل التجار (الهشك بشك) ويقومون بطرح مالديهم من اجهزة psp المطورة في مخازنهم (ستوكات) وبالتالي التحكم بالسعر ورفعه لمستوى 80 دينار للجهاز الضعيف المعروف بالسليم slim ومبلغ 70 دينار لل psp العادية
وبصراحة انا ماني عارف ليش جاوبت هالسؤال وليش استرسلت بالكلام ... يمكن عشان توني شاري حق عيالي ثلاث اجهزة psp مع كاميراتهم ولاحظت الغلاء

على العموم
من رأيي الشخصي انا مستعد ان اشتري جهاز مطور واشتري شريحة ذاكرة واترسها العاب بين فترة وفترة حق اليهال يستانسون .... مع اطيب التمنيات لشركة سوني

 

[altrky]

يعطيك العافيه على هالمعلومه

 

[فيصل المشرف]

استفسار ممكن
اشلون انقل العاب psp من الهارد دسك للعبه

 

[بوأسامة]

اللي موجوده بالرحاب تكون الاصدار القديم (2000) اللي يتطور وتشغل ألعاب من الميموري.. اما اللي موجوده في الغانم، و يوريكا، و اليكتروزان هذي الموديل اليديد (3000) اللي للحين ما نزلت له تطويره حق الميموري وعشان تلعب لازم تشتري ألعاب أصليه (سعر السيدي 10 دنانير)..

صراحة كلامك عدل وانا أياده