فــززعتـكـم يا الجـامـعـيـن ....... !

ali5225

عضو نشط
التسجيل
12 أغسطس 2008
المشاركات
176
السلام عليكم ورررحمة الله وبرركاته .. أتمنى ان يكون الجميع بتمام الصحه

والعاافيه .. والله يعينكم على الاجواء الرائعه

يا جماعه ولله الحمد تخرجت من الثانويه ( نظام موحد ) ونسبتي 75 علمي

وكان بخاطري ادرس دبلوم محاسبه لاكن بهالنسبه انشالله ابدش

كلية العلوم الأداريه تخصص محاسبه ومثل ما قلت نسبتي 75

زين يا جماعه الحين شلون أختبارات القدرات شلون يحسبون وشلون

يضيفون او ينقصون من نسبتي ؟

ســاعـدوني .. ولنفرض اني رسبت بأختبار القدرات هل أنقبل ولا لا

واذا جبت درجه ضعيفه أنقبل ولا لا ... مع العلم ان تخصص المحاسبه النسبه المطلوبه هي 80% وجزاكم الله ألف خيرر

أخووكم
علي
 

ياسر الروقي

عضو نشط
التسجيل
11 يونيو 2007
المشاركات
3,829
الإقامة
بلدة طيبة ورب غفور
انا افضل انك ادش تخصص قانون
صحيح انا ما اعرف ميولك والفرق بين التخصصين كبير المحاسبه تعتمد على الفهم والقانون على الحفظ لكن كمستقبل اشوف القانون من جامعة الكويت افضل وخاصه ان توفقة وحصلة على تقدير امتياز
 

المزين

موقوف
التسجيل
27 يناير 2009
المشاركات
158
لا حبيبي علوم اداريه اغسل ايدك منها ، انا إلي اعرفه جنه نزلو النسب حق النظام الموحد لكن اتضح الحين انها نفسها ما نزلت ،

اغسل ايدك من العلوم الاداريه و الهندسه و الطب و الحقوق و العلوم السياسيه على نسبتك طبعا لأنه كلهم يحتاجون من 81 بالميه على ما اوقع او اكثر شوي و فوق ،

المتاح لك كليه الاداب او التربيه او العلوم و العلوم الاجتماعيه ( طبعا غير مرغوب فيها ) ،


لكن اخوي تقدر تدخل الكليه إلي تنقبل فيها على نسبتك و تظل بالكليه و تاخذ المواد المشتركه و تجيب معدل معين بعدها تقدر تحول حق كليه العلوم الاداريه طبعا بعد ما تخلص عدد معين نت الوحدات ( اتوقع 24 وحده ) و تجيب المعدل إلي يبونه حق التحويل (اتوقع 2.75 ) او اقل شوي ،


و على فكره العلوم الاداريه يبيلها شغل قوي حيل مو شي هين ، و تحسب حسابك اقل شي عشان تتخرج من 5 سنين إلى 5 سنين و نص و اذا مو اكثر و طبعا من الطبيعي انك تتأخر زياده بالتخرج اذا كنت محول من كليه ثانيه إلي هالكليه ، و خاصتا تخصص المحاسبه اصعب و اقوى تخصص بالاداريه و يحتاج شغل اكبر عن باجي التخصصات ، و لكن حسب ما اشوفه على نسبتك هذي باين عليك كلش مو دريس بالثانويه هههههههههههههه، طبعا كل شي بارادتك تقدر توصله مافي شي مستحيل ،


طبعا نسبه دخولك الجامعه يحدد منها 70 بالميه على نسبه الثانويه إلي يبتها ، و30 بالميه على احتبار القدرات ، و اذا انت لي الحين مو مقدم ولا اختبار قدرات فما اقدر اقولك غير شي واحد ( صباح الخير ) لأنه موعد اختبارات القدرات كلها خلص اذا تقدر تلحق بعد خمس ايام في امتحان قدرات ، عاد انت و حظك شوف التسجيل المتأخر خلص ولا بعد ، طبعا التسجيل المتأخر ياخذون منك 10 دنانير على كل ماده ، و اذا رحت بمواعيد التسجيل العاديه ياخذون منك 5 دنانير على كل ماده ،


طبعا اختبارات القدرات ياخذون اعلى درجات لك يعني نفرض انك قدمت الثلاث اختبارات بالسنه ( طبعا بالسنه هم يحطون ثلاث اختبارات بثلاث مواعيد ) احسن درجات حق المواد إلي امتحنت فيها ياخذونهم ،


انت شوف على نسبتك وين تدخلك و اذا دخلك شوف شنو التخصص إلي تبيه ،

يعني في كليات يحتاجون فقط انت تنجح بالانقليزي بالقدرات مثل كليه التربيه و الاداب و اتوقع و الحقوق العلوم الاجتماعيه ،


