أبي مساعدتكم لو تكرمتوا

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
السلام عليكم
أخواني الأعزاء خواتي الحبيبات
عندنا مساحة قدام البيت تقريبا 560 متر مربع وحابة أخليها حديقة داخل سور البيت بشرط تحتوي على مشب ودكة يمها شلال ومسبح ويكون فيها ممرات وإضاءات
اتمنى تفيدوني بتصاميم ومخططات أو أفكار لأني بحثت بالنت وللأسف ما لقيت شي مميز .
 

شريف روما

عضو نشط
التسجيل
4 أغسطس 2008
المشاركات
116
وعليكم السلام

خوفج بعد كل الشغل والتعب والخساير
يجي قرار بـ ازالة هالسوالف حاله من حال الدواوين !
 

قلم حر

عضو مميز
التسجيل
29 مايو 2004
المشاركات
26,415
الإقامة
الكويت بلد الاصدقاء
المساحه تقصدين فيها الارتداد الحكومي
او المساحه ملك ؟

وبعدين لو تحطين طول المساحه وعرضها يكون احسن
حتى يصير تصور عند الشخص اللي بيعطيج فكره

اسمحي لي ابوق افكار عشان الارتداد اللي
عند بيتي ولو انه ارتداد حكومي لكن انزينه بالزراعه والورد

واخيرا الله يهنيكم بالبيت​
 

بنت عدن

عضو نشط
التسجيل
17 يونيو 2009
المشاركات
158
الإقامة
اليمن
والله ما عندي علم
من قال الله اعلم فقد افتاء
بالتوفيق
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
المثل يقول ( عط الخبز للخباز حتى لو اكل نصه )
روحى للمشاتل لان عندهم تصاميم حلوه ، وهم اللى ينفذونها بعد
وما يمنع تتركين بصماتج على تصاميمهم​
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
وعليكم السلام

خوفج بعد كل الشغل والتعب والخساير
يجي قرار بـ ازالة هالسوالف حاله من حال الدواوين !

اشكر تفاعلك اخوي شريف روما مع الموضوع وبالنسبة للي ذكرته لا ان شاء الله ما في إزالة لأنها ملك لنا كانت جدام البيت واشتريناها
المساحه تقصدين فيها الارتداد الحكومي
او المساحه ملك ؟

وبعدين لو تحطين طول المساحه وعرضها يكون احسن
حتى يصير تصور عند الشخص اللي بيعطيج فكره

اسمحي لي ابوق افكار عشان الارتداد اللي
عند بيتي ولو انه ارتداد حكومي لكن انزينه بالزراعه والورد

واخيرا الله يهنيكم بالبيت​

مشكور اخوي قلم حر ولو تبي اي فكرة انا حاضرة والموضوع والردود تحت امرك
بالنسبة للمساحة تقريبا طولها 30 متر وعرضها 20 متر
والله ما عندي علم
من قال الله اعلم فقد افتاء
بالتوفيق

شاكرة مرورج اختي

المثل يقول ( عط الخبز للخباز حتى لو اكل نصه )
روحى للمشاتل لان عندهم تصاميم حلوه ، وهم اللى ينفذونها بعد
وما يمنع تتركين بصماتج على تصاميمهم​

اشكر تفاعلك اخوي فضل مع الموضوع
وانا عندي خبر ان في مشاتل وشغلهم حلو بس المشاتل أكيد بتعطيهم وين مكان المسبح ووين مكان المشب ونفس الشي الدكة والشلال يعني ما تخليهم يخططون على مزاجهم انا ممكن استفيد من المشاتل بتزين وتشجير المساحات اللي تبقى والممرات لكن كتصميم وتخطيط لا
 

سارونا

عضو نشط
التسجيل
6 يونيو 2009
المشاركات
315
الإقامة
الكويت فديتهااااا
بالجرايد الاعلانيه موجود اعلانات متخصصين ومهندسين للحدايق المنزليه

