مشكلتي مع البنك ..!!

[بو عبدالوهاب]

مساكم الله بالخير


طبعا مشكلتي وهي طبعا مشكلة الكثير معاي .. باختصار

اخذت قرض من بنك الكويت والشرق الاوسط 45 الف في 2003

وطبعا الفايده تغيرت وارتفعت ونزلت والقسط مثل ماهو ماتغير

بس المدة زادت

وبحسبة بسيطه قسطي( 380 ) = 4560 بالسنه

يعني = ( 27360 ) في 6 سنوات

امس راجعت البنك قالي باقي عليك 42 الف

ال 27 الف اللي دفعتهم بس 3 الاف راحت للقرض والباجي فوايد

والحين باقي 14 سنه

يااكيش المبلغ واروح بنك ثاني او استمر معاهم وادفع بحدود 63 الف للمده الباقيه

هذي غير ال 27 الف اللي اندفعت

المهم قلت للموظف ابي اسوي اعادة جدوله مثل البنوك الثانيه على حسب الفايده الجديده

قالي آسفين كل المعاملات واقفه لأن البنك راح يتحول اسلامي



طلعت من البنك وطفت اشارتين وانا ماتفرق معاي


السؤال : هل ارفع قضية على البنك والا اروح بنك ثاني ؟؟

والا اطلب لي غدا وانسى الموضوع

ناطر رايكم

 

[aadm1]

الله يعينك

انا اقول اطلب غدا وانسي

 

[aadm1]

علي فكرة اذا نسبه الفايدة تزيد علي اصل القرض ..


علي طول تاخذ حكم لصالحك

 

[xTrader]

الله يعوضك ويخلف عيلك ويرزقك يارب ويفك اسرك من هالبنك

 

[tariq11]

ارفع قضيه..
وثنتين وثلاث وعشر.....

لاتسكت عن حقك...

 

[مضارب شجاع]

اخوى بو عبد الوهاب ممكن سؤال
انت وقعت على ورقة موفقه على تحويل البنك الى اسلامي؟؟؟؟

 

[ابو الاسهم]

لا لا تسكت على مصاصي دماء الغلابه

والمعاملات واقفه هذي مو مشكلتك و مو معناته يروح حقك

ارفع قضية وخلك وراهم وراهم الى ان يردون لك حقك

والحين اطلب لك جلو كباب وبالعافية

 

[Navigator]

لا لا تسكت على مصاصي دماء الغلابه

والمعاملات واقفه هذي مو مشكلتك و مو معناته يروح حقك

ارفع قضية وخلك وراهم وراهم الى ان يردون لك حقك

والحين اطلب لك جلو كباب وبالعافية

انت بو فهد ؟ !!!

 

[انوفستي]

ماقريت شروط القرض يوم وقعت الي سووه فيك ما خرج عن الشروط بس انصحك تروح لخبير قانوني ومحاسبى تراويه الشروط وتتأكد واذا فيه تجاوز عليك بالقضاء

 

[المرسومي]

الله المستعان الربا ومايسوي

الله يفك أسرك

 

[بو نايف]

الله يعينك
واغلب العالم مثلك مبتلشين بالقروض
بس ان شالله فيهامور طيبه من ناحيه القروض

 

[Smart Move]

نصيحة أنتضر يا أخي وشوف الحسبه لمن ينقلب و يصير أسلامي بعدين شوف الفرق و تخذ القرار الصحيح. الله يوفقك و ينصرك عليهم يارب

 

[Baby Blue]

الله يعينك بو عبدالوهاب ويفك ضيقك ، نصيحتي لك هي أحد الخيارين :

1) أرفع قضية مثل ما قالوا الأخوان بس حاول تتواصل مع أحد المحاميين المهتمين بهذا الموضوع ( نواف الفزيع أو خالد الزامل أو غيرهم ) وأخذ برأيهم.

2) اذا ما نفع ، حول راتبك على البنك الوطنـي ( مثال ) وأخذ قرض يعادل المتبقـي ( 42 ألف ) وقـم بســداده مع العلم بأن قسطك على البنك الوطنـي بيكــون 388د.ك لمـدة 156 شهـر ( يعني 13 سنة )

يمكنك مراجعة حسبة القرض على موقع البنك الوطني

#http://kuwait.nbk.com/Personal/Default_ar_ae.aspx

 

[q8royale]

انا موظف ببنك
طال عمرك شكوى للبنك المركزي
قرضك جدولته مو طبيعية من الاساس

 

[بورصات]

قالي آسفين كل المعاملات واقفه لأن البنك راح يتحول اسلامي



طلعت من البنك وطفت اشارتين وانا ماتفرق معاي

اهم نقطتين بموضوعك البنك بيتحول اسلامي (يعني معناها بيحللون دمك حسب الشريعه الاسلامي) ذبح حلال

الاشاره اهني انت غلطان مو البنك وراح يصير عليك مدينيه اخرى 100 دينار غرامه

ههههه

اخوي العزيز بو عبدالوهاب ..

اولا : راجع بنكك واطلب كشف جدولة قرضك .ضروري . واذا فيه خلل سوف يرفضون اعطائك الجدوله .


ثانيا : وقبل تسجيل قضيه راجع البنك المركزي وقدم شكوى وسوف تجد من يوضح لك الطريق ان احتجت الي قضيه او تحل مشكلتك بدون فضيه .



وسالفت ترفع قضيه بدون اتضاح الرؤية اعتقد ان فيها مفسده للوقت والمال​

 

[MUSAED77]

عليك بالدعااااء ...

 

[fahhad76]

بو عبدالوهاب الحل موجود عند قاسم وبو هلال .

 

[قناص]

دش صفحة خالد الزامل
واطرح عليه مشكلتك
اهو له صولاته وجولاته في عالم الحرب ضد البنوك
وفاز بعدد كبير من القضايا وكسبها بعد مال تحولت ادراة الخبراء

 

[Jalazmi]

انا موظف ببنك
طال عمرك شكوى للبنك المركزي
قرضك جدولته مو طبيعية من الاساس

للرفع

والله يعينك ياخوي

 

[ابو الاسهم]

انت بو فهد ؟ !!!

لا والله يالحبيب