شنوا احسن جهاز لابتوب

الحالة
موضوع مغلق
التسجيل
14 أغسطس 2008
المشاركات
86
شباب أبي نصيحه منكم عن الأجهزة شنوا أحسن جهاز وعن موصفاته لاني معرف شنوا الموصفات وقولولي عن الهاردسك وعن وجم جيجا وعن الوصفات الثانيه فيدونا جزاكم الله خير لاحد يمدح الجهاز اللي عندهلاني بشتريه جديد من الشركة الرجاء ذكر الموصفات لاني ماعندي اي معلومه عن الموصفات وعن الاسماهى
 

BMW-740

عضو نشط
التسجيل
11 أغسطس 2007
المشاركات
1,084
الإقامة
ملكة المقاومة منطقة كيفان الملكية
إذا تدور الزين وشاري جهاز ااأمد الطويل


مالك إلا سوني الوحش الجبار

طبعا لاتدور أمريكي دور ياباني للجودة

VGN-Z48GD


http://www.sony.co.in/product/vgn-z48gd

وهذي مواصفاته

وبالتوفيق


ولاتدور صيني وخر عن أي لابتوب صيني


ولكن إذا ما عندك بيزات طال عمرك

مالك إلا دل أو توشيبا

فقط وبالتوفيق
 

هادي33

عضو نشط
التسجيل
7 أبريل 2009
المشاركات
243
تحياتي اخوي ....

اهم شي لما تطرح سؤالك ...تكتب شنو غرضك من الجهاز !!!!

بس للنت ....او للنت والدراسه ....او للآلعاب ....او شغل منتاج وفيديو وشغل قوي ...

كل شي له جهاز ومواصفات خاصه فييه ...

اذا كنت مبتدئ اخذلك جهاز لايكون سعره يتعدى 350 دينار لآن بيكون فيه مواصفات انت بغنى عنها

وبالنسبه للمواصفات !!! هذي لعبة الشركان اليوم 1.6 باجر 1.66 وعقبه 1.7 وكل يوم لهم رقم

على بالك كل ما يكبر الرقم هو الافضل ووهي عمليه تفرق شوي وومجرد تسويق ...

انصحك بالاجهزه الاصليه : مثال :

سيمنز الالماني
دلل الايرلندي
سوني الياباني

ممكن تقول وين احصلهم ....اقولك عند الوكيل نفسه او بعض الموزعين مثل الغانم ويوريكا و مكتبة جرير .

وتعب على كرت الشاشه مهم جدا للافلام والالعاب ...
وتعب على البطاريه تكون ليثيوم تعطييك فوق 3 ساعات (وفي 6 ساعات سوني بس)
والرامات فوق 3 جيجا....

والاهم وألي احرص عليه وندوز اكس بي هو الافضل بنظري لللابتوب ((يقلل من استهلاك الرامات والبطاريه وخفيف على الجهاز وو ممتاز للمبتدئين ))

ولا تنسى الانتي فايروس الاصلي ...

وهذا للعلم ...والله يوفقك ....
 

ولد^الكويت

عضو نشط
التسجيل
24 سبتمبر 2007
المشاركات
1,175
الإقامة
الكويت
اخوي احسن اجهزه لاب توب الدل و السوني والتوشيبا ووخر عن hp موصفات حلوه بس مع الاستعمال تلقي الكيبورد حار
 

sjl71

عضو نشط
التسجيل
5 يونيو 2008
المشاركات
868
الإقامة
غير معروف
السلام عليكم

اخوي : سوني الياباني

او الدل
 

Se7T

عضو نشط
التسجيل
25 يونيو 2009
المشاركات
1,079
اخوي بحكم عملي في مجال الكمبيوتر لأكثر من 10 سنوات

اذا كانت ميزانيتك عاليه مثل ماتفضلو الإخوان السوني الياباني

واذا ميزانيتك بسيطه اشتر جهاز دل DeLL وشرط يكون إيرلندي غيره لاتاخذه ولو انهم هم جيديين لكن الإيرلندي اداء متواصل ومتانه في العمل ونعومة بالأداء

والمواصفات حسب شغلك واذا كنت تشتغل بشكل عادي مثل معظم المستخدمين
تصفح , العاب , صوتيات , مرئيات والــخ

شوف مواصفات مقاربه للي بذكرة
السرعه 2000 وانت صاعد
البرسسر core 2 duo
الكاش 4 ميجا
الرام 2 جيجا وانت صاعد
كرت الشاشة NVIDIA GeForce 256وانت صاعد
الهاردسك 120 وانت صاعد
السيدي روم دائما ديفيدي قارئ وناسخ
كرت الصوت كريتيفcreative هذا اذا تهتم بالتسجيلات من والى جهازك
الشاشه حسب ماتحب وانا افضل لنفسي 14.5 لأنها تعطي نسبة تباين الألوان بشكل ممتاز واحرف الكتابه مقاربه للطبيعي

وطبعا بلوتوث + ويرلس
ودقق على هالنقطه ان الجهاز بإمكان تنزيل عليه وندوز إكس بي لأن الفيستا اثبت فشلة بسبب كثرة الجافا سكربت بالقوائم :)

اتمنى بأني افدت الجميع
 

bn_3aqol

عضو نشط
التسجيل
22 أغسطس 2008
المشاركات
605
بالنسبه لي انا انا جربت بعض الاجهزه

وكلها كنت شاريها على ايدي

بس استقريت بالنهايه على جهازي

والي انشاالله ماراح اغيره الا اذا نزل شي

يسوي ... وجهازي الحين اهو ( dell xps )

جهاز بصراحه عملي وشكله حلو وجميل والوانه احلي واحلى

وانشالله اكون افدتك اخوي ... وشكرا على اتاحة الفرصه لي للمداخله
 

النمر الفضي

عضو نشط
التسجيل
16 أبريل 2009
المشاركات
470
الله يبارك فيكم انا امجرب التوشيبا ممتاز وخصوصا الكوزمو بس المشكلة فيه انه ثقيل في الحمل انما جهاز هضبة وشكرا
 

zinger

عضو نشط
التسجيل
22 يونيو 2009
المشاركات
2,277
dell
خاصة الحجم اللي 14 أو 15
ويوريكا مسويين عرض على جهاز جبار كمواصفات
بسعر 225 تقريبا
والعرض قبل يومين كان بالجريدة
 
الحالة
موضوع مغلق
أعلى