وموفقه
 

ياسر الروقي

عضو نشط
التسجيل
11 يونيو 2007
المشاركات
3,829
الإقامة
بلدة طيبة ورب غفور
دكه ومشب ممنوع ويتم ازالته فورآ
اما زراعة وورود وعمل ممرات من البلاط الكويتي الاحمر ويفضل صناعة الوطنيه هذا مسموع
وازرعي نخل ووصليله لمبات زينه ولمبات ارضيه عاكسه للأعلا وتكون ملونه بالاخضر والالوان الباقيه حسب ضوقج وكل هالشغلات موجوده عند سوق النصف بالشيوخ
 

Kuwait

مراقب
التسجيل
28 فبراير 2006
المشاركات
1,394
الإقامة
♡♥ Kuwait ♡♥
اولا الله يوفق بنت العم شجرة العود


ثانيا انتي ناويه تنبين بالسعوديه:)

او بالكويت

وعسى الله يوفقج دنيا وآخره


تستاهلين غابه كامله مو بس حديقه​
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
بالجرايد الاعلانيه موجود اعلانات متخصصين ومهندسين للحدايق المنزليه

وموفقه

الازاله ناطرين الشاره

نصيحه ابعدوا عن الشر وغنيله وبلا خساير

دكه ومشب ممنوع ويتم ازالته فورآ
اما زراعة وورود وعمل ممرات من البلاط الكويتي الاحمر ويفضل صناعة الوطنيه هذا مسموع
وازرعي نخل ووصليله لمبات زينه ولمبات ارضيه عاكسه للأعلا وتكون ملونه بالاخضر والالوان الباقيه حسب ضوقج وكل هالشغلات موجوده عند سوق النصف بالشيوخ

اولا الله يوفق بنت العم شجرة العود


ثانيا انتي ناويه تنبين بالسعوديه:)

او بالكويت

وعسى الله يوفقج دنيا وآخره


تستاهلين غابه كامله مو بس حديقه​


مشكورة اختي الحبيبة سارونا واخواني الأعزاء بوزييز والروقي ومراقبنا واخوي العزيز كويت لتفاعلكم معاي بصراحة ما قصرتوا يا مال العافية
بالنسبة للإزالة انا قلت انها ملك وداخل سور البيت يعني مو تعديات والحمدلله فيها صك بإسمي وبخصوص الجرايد والتشجير والتزين فعلا كلامكم صحيح بس المشكلة المهندس يقول عطيني تخطيط مبدئي وين تبين مكان المشب مثلا ووين تبين مكان الدكة و..و.. انا ودي باقتراحاتكم اللي تفيدني بالتخطيط والتصميم وليس التزيين مثلا وحدة من رفيجاتي تقول خلي الدكة قريبة من الشلال حتى بالصيف تبرد عليكم الجو انا ابي افكار بالمواقع وليس التشجير والديكور الخارجي والاضاءات حول وتحت الشجر حلوة وتعطي جمال .
اتمنى تكون الفكرة من الطلب وصلة
عموما ما قصرتوا وجزاكم الله خير
 

ياسر الروقي

عضو نشط
التسجيل
11 يونيو 2007
المشاركات
3,829
الإقامة
بلدة طيبة ورب غفور
لا تنسين شغله مهمه وهي الرخصه من البلديه حتى لو الارض ملك لازم رخصه
اذكر جاني واحد من الربع يشتكي عنده قسيمه بهديه والارض اللي جمبه ملك وحاط فيها حديقه وملاهي لاطفاله دكوها الازاله ودمروها وقال فرصه اشتكي واخذ تعويض
وصادوا ان ما عنده رخصه لعمل هذه الاشياء حتى لو كانت ملك
لان الشخص حتى اذا جاء يبني ارضه يطلب ترخيص من البلديه
وانا اقول لا تستعجلين
بعدين سالفة دكه قديمه يا شجرة طابوق واسمنت مكان جامد
عليك بالاكراسي المتحركه تغيرين مكانها متى مامليتي من المكان
وبس مليت وانا اكتب ههههههه
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
لا تنسين شغله مهمه وهي الرخصه من البلديه حتى لو الارض ملك لازم رخصه
اذكر جاني واحد من الربع يشتكي عنده قسيمه بهديه والارض اللي جمبه ملك وحاط فيها حديقه وملاهي لاطفاله دكوها الازاله ودمروها وقال فرصه اشتكي واخذ تعويض
وصادوا ان ما عنده رخصه لعمل هذه الاشياء حتى لو كانت ملك
لان الشخص حتى اذا جاء يبني ارضه يطلب ترخيص من البلديه
وانا اقول لا تستعجلين
بعدين سالفة دكه قديمه يا شجرة طابوق واسمنت مكان جامد
عليك بالاكراسي المتحركه تغيرين مكانها متى مامليتي من المكان
وبس مليت وانا اكتب ههههههه

