____مجلس الامه vs سوق الكويت للاوراق الماليه ___

[ميكانيكي]

السلالالالالام عليكم

في كلام ودي اقوله ويمكن ما يوافقني كثير من الاعضاء

لاحظت ان الشباب اغلبهم ان صار نزول بالسوق قالو السبب مجلس الامه ولا استجواب ولا غيره !!!

ممكن احد يقولي شكو ؟

انا اشوف ان هالسوالف مادري شدخلها

يعني بالله عليكم المحافظ والصناديق تخسر ارباحها عشان والله عضو مجلس امه ولا وزير ولا استجواب ولا غيره ؟

اتوقع المحافظ والصناديق بتستغل صغار المستثمرين وتخرعهم لاصار شي بمجلس الامه ..حجه وحاجه على قولتهم عشان يشترون برخيص

قبل فتره بسيطه .. ايران هددت ومادري شقالت بالجرايد .. والسوق وقتها ولا هما .. كمل صعود وكان من احسن ما يكون .. ليش ما نزل السوق وقتها ؟

لو نازل السوق جان قلتكم السبب ايران

انا مستغرب ليش لمه نزل السوق ما قلتو انفلونزا الخنازير السبب ::verymad::

واذكر الوزير الشمالي يوم صرح اول الايام عن المحفظه الملياريه .. شصار بالسوق ؟ صعد ؟ بالعكس نزل ولا اثر فيه .. لان كان في هدف تحت وبالفعل نزل السوق ولا عبر الوزير الشمالي مع احترامي حقه ولا غيره

ولمه صعد السوق من القاع 6400 تقريبا .. شنو السبب ؟ هل مجلس الامه كان له دخل ؟

وغيره وغيره من امور كثيره

في كلام بعد ودي اقوله بس نسيته

 

[hassana]

اخوي ميكا مو يقولون بالمثل ( الخير يعم والشر يخص ) هذا المثل ينطبق 1000% يعني اذا في شي طيب واخبار حلوه السوق ماله شغل واذا في شي سئ ومو زين السوق رواسي تحت هذا سوقنا شنسوي ::verymad::

 

[No.1]

يعطيك العافية ميكانيكي

من عيب سوقنا ان احيانا يتأثر بالعوامل السياسة وبأي مشكلة تخص مجلس الأمة بالذات

والواقع اللي احنا فيه يقول ان السوق اللي يمشيه مزاجية صانع السوق متى ماحب يرفع ومتى ماحب ينزل السوق وعلى حسب مصالحه والمقصود بصانع السوق المحافظ والصناديق الاستثمارية

سوقنا مايمشي معاه الا معلومة مأكدة من احد صناع السوق غير جذي مغامرة بمغامرة لا ينفع معاه لا تحليل وشي مع احترامي للجميع

وهذي وجهة نظري ويمكن ماتكون صحيحة .

 

[Jalazmi]

كلامك صحيح ..

لكن الحكومه بأيدها الطلب والعرض وان تعطلت عن طريق المجلس ف راح يتأثر السوق بشكل مباشر

خذ على سبيل المثال .. اذا كان في ركود بالسوق .. تدخل الحكومه لتنشط السوق عن طريق ضخ الاستثمارات ورؤس الاموال حتى يتم صرفها على المشاريع .. ومنها راح تستفيد الشركات وتطلع ارباح من ورا هالمشاريع ويتحرك سعر السهم للأعلى ومنها يصير حركه في السوق بدل الركود .. وقيس على ذلك مو بس المشاريع ..

لكن لو عطل المجلس هالمشاريع والاستثمارات تهقى راح يكون في تنشيط من قبل الحكومه .. !؟
صح راح يكون في تنشيط لاكن مو بقوه التنشيط لما يوافق المجلس

فالمجلس بتعاونه مع الحكومه يلعب دور كبير

ونفس الشي حاصل بوقت التضخم

مثل ما قلتلك الحكومه بأيدها الطلب والعرض وتحريك الاقتصاد

لكن ارد واقولك انه في تأثير في بعض الاحيان ومافي تأثير اطلاقا في بعض الاحيان

وجزاك الله خير اخوي ميكانيكي ..

