صندوق المعسرين

[k-n-p-c]

يعطيكم العافيه شباب
اللي عنده معلومات عن صندوق المعسرين يفيدنا ويفيد الناس الموجوده
يعني اللي مسجل بالصندوق من زمان وين يروح يراجع عشان يعرف اذا مقبول مع الصندوق ولالا
وهل في ناس انقبلو بالصندوق وتم تسويه المديونيه مالتهم؟؟؟؟؟؟؟؟؟؟؟؟؟
ارجو مع الجميع المشاركه عشان تعم الفايده

 

[k-n-p-c]

معقوله محده يدري؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[q8fish]

السلام عليكم . بالنسبة حق صندوق المعسرين اذا حاب تجيك على وضعك تتصل على ببنك خدمة العملاء و اهم يفيدونك بالنسبة حق الوضع و ثاني شي بالنسبة حق صندوق المعسرين هذي لجنة خاصة من البنك المركزي محد يعرف وين مكانهم ولا اجراءاتهم ولا منو موجود باللجنة لأنها سرية مع العلم ان في قاضي يحكم فيها , اذا كانو جدولو مديونات ظاحد اي نعم تمت تسوية مديونات البعض لكن اهم قاعدين ياخذون الناس حبه حبه لكن بالنسبة حق الاجراءات غير معروفه هل هي بالارقام ا الاسامي او بالدور محد عارف . فا مثل ما تفضلت اذا تحب تعرف اكثر تتصل على خدمة العملاء بالبنك و اذا تبي تغير رقمك تراجع الفرع الي قدمت فيه طلبك و تغير رقمك عن طريقهم فقط لا غير لان لمن قدمت و الي قعدو معاك هذيلا اللجنة مو من موظفي البنك و عموما اللجنة عندهم ارقامكم و بياناتكم فإذا صار اي شي انشالله اهم راح يتصلون عليكم و يبلغوكم

و انشالله اكون وافي معاك يا الغالي

 

[k-n-p-c]

مشكور اخوي كويت فش علي الرد اللي يبرد الجبد

 

[ابو فهد الراكب]

السلام عليك أخوى انت عليك احكام القاء قبض ؟؟اذا عليك تروح للقاضى ومعك ورقه صندوق المعسرين والقاضى يشيل امر القاء القبض لين تخلص من صندوق المعسرين والله يوفقكم
وان شاء الله تطيج ديون تقبل مرورى

 

[k-n-p-c]

قواك الله بوفهد
بس حمدالله ماعلي القاء القبض

 

[عيد الظفيري]

بالنسبه لخوي اللي حاب يعرف عن صندوق المعسرين مكانهم في عمارة المبارك قريبة عند مدرسة المباركية اللي قريب عند ادارة شركة البترول لكن مايستقبلون احد حتى لو اتصلو عليك لكن طريقتهم اني قدمت مع اول الناس ومادقو على الى بالفتره الاخيرة لان واحد من الربع سجل قبل لا يسكرون ودقو علية قبلي والظاهر انهم يعطون الاولويه للي مديون اكثر ولما يدقون بس بياخذون منك ok لان في تغييرات راح تدخل على الصندوق وانشالله تكون طيبة بس يبيله صبر وابيك تغني ياليل مااطولك

 

[k-n-p-c]

يعطيك العافيه يا الظفيري ياخي طولو السالفه والله
انا امقدم من سنه تقريبا يعني مده طويله والله

 

[اليوفي الثاني]

في تغيير على صندوق المعسرين انشاء الله يعني راح تتوسع دائرة المعسرين حتى 40 بالمئة

 

[ابو طبوشه]

السلام عليكم
انا دقوا علي وخذيت جميع الاجرات وانشالله خير

 

[sarheed]

وافقت اللجنه على طلبي

السلام عليكم

انا قدمت من اوائل الناس على الصندوق ومديونيتي 48000 ومفنش من الشغل بالقطاع الخاص بسبب الازمه الاقتصاديه واتصلوا فيني قبل شهرين وافادوني ان اللجنه وافقت على 15000 تتقسط بالبنك مع فائده 5000 وبقسط 200 دينار والباقي تقريبا 32000 تتحول للحكومه وقسطها 200 دينار يبدأ بعد ما ينتهي قسط البنك.

وعندي اخوي عليه تقريبا 70000 متقاعد وافقت اللجنه على شراء المديونيه من البنك وان يقوم بتقسيط المبلغ 350 دينار شهري على الحكومه وراح وزارة العدل ووقع العقود معاهم

بس في الحالتين مازال البنك يخصم الاقساط الشهريه حسب الوضع السابق ولم ينفذ قرارات اللجنه يعني قرار اللجنه بس كلام والوضع كما هو وحسب افادة البنك ان الفلوس الزائده راح ترجع لنا بعد تطبيق قرار اللجنه

هذي المعلومه اللي عندي​