مشكوووور يالروقي على تفاعلك مع الموضوع وما قصرت وآسفة ان كنت اتعبتك بالكتابة :) تحملوني لين اخلص من الحديقة وأرسل لكم صورها بإذن واحد أحد
موضوع الرخصة فعلا ما كان في بالي لأني كنت اضن بس البنيان يتطلب وجود رخصة
بالنسبة للدكة انا عاجبتني لأنها مرتفعة وموضوع الكراس المتحركة ان شاء الله بيكون في كراسي متحركة وطاولة بمظلتها على النجيل لأن المساحة كبيرة بغطيها بالكماليات وبعض الأثاث الخاص بالحدائق.

عندي سؤال هل الزراعة حول السور يأثر على السور وخاصة إذا كان أشجار ونخيل ؟
 

NoOoOoR

عضو نشط
التسجيل
18 أغسطس 2008
المشاركات
10,667
الإقامة
الكــويـــت....:))
انا ماعندي فكره عن الحدائق

بس حبيت اقول لج بالتوفيق ان شاء الله

وبأنتظار الصور :) :)
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
انا ماعندي فكره عن الحدائق

بس حبيت اقول لج بالتوفيق ان شاء الله

وبأنتظار الصور :) :)

هلا وكل الغلا بنووور
اسعدني مرورج وان شاء الله بحط الصور إذا انتهيت منها لأنها بصراحة عندي مهمة بالحييييل هالحديقة نسيت البيت عندها
 

فضل

عضو مميز
التسجيل
25 يوليو 2008
المشاركات
6,792
الإقامة
بين السماااء والارض
بالنسبه ان السور ممكن يتأثر

اعتقد اذا طبقتى شغلتين باذن الله ما راح يتأثر

1 - اذا تم حفر عميق للسور ، وتم وضع قواعد قويه ، وكل مسافه عمود

2 - ابعاد الشجر والنخيل عن السور على الاقل ب متر ونص​
 

الـصانع

عضو نشط
التسجيل
11 أبريل 2008
المشاركات
632
الإقامة
KuwaiT
اتوقع 30 بـ 20

حلوه تخلينها قعده دائريه ودار مدارج ورد اشكال وانواع من المشاتل

كثر ما تقدرين خليها مريحه

ملاحظه بسيطه حاليا قوانين الازاله وصديق لي يعمل معهم .. سواء الارض ملكك او لا

لا يمكن تسوريها واغلاقها .. لابد من وضع ثلاث امتار فاصله بين كل شجره او زرعه
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
بالنسبه ان السور ممكن يتأثر

اعتقد اذا طبقتى شغلتين باذن الله ما راح يتأثر

1 - اذا تم حفر عميق للسور ، وتم وضع قواعد قويه ، وكل مسافه عمود

2 - ابعاد الشجر والنخيل عن السور على الاقل ب متر ونص​

صح مثل ما قالوا لي لازم تكون مسافة بين السور والنخيل والاشجار ما تقل عن متر ونص معناتها أحط ممرات حول السور من الداخل وبعد الممر يكون الزرع
مشكور اخوي فضل ما قصرت

اتوقع 30 بـ 20

حلوه تخلينها قعده دائريه ودار مدارج ورد اشكال وانواع من المشاتل

كثر ما تقدرين خليها مريحه

ملاحظه بسيطه حاليا قوانين الازاله وصديق لي يعمل معهم .. سواء الارض ملكك او لا

لا يمكن تسوريها واغلاقها .. لابد من وضع ثلاث امتار فاصله بين كل شجره او زرعه

ملاحظة حلوة ومريحة انا ناوية احط قعدة دائريةاو مربعة و مرتفعة(دكة) بقطر 6 أو 7 أمتار وتكون بنص الأرض او بزاوية ويمها شلال حتى يبرد الجو حولها
وبالنسبة للإزالة ما في مشكلة ان شاء الله كل إجراءاتنا قانونية لأن عندنا مستشار قانوني خاص للعيلة
مشكور أخوي الصانع وما قصرت
 