وعسى الله يرزقك ويرزق الجميع

 

[ميكانيكي]

اخوي No.1
ما كنت بقول هالجمله لانه ادري ان هالجمله ما تنقال بهالموضوع مع كامل احترامي طبعا

لو تعرفون بالتحليل جان عرفتو السوق بينزل قبل لا يصير شي بالمجلس على قولتكم

(( بتقول شنو سحر ؟ )) بقولك لا علم

السبب الي خلاني ماقول هالجمله .. لانه ادري ان الموضوع هذا اغلب الي بدشون ويعارضون رايي الي ما يعترفون بالتحليل

 

[ابو يوسف79]

كلامك صحيح ميكانيكي

 

[TRADING]

في اغلب الاحيان يتزامن اكثر من سبب كما ذكرت انت الاخ ميكانيكي بانه لما نزل السوق كان العوام يقولون ان السبب تهديد ايران بينما الاقتصاديين او المحللين يشوفون اسباب رقمية ومحاسبية السبب

بالعامية نسميها زلقة بطيحة
وسبحان الله في اكثر من نزول او صعود لمؤشر السوق تتزامن احداث اقتصادية باخري سياسية فتطغي السياسية علي العموم حتي الاقتصاديين يصدقون نفس الاسباب حتي لو كان عندهم وجهة نظر مخالفة لكن من كثر ما يتردد يتاثر الواحد وقليل يصمد برايه الاقتصادي المغاير للسياسي والمتوافق مع تاثيره علي السوق

كثرنا عليكم بالحجي والله يعطيك العافية الاخ ميكانيكي واعتقد وجهة نظرك صحيحة بانه لا دخل للاستجواب جوهريا بالسوق لكن ارد واقول انه سبب من لا سبب له
كل الشكر

 

[ميكانيكي]

خل اروح انام عشان باجر استعد للمناظره او الهوشه معاكم واحد واحد

وكل واحد يزهب العجره لاني بزهب الصبانه ههههههههههههههههه

تصبحون على خير

 

[fahhad76]

هم لا نعطى التحليل الفنى اكبر من حجمه خاصتن بسوق الكويت.

سوق الكويت مزاجى .

 

[No.1]

والله يا ميكانيكي قلت لك هذي وجة نظر اكيد التحليل الفني له مميزاته بس بصراحة سوقنا مو كل مرة يحترم التحليل ويتعرض لمزاجية الهوامير مع العلم ان التحليل محد يقدر يتخلى عنه بس واقعنا جذي

والله يعطيك العافية ميكانيكي باشا

 

[طوارق ذ م م]

ماعندنا غير العذاريب

 

[BMW750]

بس الملاحظ بهذا الاستجواب تصريح تجار الكويت والهجوم علي البراك
انزين شاللي يمنع ما ينزلون من البورصه ويحسسون الناس بان الاستجواب له تاثير بنزول البورصه؟؟
راح يبين ويانا اذا فشل الاستجواب راح يرفعون البوصه

 

[بورصات]

اخوي ميكانيكي

بالنسبه لي انا مؤيد لرأيك تماما

وكأنك تعبر عن ما في خاطري

 

[بو ضاري 2005]

خل اروح انام عشان باجر استعد للمناظره او الهوشه معاكم واحد واحد

وكل واحد يزهب العجره لاني بزهب الصبانه ههههههههههههههههه

تصبحون على خير

انا اقول ووين لصبانه رقم 10 جيبهااااااااااااااااااااااااااا ابى ابطل لكزوز بستعرض داخل السوق ههههههههههههههه

 

[XLans]

انا اقول اسباب النزول يعود الى قرب اعلان الربع الثاني وكذلك تاجيل الاستقرار الاقتصادي

 

[xTrader]

خل اروح انام عشان باجر استعد للمناظره او الهوشه معاكم واحد واحد

وكل واحد يزهب العجره لاني بزهب الصبانه ههههههههههههههههه

تصبحون على خير

حجي ربعنا يبون جنازة يشبعو فيها لطم

بسبب الاستجواب حتى الاسواق الخليجية نزلة بعد
حج وحاجة

عزيزي مكانيكي لازم تفهم نفسية المتداول الكويتي عند النزول يدور اي سبب محلي وله اقليمي


السوق نزل لانهم يبون ربح اكثر واكثر صارو مشافيح

 

[سكارفيس]

السلالالالالام عليكم

في كلام ودي اقوله ويمكن ما يوافقني كثير من الاعضاء

لاحظت ان الشباب اغلبهم ان صار نزول بالسوق قالو السبب مجلس الامه ولا استجواب ولا غيره !!!

