العيوب المصنعيه في السيارات الجديده وحماية المستهلك

الموضوع في 'اعلانات المركبات' بواسطة المؤشر, بتاريخ ‏10 يوليو 2009.

  1. المؤشر

    المؤشر المشرف العام مشرف

    التسجيل:
    ‏30 أغسطس 2001
    المشاركات:
    6,701
    عدد الإعجابات:
    72
    مكان الإقامة:
    الكويت
    كثير من من المستهلكين بعد شراء سياره جديده من الوكاله يتفاجأ بعد فتره بسيطه بظهور خلل في السياره ..... فهل هذا الخلل عيب مصنعي يستدعي تبديل السياره من الوكاله أم إصلاحها على الكفاله أم خلل نتيجة إستهلاك يتم التصليح على حساب المستهلك

    في حالة ظهور عيوب مصنعيه في السيارات تقوم الشركات الأم بإستدعاء ملايين السيارات حول العالم لإصلاحها مجاناً عند الوكيل.... فهل الوكلاء لدينا في الكويت ملتزمون بهذه السياسه؟


    هذا الموقع يبين جميع الإستدعاءات والتنبيهات التي تقوم بها جميع الشركات الأم في حالة إكتشافها لخلل مصنعي في سياراتها حول العالم

    http://www.autorecalls.us/auto-recalls.html

    لفت إنتباهي وجود خلل مصنعي في نظام الوقود في اليوكن والتاهو موديل 2009 أعلنت عنه شركة جنرال موتورز في مايو 2009 وطلبت من جميع وكلائها حول العالم إستدعاء جميع من إشتروا تلك السيارات وإصلاح الخلل مجاناً
     
  2. fz9009

    fz9009 عضو نشط

    التسجيل:
    ‏22 أكتوبر 2004
    المشاركات:
    345
    عدد الإعجابات:
    0
    مكان الإقامة:
    الكويت
    مساك الله بالخير يابوعلي وبارك الله فيك
    مشكور على التنبيه .....أعتقد وكلاء السيارات عندنا ماراح يستدعون السيارات....
    لكن تسهيلا على الزبائن !!!!! راح يصلحون السيارات عند بيوتهم :):)
     
  3. saad1975

    saad1975 عضو جديد

    التسجيل:
    ‏2 يونيو 2008
    المشاركات:
    1,731
    عدد الإعجابات:
    0
    اخوي من اي ناحية يعني قصدك نظام احتقان الوقود وهل طلبت شركة بهبهاني مراجعة المستهلكين لديها ام بعد
     
  4. BayanoS

    BayanoS عضو نشط

    التسجيل:
    ‏19 أكتوبر 2004
    المشاركات:
    116
    عدد الإعجابات:
    0
    السايت مال امريكا ... يمكن غير سيارات الي عندنا
     
  5. Fierce

    Fierce عضو نشط

    التسجيل:
    ‏8 يوليو 2008
    المشاركات:
    379
    عدد الإعجابات:
    244
    ياهممما لالي
    شريت سياره من الوكيل لاعادها الله من سياره فيها بستن واقف وما اكتشفوه الشركه بعد الف مليون شكوى من ظهور الصوت من الماكينه الا بعد سنه من الشراء وتالي جفدوا المكينه وعقبها عفت السياره وقطيتها على اقرب سوام برخص التراب
    ياعمي بالكويت اذا لك حق بتاخذه
    الا من التجار عشان عندهم انظمة معينه لايمكنك النفوذ عليهم من خلالها لأنهم اصحاب التقارير التي من شأنها ابطال مفعول اي شكوى او قضيه ضدها
     
  6. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    اي والله يا بو علــــــــــــــــــــي هالموضوع هاااااام
    والله نزلت علينا من السماء بهالطرح الراقي لهشغلات

    سالفتي طال عمركم>>> شريت لي دوج شارجر 2008 من الوكاله ما شاء الله موتر ما عليه كلام
    ثابت على الخط وحلو ممشاه ومكيفه بارد تبارك الرحمن
    لكن من اول ما خذيتها للحين في
    ((طقه بالقير +صوت بالبريك))
    وكل ما وديها للوكاله ما يسون شي اللهم تبديل فلتر و دهن ويغسلونها وغالي سيرفسهم والله
    وكان الله غفور رحيم ...
    يعني جنهم مسوين شي الحين ...

    وكان في رجفيه ووديت السياره من ثاني او ثالث يوم وتفهموا
    السالفه وبدلوا 4 تواير(( بررلـي بــ350 دينار)) على حسابهم وحـسيت بفرق بالممــشـى ...