التسجيل
25 سبتمبر 2008
المشاركات
813
الإقامة
الكويت
بسم الله الرحمن الرحيم

اختي الكريمة هذا مخطط من تصميمي

Homegarden.jpg



شرح المخطط

في البداية حرصت غلى وجود الأشياء اللي ذكرتيها مع إضافة لمسة من التميز وفي نفس الوقت استغلال المساحة بالكامل لتلبية كافة المتطلبات.

نلاحظ من خلال الصورة ما يلي:
المنطقة مقسمة الى 5 اقسام (4 مربعات + المسبح)

(المربعات)
مربع رقم(1): هذه المنطقة ستكون للجلوس (دكه+مشب) يمكن نصب خيمة عليها عند الحاجة.

مربع رقم(2): هذه المنطقة ستكون للطبخ والشوي ويمكن في العزايم استخدامها في وضع البوفيه.

مربع رقم(3): هذه المنطقة تحطون عليها لافته مكتوب فيها ممنوع الإقتراب للصغار فقط :D لأنها خاصة بألعاب الأطفال الله يحفظهم.

مربع رقم(4): هذه المنطقة سميتها المنطقة المفتوحة يعني لج مطلق الحرية في تحديد محتواها لكن انا عندي 3 اقتراحات:
1-اذا تحبون الحيوانات ممكن تحطون فيها مثلا دجاج-بط-ارانب-غزلان-قرود-تماسيح :)
2-اذا تحبون الزراعة ممكن تزرعون فيها ما شئتم من الفاكهة والخضروات الطازجة >على هالجو حتى الخيار ما يطلع :p
3-ممكن تكون جلسة خاصة للنساء.

(المسبح)
وهو باعتقادي ما يميز الحديقة وهو حقيقة مكلف ماديا لكن ان وجد سيعطي لها طابع خاص.

ونلاحظ ان المسبح يحتوي على 3 امور:
1-الجزيرة: ويمكن ان توضع عليها طاولة + مظلة وتجتمع الأسرة فيها لتناول الطعام ، وتكون قاعدتها كالدرج حتى يستطيع السابحون ان يصلوا اليها لتناول العصير والآيس كريم :cool:
2-الجسر: وهو يربط ما بين الجزيرة والحديقة
3-النافورة: وهي ستضفي على المكان مزيدا من الحياة والجمال والشعور بالانتعاش ، وهذا النوع يسمى floating fountain اي النافورة العائمة وهي اضافة غير مكلفة للمسبح.

ونلاحظ ايضا في زوايا المربعات:
1-زاوية مزروعة من الكونوكاربس
2-اضاءة طولية عند كل زاوية

بالإضافة الى الممرات الموزعة لتسهيل الوصول الى جميع المناطق ويمكن اضافة اضاءة ارضية لها​
 

شجرة العود

عضو نشط
التسجيل
10 سبتمبر 2008
المشاركات
1,816
الإقامة
ديرتي
أخوي مركز مالي ما شاء الله عليك
تصميم روووعة وفعلا هذا اللي كنت أقصده المواقع مو الديكورات لأن الديكورات يدخل فيها الأذواق
بجد والله والله بدون مجاملة شلت حمل من على ظهري بنسبة 90% وفكرة الجسر والجزيرة تجنن تعطي انطباع انك داخل منتجع مو بيت وحلوة لافتة ممنوع اقتراب الكبار لأنهم مساكين دايم نكتب ممنوع دخول الاطفال ممنوع اصطحاب الاطفال كل شي ممنوع عليهم بتونسهم هاللافتة بجد كل الافكار رهيييبة بس شنو يعني الكونوكاربس ما عرفته؟
مركز مالي تسلم ايدك مجهود ما راح أنساه لك حتى توقيعك استفدت منه الله يجزاك الفردوس الأعلى
 
أعلى