ممكن احد يقولي شكو ؟

انا اشوف ان هالسوالف مادري شدخلها

يعني بالله عليكم المحافظ والصناديق تخسر ارباحها عشان والله عضو مجلس امه ولا وزير ولا استجواب ولا غيره ؟

اتوقع المحافظ والصناديق بتستغل صغار المستثمرين وتخرعهم لاصار شي بمجلس الامه ..حجه وحاجه على قولتهم عشان يشترون برخيص

قبل فتره بسيطه .. ايران هددت ومادري شقالت بالجرايد .. والسوق وقتها ولا هما .. كمل صعود وكان من احسن ما يكون .. ليش ما نزل السوق وقتها ؟

لو نازل السوق جان قلتكم السبب ايران

انا مستغرب ليش لمه نزل السوق ما قلتو انفلونزا الخنازير السبب ::verymad::

واذكر الوزير الشمالي يوم صرح اول الايام عن المحفظه الملياريه .. شصار بالسوق ؟ صعد ؟ بالعكس نزل ولا اثر فيه .. لان كان في هدف تحت وبالفعل نزل السوق ولا عبر الوزير الشمالي مع احترامي حقه ولا غيره

ولمه صعد السوق من القاع 6400 تقريبا .. شنو السبب ؟ هل مجلس الامه كان له دخل ؟

وغيره وغيره من امور كثيره

في كلام بعد ودي اقوله بس نسيته :d

مو بس جذي .... تتوقعون ان اسواق الخليج والعالم نزلت بسبب مجلس الامه الكويتي .....

 

[مضارب شجاع]

مجلس الامه هذا ما استفدنا منه شئ
كله مشاكل فى مشاكل
يذكرونا فى هوشات المدارس قبل كل واحد يقول اطلع لي بالهده

 

[CHILI_Q8]

انا معاك ميكا 100%
والسوق فعلا ماله علاقه ودليل انهيار اسواق العالم كلها مع بعض ومن ظمنهم سوقنا وقالوا السبب التجار والمحافظ
اهي ماتبي اتشيل السوق ويبون يلمون بالنازل وليما اصعدت اسواق العالم ومنهم السوق الكويتي قالوا
شفتوا عقب ماشبعوا لم صعدوا السوق
مادري تجارنا ومحافظنا ماسكين اسواق العالم كلها وقاعدين يلمون فيها

بس مادري اذا السوق من الناحيه الفنيه اعطا اشارة خورج كان صانع السوق يقول حق الي بيقدم
استجواب انطر قدمه بتاريخ الفلاني علشان يتزامن مع نزول السوق و لايبلشونه المتداولين ونقطها براسكم::verymad::

اعتقد قائد اسواق العالم اهو النفط فسوق يمشي خلف النفط مثل الارنب والجزره
اذا حللنا شارت النفط نعرف اتجاه السوق

مشكور على الموضوع القيم وكان في بالي من زمان
والمبدع دائما مبدع في مواضيعه يا ميكا

وانا مزهب الرنق تحت كرسي السيارة

 

[SEEFQ8]

والله يا اخوان انا اشوف انه مجلس الامه ماله اي علاقة بالبورصة وعمره ما أثر على البورصة طالعة والا نازلة
الي بيأثر على البورصة هو امن البلد يعني اذا فيه لا سمح الله والله يحفظ ديرتنا من كل مكروه انه يكون فيه شي يهدد الامن سواء كان من الداخل او الخارج هنيه يتأثر السوق
لكن مجلس الامه عمره ما راح يأثر بطريقه سلبية على السوق بل بالعكس تأثيراته قد تكون بالايجابيه او غير ايجابية واقصد هنيه انها غير سلبية يعني