    وجان زين تراسلهم الشركه الام ويقولون للملا وكيل الـدوج ان (يصلحون او بدلون) قيرات كل الشارجرات موديل 2008

    لكن هذا اذا حجت البقر على قرونها
     
  7. q8t4

    q8t4 عضو جديد

    التسجيل:
    ‏17 يونيو 2009
    المشاركات:
    85
    عدد الإعجابات:
    0
    عندي فورد فكتوريا 2007 فيها نتله في الجير وونت باككس
     
  8. المؤشر

    المؤشر المشرف العام مشرف

    التسجيل:
    ‏30 أغسطس 2001
    المشاركات:
    6,701
    عدد الإعجابات:
    72
    مكان الإقامة:
    الكويت
    شركة دوج أعلنت عن وجود مشكله في جير التشارجر موديل 2008 وراسلت جميع الوكلاء حول العالم
     

    الملفات المرفقة:

  9. الاحمـد

    الاحمـد عضو نشط

    التسجيل:
    ‏16 يونيو 2008
    المشاركات:
    1,425
    عدد الإعجابات:
    2
    قبل جم يوم رحت اودي السيارة للسيرفس وكلمت المهندس اللي بالصيانه
    وقال انه راسل الشركه الام لان مثل ما تفضلت اخوي
    وايد سيارات متضرره من هالمشكله
    والحل اللي يخفف الصوت هــو برمجه القير فقط لاغير

    وتسلم يالغالي على هالطرح الراقي لمثل هالمواضيع
     
  10. DayTradingOnly

    DayTradingOnly عضو جديد

    التسجيل:
    ‏21 أغسطس 2005
    المشاركات:
    181
    عدد الإعجابات:
    0
    الموضوع مفيد يا بش مهندس والرابط غايب عن الجميع فعلا

    بارك الله فيك

    ولكن شنو الخطوات السليمه لاستبدال السياره في حال وجود خلل مصنعي

    لان صاحبي شرى اوريون اول مانزلت 2007 بسنتها وكان فيها خلل مصنعي مرعب جدا بحيث انها تطفي وهي ماشيه ويقفل السكان والبريك يعني (هلاك) وانت ماشي :)
    وحاول فيهم ما فادوه بالاخير دخل عليهم المعرض بالري وسوالهم فيلم هندي واطلق عليهم لسان عوالم السيدة زينب .. اخذهم بالصيحه يعني .. وبالاخير ابتلشوا فيه وغيروها له بجديدة !!

    يعني فيه غيره كثير ما قدروا ياخذون حقهم وبنجوهم وسكتوهم بالسيرفس !!

    ياليت تضعون لنا الطريقة السليمة للاستبدال في حال وجود خلل مصنعي لا ينفع معه الصيانة
     
  11. المؤشر

    المؤشر المشرف العام مشرف

    التسجيل:
    ‏30 أغسطس 2001
    المشاركات:
    6,701
    عدد الإعجابات:
    72
    مكان الإقامة:
    الكويت
    يوجد حلين لهذه المشكله

    الحل الأول ودي ويقوم الوكيل بإستبدال السياره بأخرى جديده بدون مماطله وبدون لف ودوران مع تقديم إعتذار للعميل عن الإزعاج وهذا الحل تقوم به الشركات التي تحترم إسمها وسمعتها في السوق

    الحل الثاني هو الحل القانوني مع الشركات التي لا تحترم العميل ولا تحترم إسمها وممكن يفيدونكم فيه الإخوان المحامين في قسم الإستشارات القانونيه
    http://www.indexsignal.com/vb/forumdisplay.php?f=55
     
  12. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    اخوي موضوعك جميل
    بس الوكالات عندنا بالغالب مومهتمه بأرضاء الزبون همهم جيبه فقط

    واحد من الرع بعد الصيحه والهليله والشكاوي وحمايت المستهلك والقضاء صدر حكم بتغريم مدير فني بالوكاله ثلاث الاف انصدم زين والوكاله وصاحبها وينهم من الاعراب وشكو المدير الفني 00000
     
  13. DayTradingOnly

    DayTradingOnly عضو جديد

    التسجيل:
    ‏21 أغسطس 2005
    المشاركات:
    181
    عدد الإعجابات:
    0
    لقيت استدعاء لسيارة باثفايندر 2008 والمشكلة السبب قوي وهو عطل في الايرباجات الاماميه !

