الي يبي دعوه من القلب يدخل

[مضارب مبتدىء]

أخواني أنا جديد بالسوق ويوم الأحد شاري شاري وابي سهم مربح استثماري شتنصحوني فيه

ترا ابواب السماء مفتوحه

 

[abo saleem]

تابع المنتدى

ولا تستعجل واخذ التوصيات من المحللين الثقه

ومع الوقت راح تعرف الثقه وينه فيهم

 

[mish3l]

لاتشترى انطر السوق بينزل

 

[مضارب مبتدىء]

الله يعطيك العافيه والله راح ادعيلك وأخلي عجوزي تدعيلك

 

[مضارب مبتدىء]

زين ياالربع تنصحوني بسهم ابيار

 

[lubr02]

زين ياالربع تنصحوني بسهم ابيار

ابيار كان سعره 114 عليه تجميع مو طبيعي قبل شهر او اكثر . واليوم تداولاته خفيفه وسعره 100 او 99 واذا تبي اكثر اسال المحللين بالمنتدى وفي صفحه خاصه لابيار دش عليها ( انا ما قلت لك لا تبيع وله تشتر ) هذا سوق ودير بالك

 

[العازمي32]

اخوي انت مضارب ولا تبي تستثمر

 

[بو سجي]

اشتر الاسهم الرخيصه وماعليها خوف او مشاكل مثل مجموعه د - اكتتاب - الصفوه

او اشتر صناعات وطنيه او نور اسهم هذا رايي وشوف راي الشباب

 

[fahhad76]

أخواني أنا جديد بالسوق ويوم الأحد شاري شاري وابي سهم مربح استثماري شتنصحوني فيه

ترا ابواب السماء مفتوحه

حياك الله يالغالي.

صدقنى ماراح يخسر الا انت نقدر نقولك كذا سهم.

السوق يا الغالى يبيله تريث وعدم استعجال.

السوق ماارح يطير اللى راح تطير فلوسك.

دام انك للحين مو داش السوق فيجب عليك تعلمه بالاساس.

مثال دورات فنيه او محفظه وهميه وماشابه ذلك.


وبعدها ان شاءلله راح تحقق الربح الوفير .


والله يوفقك ان شاءالله .

 

[العازمي32]

اشتر الاسهم الرخيصه وماعليها خوف او مشاكل مثل مجموعه د - اكتتاب - الصفوه

او اشتر صناعات وطنيه او نور اسهم هذا رايي وشوف راي الشباب

بارك الله فيك عدل توقيعك ==اكتب تحت ان شاء الله == كذا

 

[بونزال]

أخواني أنا جديد بالسوق ويوم الأحد شاري شاري وابي سهم مربح استثماري شتنصحوني فيه

ترا ابواب السماء مفتوحه

على قولت اخوي حاطب الليل اترك الترك يتركونك ودي انصح لكن اخاف تدعي على اهم شي لاتستعجل السوق موطاير

 

[bo fawaz]

أخواني أنا جديد بالسوق ويوم الأحد شاري شاري وابي سهم مربح استثماري شتنصحوني فيه

ترا ابواب السماء مفتوحه

مساء الخير مضارب مبتدى

يمكن تلقى لك توصية تربحك مرة وثنتين

والثالثة اتخسرك الى ربحت او فوقة راس المال

السوق فى مرحلة تصحيح لم تنتهى

وفى الوقت الحالى المؤشر معطى اشارة خروج

انتظر ولاتستعجل على رزقك

وعلى قولة اخوى حاطب ليل

ربح ايفوت ولاعظم ينكسر​

 

[Jalazmi]

اصبر وتابع المنتدى ولا تستعجل السوق مو طاير

تابعلك سهمين وتابع وضعهم بالمنتدى ولا تدخل عليهم الا وانت متأكد من وضعهم
واصبر مو لازم تشتري هالاسبوع ولا هالشهر
تابع الاسهم اللي في بالك الشهر هذا وادخل عليهم الشهر الجاي .. حتى تكون الصوره واضحه جدامك

والله يرزقك ويرزقنا معاك من خيره قول امين

 

[C-oNtROoL]

يقال وبسبب الأوضاع الاقتصادية السوق بصك أبوابه

لأن صغار المتداولين سيخرجون من البورصة ​

 

[ezee]

اخوى راقب اعيان للاستثمار وخلة بين عيونك

 

[زارع الامل]

السوق اموره سيئه بس المهم يحافظ علي عدم كسره 8000 عنده دعومات 7800 و7600 اذا كسرها نقول الله المستعان

 

[مضارب مبتدىء]

الله يعطيكم الف عافيه على سرعة الاستجابه والخوف على الغير وهذا من طيب اصلكم وان راح اخذ بنصايحكم

 

[العازمي32]

والله مضارب مبتدئ نصيحه خل فلوسك وديعه بيت التمويل ابرك من السوق كله خساره كله هم وغم ودبلت الكبد السوق == وديعه وفتك الله يوافقك

 

[مضارب مبتدىء]

والله مضارب مبتدئ نصيحه خل فلوسك وديعه بيت التمويل ابرك من السوق كله خساره كله هم وغم ودبلت الكبد السوق == وديعه وفتك الله يوافقك

مشكور اخوي العازمي بس الحمد الله الامور طيبه وانا ودي اجرب حظي باي سهم استثماري واذا ماالله وفق نكون جربنا

 

[العازمي32]

مشكور اخوي العازمي بس الحمد الله الامور طيبه وانا ودي اجرب حظي باي سهم استثماري واذا ماالله وفق نكون جربنا

اجل اخذ السهم هذا ان شاء الله ما تحسف بوبيان بيروكيماويات الله يوفقك استثماري الله يوفقك