أبي مساعدتكم لو تكرمتوا

[المركز المالي]

مشكوورة اختي على الكلام الجميل وهذا يكفيني مقابل شي بسيط اقدمه لكم ولا انتوا تستاهلون اكثر وانا اعتذر عن قلة المشاركات والتأخر في الرد لكثرة انشغالي

اختي الكونوكاربس نبتة معروفة في الكويت تشبه الياسمين وتمتاز بسرعة النمو والإخضرار الدائم وتصلح للتزيين والتشكيل وما اعتقد في حديقة بالكويت مو موجودة فيها

واي سؤال انا حاضر او اذا تبين تصاميم ثانية

 

[المركز المالي]

طبعا اذا نويتوا تحطون مسبح لاتنسون هالإضافات وهي غير مكلفة لأن التكلفة كلها بالمسبح نفسه

1- اضاءة المسبح من الفايبر اوبتكس (fiber optics) مثل هالصور

2-النافورة اللي تكلمت عنها

والمسابح انوااااع كل واحد له سعر حسب النوعية والحجم والمواد وهذا موضوع بروحه

الله يوفقكم ان شاء الله​

 

[شجرة العود]

أخوي مركز مالي بجد والله ما قصرت والظاهر ان ما شالله عليك عندك خلفية بالأمور هاذي وبعد نظر
المسابح روعة وحلو ان فيها قسم للأطفال والنافورة طريقتها أحلا بكثيير من اللي فيهم جبس
الله يعطيك العافية
بالنسبة للممرات الأفضل يكون لها هوامش مرتفعة وفتحات المشي عالنجيل او ما في حاجز بينها وبين النجيل
وإذا عندك خلفية بالبنيان في عندي مجلس الحريم شباكه كبير في مجال أحوله لباب زجاجي واشبكه ببلكونة تفتح عالحديقة او مستحيل

 

[q8royale]

اختي الفاضلة
في بالمكتبات مجلات عن العقار و البناء - بعد عن الحدائق و ساحات البيوت
بالمارينا فيرجن ميغا ستور - بالمثنى المكتبة اللي بالسرداب - بالجابرية مكتبتين عندهم مجلات لا بأس فيها ...
المساحة 30 ب 20 مساحة طيبة و ممكن عمل الكثير فيها لكن بتأني
بالتوفيق و الله يبارك لك بحلالك

 

[شجرة العود]

اختي الفاضلة
في بالمكتبات مجلات عن العقار و البناء - بعد عن الحدائق و ساحات البيوت
بالمارينا فيرجن ميغا ستور - بالمثنى المكتبة اللي بالسرداب - بالجابرية مكتبتين عندهم مجلات لا بأس فيها ...
المساحة 30 ب 20 مساحة طيبة و ممكن عمل الكثير فيها لكن بتأني
بالتوفيق و الله يبارك لك بحلالك

مشكور اخوي والله إطلعت على مجلات وكتالوجات من محلات متخصصه بس انا كان ينقصني أماكن المواقع وكان بودي تكون المساعدة من واقع خبرة وتجربة وأخوي مركز مالي الله يجزاه الجنة والاخوان ما قصروا وساعدوني​