<دعم العمالة> دع مايريبك الى مالايريبك

الحالة
موضوع مغلق

حداق 75

عضو نشط
التسجيل
12 سبتمبر 2009
المشاركات
205
ياخوان كل شي مبين وكل الاخوان الى شاركو يعرفون الحلال والحرام وفى بمبني دعم العمالة بالفروانية فتوي الاخوان اهناك مصورينها ومكبيرينها
 

q8.1911

عضو نشط
التسجيل
11 يوليو 2008
المشاركات
558
يا جماعة الأخ جزاه الله خير بين ونصح والواحد إذا كان مرتاب من هالأمر يتركه

عموما حتى لو ثبت أن الموضوع هذا حلال 100 ٪ أنا أعتقد بأن الدولة ربحانه من هالموضوع 100 ٪ :) ... اشلون

أنا أقولك اشلون

بدال ما تبتلش فيك الدوله وتوظفك في الحكومة وتعطيك راتب 500 دينار واهي مو مستفيده منك تقولك لا يبه اجلس في بيتك ( بطريق غير مباشر ) واستلم 300 دينار ... :) وبهالطريقة تكون الدولة وفرت 200 دينار منك .... وال 200 اضربها بعدد الموظفين يطلع مبلغ كبير وفرته الدولة

وإلي فعلا راح يتوظف بالقطاع الخاص ويعمل أيضا راح يستفيد إنه عمل في المجال إلي يبيه واستلم راتب من الجهتين مقارب لراتبه في الحكومة هذا إذا مو أعلا بعد

عموما أنا عندي كذا رخصة بإسم المعزبة :) فحبيت إني أحطلها راتب على دعم العمالة وسألت واحد من الربع ما شاء الله عليه شيخ ودكتور في كلية الشريعة فقال إن هالأمر ما يجوز إذا ما كانت تعمل فعليا في هالمكان .... إلخ

وأنا عن نفسي ما آخذ دعم العمالة لزوجتي لأني حتى هذه اللحضة مقتنع بأنه حرام ومايجوز ولا ألزم غيري كلن عنده رايه بهالموضوع ولكن بودي أن هالموضوع يعرض على علماء ومشايخ كبار لهم خبره ودرايه بهذه المواضيع بمعنى مطلعين على هذا الأمر وتفيدونا فيه لأنه والله مبلغ مغري :) واحنا بروحنا منتفين .... :) وهالأمر فيه فلوس يعني ياتوكل عيالك حلال والا حرام

عموما جزاك الله خير أخوي والله لا يحرمك الأجر

يا جماعة والله احترت

عندي هم واحد من الربع ثاني وأيضا دكتور بكلية الشريعة سألته للتأكيد وقال إذا كانت هي صاحبة العمل معناته إنها تتحمل المسؤلية القانونية وهي المسؤل الأول أمام القضاء والقانون وأمام جميع جهات الدولة إذا هي تستحق دعم العمالة ويجوز لها أن تأخذه ولو جلست في بيتها مادام أنها تتحمل المسؤلية القانونية ... هذا بالنسبة لصاحب العمل فقط والله أعلم .

فكل واحد عقله براسة ويعرف خلاصة
 
التسجيل
9 فبراير 2009
المشاركات
760
السلام عليكم ورحمه الله وبركاته

اخوي عادل

اي حرام وأي حلال الله يصلحك

كلامك الي كتبته حلو وجزاك الله خير عني وعن باقي الاخوان

ولكن الواحد شنو يسوي بالله ..؟

مو الكل عنده بيزات ومستغني ومو الكل يقدر يقعد يجابل ام عياله و يصرف

يبا الناس ميتة والله اعرف ناس

عندهم عيال وماجله بيت ماكو

الناس وراها اقساط والتزامات وغلاء بكل شيء

اجارات ومواد غذائية وحتى السيارات طارت وشقحت بالسما

لو تتوفر وظايف حكومية والله محد يروح القطاع الخاص

ولا علبالك الي بالقطاع الخاص مرتاح

او الي ياخذ وهمي مستانس ؟؟

حتى الي ياخذ وهمي جم دينار ويبي وظيفه ويبي دخل اكبر

اذكر الله على الاقل حاله حال غيره

ماراح اقولك شي

بشكل مختصر روح شوف الموقع هني اقل شي

كويتيين وعيالهم بكبرهم وتلقاه يبيع شغلات رخيصه يربح من وراها دينار ودينارين وخمسه

علبالك مرتاح ولا يبي يصير تاجر ؟

كل دينار ينفعه وينفع عياله وبالحلال

زبده الكلام الي انا مقتنع فيه

الله يحفظ الامير ومن يسانده ويحفظ هالديره الطيبة

ويحفظ شعبها الي هم انت وغيرك وخصوصا من ذوي الدخل المحدود

وقول إن شاء الله

الكل يتوظف والكل يرتاح والهيكلة تنلغى ونفتك

كلامك على عيني وراسي وانت بكبرك على راسي من فوق

بس الي ايده بالماي مو مثل الي ايده بالشواية


كلااااام كبييييييييييييير من شخص كبير وبصراحه انت قلت كل اللي بخاطرنا ويعطيك العافيه كفيت ووفيت
 
الحالة
موضوع مغلق
أعلى