منوين اطلع التربتك وكم سعره بالكويت

[طال انتظاري]

السلام عليكم..


بغيت اعرف منوين اطلع التربتك حق سوريا وكم سعره

وهل اقدر اطلعه من السعوديه ولا لا


وشنو يطلبون من اوراق

ارجووو انكم تفيدووني


وشكرا

 

[طال انتظاري]

ارجوو الرد باسرع وقت الله لا يهينكم

 

[بو_راشد]

انا الي اعرفه في شركة في الري مقابل شركة الغانم

 

[طال انتظاري]

زين اقدر اخذه من السعوديه والسياره كويتيه

 

[eng.campos]

السلام عليكم..... التربتيك تقدر تطلعه من النادي الكويتي للسيارات مقابل صفاة الغانم ...الاوراق المطلوبه دفتر السياره+ صوره البطاقه المدنيه+ صوره البطاقه المدنيه للكفيل لانهم راح يطلبون منك كفيل...وخل معاك هوية العمل لك وللي راح يكفلك+مبلغ 35 دينار تقريبا ...واذا طلعت التريبتك لا تنسى انك تختمه من الجوازات الكويتيه وانت طالع من الكويت وحتى اذا رجعت.. والجوازات الاردنيه والسوريه....وموفق وترجع بالسلامه...

 

[بو_راشد]

ولاتنسى تسوي تامين عندهم النادي الكويتي اوفر لك واحسن علشان لوصلت بسلامه ماتتعب داخل الجوزات اختم وانت ماشي اريح لك

 

[الـعـتـيـبـي]

زين يااخوان اذا السيارة بسم واحد واهو معطيني توكيل عدة سفرات اقدر اروح عليها سوريا

 

[azzd]

اذا عندك توكيل تقدر ( يفضل توكيل من العدل )
التربتك بالكويت ارخص من السعودية ( بالكويت 30 دينار وترجعلك 5 دنانير لما ترجع الدفتر , وبالسعودية 500 ريال)
بس مثل ما قال الاخوان تحتاج الى كفيل
ولا تنسى انك تحرص على ختم الخروج و دخول لكل حدود ما عدا السعودية
بالتوفيق

 

[العاشق]

اخوي لا طلعها كلام فاضي كل دوله تمر عليها بيدفعونك وجنك مومطلعها
والاخ اللي يسال عن التوكيل تاكد انه مو بس دول الخليج

 

[الـعـتـيـبـي]

اخوي التوكيل الي معاي من النقل البري بس دول الخليج يدخلوني سوريا ولالا

 

[Eng-Omar]

لا اخوي ما يدخلونك

لازم توكيل من العدل