احذروا تلفون مبيوق و مسروق نوكيا نيكل

الحالة
موضوع مغلق

السنفور

عضو نشط
التسجيل
24 مايو 2009
المشاركات
425
السلام عليكم

اخواني الاعزاء .. الله يعطيكم العافيه

بس حبيت اقول انه في تلفون انباق من الاهل امس يوم كنا بالسينما و هو عباره عن نوكيا نيكل .. و انسالله راح اكتب رقم التسلسل انشاالله بس اطلع الكرتون .. و جاري تسجيل قضية بالمخفر..

و طبعا سألنا السينما و ما لقوا .. فأكيد انباق و اللي باقه حطه مغلق .. حسبي الله و نعم الوكيل .. فغالبا الشخص اذا بيبيعه راح يدش النت علشان يشيل الشبهه عنه و عن امور تصوير البطاقة المدنية ..

و رجاءا اللي يلقي يتقي ربه و يساعدني و جزاكم الله كل خير ..

تقبلوا تحياتي
 

Kuwait

مراقب
التسجيل
28 فبراير 2006
المشاركات
1,394
الإقامة
♡♥ Kuwait ♡♥
الله يعينكم ضيقت خلقي بصراحه

عكر عليكم الطلعه

اهم شي الجهاز عسى مافيه اي شي خاص فيكم



وفدوه لكم



فيه ناس نفوسهم ضعيفه بصراحه



نصيحه : اذا سويت قضيه ترى المباحث يطنشون يوميا خلك عندهم عشان يهتمون

وقولهم الجهاز فيه شغلات خاصه راح يهتمون اكثر
 

العازمي32

عضو نشط
التسجيل
26 يونيو 2009
المشاركات
878
حسبي الله ونعم الوكيل ناس ماتخاف الله ولا تستحي == الله يعنيك اخوي ==انت وش وداك السينما الله يقلع السينما ماوارها لي الخراب== تحياتي ان شاء الله يصيدونه الحرامي الخبيث
 

mishaal 55

عضو نشط
التسجيل
10 يونيو 2009
المشاركات
831
السلام عليكم اخوى سو قضيه وخل المباحث يعطونك كتاب حق شركة الاتصالات علشان يتابعون السيريل مال الجهاز بس يحط شريحه ويشغل الجهاز يصيدونه لكن لاتنسى اخذ معاك السيريل مال الجهاز قبل لاتروح المخفر وارجو لك الاستفاده انت ومن يقرأ الموضوع
 

بو ناصر@

عضو نشط
التسجيل
19 أبريل 2009
المشاركات
705
الإقامة
الـكـويـت
الله يعينكـ ،،
 

ولد^الكويت

عضو نشط
التسجيل
24 سبتمبر 2007
المشاركات
1,175
الإقامة
الكويت
الله يعينك ولد عمي المخفر مايسولك قضيه اله فاتوره الجهاز وكرتون الجهاز وانشالله تلقي الي باقه
 

Bo-Jarrah

عضو نشط
التسجيل
12 يونيو 2008
المشاركات
420
ياما تلفونات راحت منا بس ان شاءالله يكون شوي فيه ذمه وضمير وانه يمسح الأشياء الخاصه إلي فيه أما التلفون عساه يحترق اهو وياه. ومعوض خير ان شاءالله
 

ThankYou

موقوف
التسجيل
9 يونيو 2009
المشاركات
248
انا كان ودي ما تحط الموضوع بهذه السرعة ..جذي انت عطيته فكرة للي سرق الموبايل انه ما يبيعه على الانترنت. لو كنت تنطر شوي لحين تشوف المشاركات اذا في احد يبيع نفس جهازك.

على العموم ان شاء الله ربنا يعوضك بأحسن منه

وعسى ان تكرهوا شيئا فهو خيرا لكم.

تقبل تحياتي
 

alanzi

موقوف
التسجيل
9 أبريل 2007
المشاركات
1,399
انسى المخفر يسوي لك شى
انسى مليوووووووووووون مره
ما ابى اضيق خلقك ولكن
هذي هى الحقيقة

اطلب العوووض وعليه العوووض بواحد احسن منه
تحياااتى للك واللجميع

اخووووووووووووووكم
 
التسجيل
8 مايو 2009
المشاركات
256
شلون اخوي المخفر مايسويله شي يعني معناته المخفر زينه حاطينه
لاخوي راح يتمرمطه وصبر وقل شي 7 سنوات سجن عموما اي خط يركب على الجهاز راح يصيدونه
 

بو متعب

عضو نشط
التسجيل
29 يناير 2009
المشاركات
709
الحمدلله الناس ان شاء الله ما ياخذون حرام ولكن احتمال ينغشون بمثل هالامور ودائما يجب علينا تسجيل وتصوير البطاقة المدنية حتى نحد من هذه السرقات والعادة ترسل هذه الاجهزة الى خارج الكويت ويتم تشغيلها او بيعها
الخطوة الاولى اخذ كرتون الجهاز المدون عليه رقم السيريل نمبرز بعدها كتاب من المحقق موجه الى الشركات الثلاث لمتابعة تشغيل الجهاز من اي رقم يوضع به بعدها طلع الحمامي من الفخ يعني افشت المجرم وحلت وفلت
 

الافوكاتو

عضو نشط
التسجيل
26 فبراير 2009
المشاركات
238
انا كان ودي ما تحط الموضوع بهذه السرعة ..جذي انت عطيته فكرة للي سرق الموبايل انه ما يبيعه على الانترنت. لو كنت تنطر شوي لحين تشوف المشاركات اذا في احد يبيع نفس جهازك.

على العموم ان شاء الله ربنا يعوضك بأحسن منه

وعسى ان تكرهوا شيئا فهو خيرا لكم.

تقبل تحياتي

مع احترامي لجميع الردود ولكن هذا الرد المقنع
لان الحين حتى لو كان بيدخل يبيعه فانت خليته ينتبه
الله يعوضك ونصيحه اذا ماكان فيه شي خاص غير الارقام فانسى موضوعه
 
التسجيل
12 أكتوبر 2008
المشاركات
569
^^^^^^^^^^^^^^^^^^^^^^^^^^^^^^^^^^^^^^^^^^^^^
كلامك عين الصواب
الله يعوضك يمعود على ولا فيه صور الاهل
 

الحريه وطن

عضو نشط
التسجيل
31 يوليو 2008
المشاركات
2,022
يارجال انا انباق مني بالمقهي تلفون وبلغت المخفر وبعد ثلاث اسابيع صدته انا مو المخفر

واخذت فلوس بدل التلفون لانه باع تلفوني
 
الحالة
موضوع مغلق
أعلى