كيف اضمن حقي

[الموحد1]

ياجماعه عندي مؤجر امريكي صارله سنه ويدفع الاجار 400دينار واستلم الاجار بنفسي من غير مااعطيه وصل بالقيمه والحين اهو مسافر وقبل لايسافر عطاني 300دينار وقالي راح اعطي صديقي ال100 دينار الباقي من الاجار يعطيك ولاعطاني شي وقالي راح ارد من السفر شهر 8 ورحت البيت ومن الدريشه شفته شايل اغراضه واثاثه وباقي بعض الاغراض موجوده مثل الثلاجه والطباخ وسيارته موجوده بالمظله

الخلاصه: انا خايف مايدفع اللي عليه لأني حسيت ان عقده انتهى وراح يسافر ومايرد.

السؤال: شنو الاجراء اللي اقدر اسويه علشان اضمن حقي؟

والله يحفظكم ويبارك فيكم.

 

[fayoona74]

الحل انك ترفع عليه قضية اخلاء وايجارات متأخرة وتكتفي بتقديم العقد للمحكمة لكن حذارى انك تدش الشقة دام فيها اغراضه او تحاول انك تفتحها بمعرفتك دير بالك
طبعا القضية لاتستعجل فيها لين تتأكد ان فعلا الريال مو ناوي يرجع ويدفع واذا سافر لبلده بدون رجعه عوضك على الله اذا كان العقد ابرمته معاه شخصيا

 

[الموحد1]

واذا سافر لبلده بدون رجعه عوضك على الله اذا كان العقد ابرمته معاه شخصيا

الله يحفظك اخت فيونه مافهمت انا عندي نسخه من العقد وصورة بطاقته المدنيه واهو عنده نسخه كذلك وماتلاحظين هذي ثغره في القانون كل واحد يسافر ومايرد تروح حقوق الناس وياه

طيب مافيه طريقه يمنعون عليه السفر لحد مايسدد اروح المخفر مثلا ؟

 

[fayoona74]

طبعا فيه اذا طلع لك حكم بالايجارات المتأخرة والاخلاء تقدر تطلب استصدار منع سفر وترفق صورة من الحكم ومايخلونه يسافر الا لما يسدد اللي عليه وينفذ الحكم لكن منع السفر سلطة تقديرية للقاضي ممكن يوافق وممكن يرفض

 

[abatchy007]

لكن حذارى انك تدش الشقة دام فيها اغراضه او تحاول انك تفتحها بمعرفتك دير بالك

هلا اختي فيونا يعطيج الف عافيه على مجهودج ممكن طلب بسيط ابي توضحين شنو معنى هالنقطة الي ذكرتيها شنو يصير اذا دخل واغراضه موجوده؟

 

[أبوفلان]

نصيحتي اتصل عليه ، وتفاهم انت وياه ، وشوف بيرجع ولا لا ، غير جذي حقك ضايع

 

[الموحد1]

نصيحتي اتصل عليه ، وتفاهم انت وياه ، وشوف بيرجع ولا لا ، غير جذي حقك ضايع

حاليا الجهاز مغلق واهوا بيرجع باقي اغراض كثيره بالبيت وسيارته بالمظله بس انا خايف يرد ويفضي البيت ويقب ومايدفع انا موساكن بنفس البيت علشان اشوفه واللي خلاني اشك انه ماكمل اخر اجار وشكرا على التفاعل

 

[zoya_y]

هاو شلون جذي اهو اساسا شلون بيحفظ حقه تجاهك ؟
اهو صارله جم شهر مو دافع لك الايجار ؟

انا لو منك يا اوخيي اروح ارفع قضيه انه امتنع عن سداد الأجره من تاريخ الي امتنع فيه
واضمن حقي إذا رد خلااص لاتستمر بالقضيه
بس الاضمن لك يعني

 

[كاتب_متقاعد]

دفع الاجار مسموح لغايه يوم 20 من الشهر بعدها يحق للمالك رفع قضيه ويطالب بالاجار المتاخربالاضافه الى اخلاء الشقه

 

[fayoona74]

اباتشي طول ما ان المستاجر عقده ساري و ماطلع من العين المؤجرة رضائيا او قضائيا ممنوع قانونا انك تدخل مسكن خاص وهذي فيها شق جزائي ممكن يتهم المؤجر بالسرقة او اقتحام منزل او او
الحل مثل ماقلت قبل انه يرفع قضية ايجارات متأخرة ومايستجد حتى تمام الاخلاء