    والشركة نايمة تو مدخله سيرفر ولا قالولي شي :)

    شلون اطالبهم بالتعديل هذا .. ومنو المسؤل عنه في الوكالة ؟
     
  14. Taekwondo

    Taekwondo عضو جديد

    التسجيل:
    ‏4 يناير 2009
    المشاركات:
    382
    عدد الإعجابات:
    0
    مكان الإقامة:
    الكويت
    افضل حل بالحاله هذي يا جماعه ومن واقع تجربه شخصيه ، ارسال ايميل على الشركه الام بالخارج او الاتصال فيهم بالتلفون :) دقوا علينا من دبي وكيل بي ام بالشرق الاوسط وسألونا عن جم شغله المهم بعدها بجم يوم دقوا علينا وكالة الكويت قالوا: تفضل اخوي عندكم استفسار او شكوى :)
     
  15. سهم فسفوري

    سهم فسفوري عضو نشط

    التسجيل:
    ‏20 يناير 2006
    المشاركات:
    629
    عدد الإعجابات:
    2
    مكان الإقامة:
    BroadGate23>>>Uk
    بغيت اعرف شنو مشكله اليوكن والتاهو من موديل 2001إلى 2006 بخصوص الدبل كثر الخرابات..

    عملت له صيانه وخرب بعد شهر ونفس الخراب..!!!

    مادري شنو الحل
     
  16. ابوعمر2

    ابوعمر2 عضو جديد

    التسجيل:
    ‏25 ابريل 2009
    المشاركات:
    528
    عدد الإعجابات:
    0
    عندى يوكن 2009 بهبهانى طلعت لى علامت ايرباج ومو راضية تروح راجعت الوكالة قالوا انت ملبس الكشنات ومركب ارضية بلاستك قلت نعم قالو هاذا السبب مادرى صحيح ولا جذب
     
  17. gulffalcon

    gulffalcon عضو جديد

    التسجيل:
    ‏10 ديسمبر 2009
    المشاركات:
    450
    عدد الإعجابات:
    0
    مكان الإقامة:
    عبدالله السالم
    عندي جاغوار xj8 موديل 2004 وحطيته بالسايت وقال مافي عيوب والسياره كلها عيوب من نظام الهدروليك ونظام البخاخ والراديتر اللي يخلط الماء بالقير والمكينه لوتفتح مطارة ماء الراديتر تشوف كابتشينو من كثر ماهي خالطه لا واذا اخترب المعاون بس اذا فيك خير طق مطبه تحس انك قاعد على بعير وماخفي كان اعضم انا للحين مابدلت قطع بس المكينه والقير
     
  18. UNIX

    UNIX موقوف

    التسجيل:
    ‏9 ابريل 2007
    المشاركات:
    7,556
    عدد الإعجابات:
    1
    اللاند كروزر 2008-2010

    طقة بالجير لما يخفف من الثالث الى الثاني

    طبعاً السيارة في أكس ار جير تماتيك
     
  19. s351

    s351 عضو جديد

    التسجيل:
    ‏8 سبتمبر 2008
    المشاركات:
    35
    عدد الإعجابات:
    0
    موكل السيارات الي موجوده بالموقع يشملها الاستدعاء عندنا بس في سيارات تشوف الخليج لا يحط خبر ولا بطيخ وابسط مثال

    استدعاء اليوكن والتاهو والافلانش


    لفت إنتباهي وجود خلل مصنعي في نظام الوقود في اليوكن والتاهو موديل 2009 أعلنت عنه شركة جنرال موتورز في مايو 2009 وطلبت من جميع وكلائها حول العالم إستدعاء جميع من إشتروا تلك السيارات وإصلاح الخلل مجاناً


    صحيح الاعلان هذا ونزل بالسعودية بس اهني ماشفنا شي تدري ليش علشان تستمر بالسيرفس معاهم
    واسمع السالفة هذة
    قلت حق اخوي عن الاستدعاء ولما دخلها السيرفس قالهم قالو مافي شي مع انه بعد شهر خمسه بعدين على السيرفس الثاني بدلوها لما قالهم ليش مابدلتوها من اول مرة عطوك من هالحجج الماخوذ خيرها علشان لا يصير ربكة والعالم كلها تيب سياراتها ويصير ضغط وتاخير وتاخذ وقت ناس ثانين بالسيرفس وماكنا ندري وووووو

    يعني ببساطة الي مايدخل سيارة السيرفس مايدري مع انه عيب مصنعي المفروض حتى لو مومدخلها يصلحونه على حسابهم

    صورة الاستدعاء السعودي
    [​IMG]
     
  20. خمسة اقمار

    خمسة اقمار عضو جديد

    التسجيل:
    ‏3 أكتوبر 2007
    المشاركات:
    637
    عدد الإعجابات:
    0
    مكان الإقامة:
    الكويت
    عساكم على القوه على طرح هذا الموضوع

    والشئ اللي ودي تشاركوني الرأي فيه بخصوص شكوى الأهل على قرقعه وضعف البريك

    بسيارتهم (( فورد إيدج موديل 2008 ))