تضليل حراري + احسن محطه غسيل

[mshmeshy]

السلام عليكم
ياجماعه ابيكم تفيدونا عن مكان او محل او شركه عندهم تضليل حراري بسعر مناسب يعني لا يحرقنا بالسعر مثل الشمس
كل واحد يقول عن احسن محطه غسيل للسيارات
وشكرا

 

[GTO]

السلام عليكم
اخوي يمدحون تضليل (في كول- v cool)
ومحطه الغسيل فكل المحطات نفس الشغل
لكن نصيحه انا عندي جمس ومشترك بمغسلة الغانم الي بشويخ 10 غسلات ب7,5 بس مادري العرض موجودولا خلص
وانت والي يريحك
واتمنى اكون ماقصرت

 

[vtc_305]

v-kool

حسب علمي افضل شي

والمغاسل واجد

الاليه بقرطبه ومغسله الصافي اكثر شي اروح لهم

وحلات السياره ماتنغسل تنظف من الهوااا ههههههههههه اتغشمر

 

[mshmeshy]

up up
في كول غالي جي تي او نبي شي كويس ورخيص
انا عن نفسي دايما بمغسله المغرب العربي بس الرك على المساح مو الغسله

 

[بـــــــراك]

وين مكانه في كول لو تكرمتو

 

[mshmeshy]

براك للاسف اني مادله بس اعتقد انه اسعاره مبالغ فيها
عندك زيبارت هم نفس الشي مكانهم بالري عقب شركه الملحم

 

[العاشق]

اخوي بالنسبه للحمايه والتغييم الحراري بالخفجي ارخص بواجد ونفس الشركات بعد والمغاسل كلهم نفس الشي مره تطيح بغسال شقردي ومره بواحد ماله خلق

 

[mshmeshy]

وين فيه بالضبط بالخفجي او اسم المحل ويعطيكم العافيه

 

[العاشق]

والله مادله بالضبط بس مو من كبر الخفجي انا كان عندي كرتهم بس مادري وين راح

 

[العاشق]

اسمه اعتقد فيكول او زيبارت

 

[rayes83]

محطة الفلاح بشرق
وأحسن محل تظليل اسمه هوبر اوبتك
مجربه شخصيا وصراحة مو طبيعي و الوانه حلوة

 

[العقيد]

مرحبه شباب بس الى يعرف السعر يكتبه وشكرا

 

[السيد الأصلي]

لتوفير الجهد والوقت للزملاء ...

Lummar Tel:24835522

V Cool Tel:24824213​

 

[Business Man1]

ياجماعة اللي يعرف يقولنا وين بالخفجي التقييم .؟

 

[بو ناصر@]

ياجماعة اللي يعرف يقولنا وين بالخفجي التقييم .؟

ياليت احد يعطينا عنوانه او مكانه وسعره ؟
وكم الوقت الي ياخذه على التركيب ؟

 

[mshmeshy]

محطة الفلاح بشرق
وأحسن محل تظليل اسمه هوبر اوبتك
مجربه شخصيا وصراحة مو طبيعي و الوانه حلوة

محطه الفلاح غسيلهم زين لاكن المساح الله بالخير
بالنسبه للمحل هوبر اوبتك شلون اسعاره وين مكانه بالضبط

 

[بوخالد350]

اخوي بالنسبه للتغييم في كول افضل شي فروعه بالخليج وكفالته شامله ولايقصون عليك بعض محلات الزينه يركبلك تضليل ب 20 او 30 ويقولك حراري!!عند شركت الغنام هم وكيله بالكويت وركبته لسياره لاند كروزر ب 125دينار ..ومحلهم اذا دخلت شارع الكنددراي من الصحافه رايح لجسر الغزالي عند ميزان اسد لف يمين ولما يجيك اول تقاطع الي عنده مطعم كناري وملك الراديترات تلف يمين بعد ميه متر تلقى المركز يمينك ..وسلامتك

 

[عـذبي]

ياجماعا التظليل الحراري في درجات بالألوان . في ألوان غامجه عليهم مخافات يعني انت تحط تظليل حراري 150 وهم اتخالف

 

[عـذبي]

بدليات مخافات= مخالفات

 

[mshmeshy]

بوخالد مشكور على المشاركه وحلو نورتنا بعنوان في كول
عذبي اعتقد اذا كانت النسبه 30 بالميه ماعندهم مشكله المرور بس وقت تجديد التآمين