ترقيه الموظف الى رئيس قسم في الوظائف الحكوميه ... هل يوجد قانون ينظمها .......

[قناص_السوق]

السلام عليكم ....

عندي اسأله الله يجزاكم خير :-

1- هل يوجد قانون ينظم العمل في الوظائف الحكوميه ؟ ( ممكن احصل نصوصه ان وجد )

2- هل قانون العمل في القطاع الاهلي ينطبق ايضا على القطاع الحكومي ؟

3- هل يوجد قانون للترقيات في القطاع الحكومي لتحديد الاولويه و الافضل في شغل منصب رئيس قسم او مراقب عام و ما شابه من الوظائف الاشرافيه حتى يتسنى للجميع الترقيه لمنصب اعلى ؟ (اذا وجد وين احصل نصوصه و شنو اهو القانون )




جزاكم الله خير و السموحه على الغيبه ظروف خارجه عن الاراده

 

[fayoona74]

السلام عليكم ....

عندي اسأله الله يجزاكم خير :-

1- هل يوجد قانون ينظم العمل في الوظائف الحكوميه ؟ ( ممكن احصل نصوصه ان وجد )


قانون الخدمة المدنية ونظام الخدمة المدنية

2- هل قانون العمل في القطاع الاهلي ينطبق ايضا على القطاع الحكومي ؟

لا لاينطبق

3- هل يوجد قانون للترقيات في القطاع الحكومي لتحديد الاولويه و الافضل في شغل منصب رئيس قسم او مراقب عام و ما شابه من الوظائف الاشرافيه حتى يتسنى للجميع الترقيه لمنصب اعلى ؟ (اذا وجد وين احصل نصوصه و شنو اهو القانون )

نعم توجد قرارات صادرة من الديوان



جزاكم الله خير و السموحه على الغيبه ظروف خارجه عن الاراده [/quote]



حمدلله على السلامة وعسى المانع خير والقرارات والقانون والنظام تحصلة من الديوان اذا عندك احد تعرفه او اي قانوني بالادارات القانونية او الشئون الادارية باي جهة حكومية

 

[qanon]

اخونا العزيز كويتى

مشكور على سؤالك المميز

والاخت فيونا ما قصرت بالرد

وامبين يا اخونا من كلامك انك ما تشتغل بالحكومة نهائيا


على العموم تحياتى لك

 

[قناص_السوق]

لا اخوي انا موظف بالحكومه تعيين يديد بس قاعد اخطط للمستقبل


اختي فيونه بعد الشكر لج ما اعرف احد هناك في ديوان الخدمه او الشؤون القانونيه تقدرييين تدبرين لي القوانين وقانون الخدمه المدنيه اطلعت عليه بس ما لقيت اي فصل يتعلق بالترقيات

 

[fayoona74]

حاضر كويتي بس عطني مهلة لان جدا مشغولة هاليومين

 

[fayoona74]

كويتي عزيزي اول شي ليش هالغيبة الطويلة من زمان ماتشارك عليك مخالفة تغيب

اللي ينظم شروط شغل الوظائف الاشرافية بالجهات الحكومية يابو الخطط قرار مجلس الخدمة المدنية رقم 25/2006 والقرار 6/2008 وانشالله بيوم من الايام اطبعهم لك بالمنتدى بس مو الحين لان يبيلهم قعدة ومجابل او دز لي رقم الفاكس الخاص فيك وادزهم لك اذا تحب

 

[قناص_السوق]

مشكوره وما قصرتي فيونه على سؤالج عني ....

وانشالله الايام اليايه ارد و اشارك بمواضيع حلوه وللعلم ما تحلو القعده الا بمناقشة المواضيع معاكم بالمنتدى و في عندي موضوع وايد حلو حاط ببالي اجهزه لكم عما قريب

بعد ما اجمع جم معلومه بس ... وانشالله الموضوع الي ببالي راح يحوز على اعجابكم و رضاكم ....

واهو جزئ من الخطه والفكره الي تراودني و سبق وان ذكرتها لج بالخاص


والحين تدرين بعد احنا موظفين لازم شوي نشوف نفسنا بس لا والله ما عاش الي يتكبر لان التكبر لله سبحانه و تعالى وحده وانا كنت كله اراجع الوزاره و اعدل وضعي والامور هذي و انشالله حاليا مدرس بالتربيه و مستقبلا الله كريم حقوقي في الشؤون القانونيه .


اللهم عافنا واعفو عنا يا رب

 

[fayoona74]

بالتوفيق مستر كويتي

 

[qanon]

اخوى العزيز الظاهر ليلحين اتدور القرارات المتعلقة بالوظائف الاشرافية

حبيبى روح الشؤون الادارية اللى عندكم بالوزارة واطلب منهم القرارات المتعلقة بالوظائف الاشرافية


ولا اتعب روحك ولا تروح الديوان ترى ما عندهم مواقف وانت شايف الجو اشلون صاير

يعنى مالك الا والشؤون الادارية

واتمنى لك التوفيق يا رب ونشوفك مدير ادارة

 

[faris q8]

(اللي ينظم شروط شغل الوظائف الاشرافية بالجهات الحكومية يابو الخطط قرار مجلس الخدمة المدنية رقم 25/2006 والقرار 6/2008 وانشالله بيوم من الايام اطبعهم لك بالمنتدى بس مو الحين لان يبيلهم قعدة ومجابل)

**حطيهم جزاك الله خير خل الكل يستفيد ليش على الخاص والا فاكس**