اما باجي الكليات اغلبهم يحتاجون انقليزي و رياضيات و بعضها مع الكيميا ،


بالنسبه حق امتحان القدرات يكون 3 مرات بالسنه شهر 12 و شهر 7 او 6 و شهر 4 ، انا اتوقع انت الحين طافوك كل اختبارات القدرات ،

و طبعا مو ضروري تنجح بالقدرات عشان تدخل الجامعه ، لكن اذا ما نجحت راح تضطر تاخذ هالمواد بالكورس الاول لك او الثاني ، يعني مثلا اذا ما نجحت باختبار القدرات للأنقليزي ، الكورس الاول راح تاخذ ماده اسمها انقليزي تمهيدي لازم تاخذها علشان تكمل ، نفس الشي بالنسبه حق الرياضيات و الكيميا ،


و طبعا مواد التمهيدي ما تحسب عليها ولا وحده ، يعني لمن تخلص الماده التمهيدي سواء انقليزي او رياضيات او كيميا ، انت تعتبر انك مو مخلص ولا وحده لأنهم مواد تمهيدي ،


انت بعد مر الجامعه بشويخ روح صاله التسجيل (صاله زين) و خلهم يفيدونك اكثر ، و اذا دخلت الجامعه خلك مع مرشدك و خله يعطيك خطه التخرج ،
عشان تعرف شنو تسوي ، و انشالله هناك بأول يوم بالتسجيل للمواد الشباب ما يقصرون معاك تلقاهم بجامعه شويخ يلاحقونك تعيش كأنك ملك ، من شباب الائتلافيه و المستقله و الوسط والاسلاميه يعلمونك على كل شي ( طبعا كل هذا عشان الانتخابات مو لله ) ،


و لا تحاتي نشالله ، لكن عاد الجامعه تحتاج شغل اكثر ، انا اعقتد لو انتو خلوكم على المقررات يكون احسن ،
لأنه نظام المقررات مثل الجامعه بالضبظ ، فالطالب لمن يدخل الجامعه يكون عارف كل شي لأنه نفس النظام من الوحدات الدراسيه و طريقه التسجيل و السحب و الاضافه و كل هالامور تسهل على الطالب ، لكن هذا إلي حصل معاكم والله يعينكم،


و طبعا اذا حاب تروح جامعه ثانيه خاصه هذا شي راجع لك يعني مثل جامعه الخليج او الجامعه الاستراليه ،


و مبرووو ك و بالتوفيق ان شاء الله ،
 

maha_Q8

عضو نشط
التسجيل
19 يونيو 2008
المشاركات
4,537
الإقامة
الكويت.. ((جبــله ))
اولا مبروك التخرج

وثانيا بالنسبه لاختبار القدرات المفروض انك قدمت من سنه اللي فاتت
والنتيجه طالعه
ويضيفون نسبة اختبار القدرات على نسبتك بعد التخرج
اذا كنت مقدم اختبار القدرات ويايب درجات عاليه اكيد بتزيد
نسبتك وان شاء الله يقبلونك في العلوم الاداريه
وبعدين القسم العلمي مرغوب اكثر من الادبي بالعلوم الاداريه
وممكن تحصل على منحه داخليه ( في الجامعات الخاصه )
قسم علوم اداريه
بالتوفيق ان شاء الله
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
انا ماعتقد انك تقدر ادش العلوم الاداريه بهالنسبه
ليش القدرات ينقص مايزيد والله اعلم
الله يوفقك وان شاءالله تقدر
 

zoya_y

عضو نشط
التسجيل
26 ديسمبر 2007
المشاركات
9,261
الإقامة
DREAM WORLD
انا افضل انك ادش تخصص قانون
صحيح انا ما اعرف ميولك والفرق بين التخصصين كبير المحاسبه تعتمد على الفهم والقانون على الحفظ لكن كمستقبل اشوف القانون من جامعة الكويت افضل وخاصه ان توفقة وحصلة على تقدير امتياز

وي كانا تخرجنا من الحقوق جامعة الكويت وبمعدلا قويه وأخرتنا باحثين قانونيين مايعتبرونه معاونين قضاء :cool:
 

ســـراب

عضو نشط
التسجيل
14 يونيو 2009
المشاركات
204
الإقامة
أم الخير .. الكويت
اخوي امتحان القدرات تعمله قبل التخرج من الثانويه

والنتيجه يضيفونها على النسبه الاصليه اللي

حصلت عليها بالثانويه العامه واكيد راح تزيد نسبتك

الله يوفقك
 

الـعـتـيـبـي

عضو نشط
التسجيل
7 يناير 2009
المشاركات
368
اخوي روح مصر وانت مغمض مدامك تبي محاسبه وانشاءالله كلها اربع سنين وانت جايب الشهادة مضمونه باذن الله بس مر على شارع عدن
 
أعلى