-- للايجار باسواق القرين -- لايطوفك

[JustSmile]

السلام عليكم ،،،


ياشباب اللي عنده نشاط او حاب يبدى نشاط

موجود بنايه معده ومجهزة لاي نشاط ،،، والمكان ممتاز


اللي حاب يأجر المساحه لكل معرض 100 متر مربع

والتشطيب سوبر ديلوكس

العنوان سهل جدا مقابل الادارة العامه لمكافحه المخدرات
بمنطقه اسواق القرين
http://maps.google.com/maps?f=d&source=s_d&saddr=&daddr=%2B29%C2%B0+11%27+44.26%22,+%2B48%C2%B0+2%27+58.97%22+(29.195629,+48.049715)&hl=en&geocode=&mra=mi&sll=29.195633,48.048674&sspn=0.001967,0.005493&g=29.195629,48.049715&ie=UTF8&t=h&ll=29.19553,48.049725&spn=0.001967,0.003449&z=18
وهذا الرابط يوريك المكان طبعا الصورة قديمه مر الان وشوف

مستقبل جدا ممتاز لهذا المكان

الانشطه اللي ممكن تقام بهذا المبني

1- نادي صحي (رجال او نساء)
2- انترنت كافيه او جيمز
3- طباعه وتصوير
4- مصانع حلويات او مخابز او تجهيزات غذائيه
5- معهد تدريب
6- مقر رئيسي لشركه
7- مطعم او مجمع مطاعم
8- معرض الكترونيات او ماشابه

من الممكن ممارسه عده اعمال وانشطه قد لاتحضرني لكن المكان يستحق منك الزيارة
والتاكد بنفسك

طبعا الايجار مناسب جدا

للاستفسار : 97601364
"الرجاء الاتصال بدون تردد اذا كانت الجديه عامل مشترك"
​

 

[JustSmile]

للرفع

 

[الدكتور80]

الله يرحم والديك
انت تسوقلهم ؟؟ ولا لك الاسواق ؟؟
انت سألت نفسك ليش الاقبال عليها خفيف ؟؟ اكيد تعرف ولا حاب انك ما تسمع
بس راح اقولك
حنا نقول الاسعار بالكويت غاليه ليش اذبجونا الاجانب السوري والمصري وغيرهم إلي فاتحين محلات بالكويت وخاصه بالاسواق ونستغرب وين الحكومه عنهم وين التجاره لكن اتضح ان المشكله مو فيهم المشكله في ربعنا اهل المجمعات وإلي الله رزقهم قام يبطش بالايجارات اهم شي فلووس بس مس ما فكر ولا حط بنظريه القليل الدائم ولا الكثير المنقطع ، ومع هذا هو يقول الاسعار غاليه وانا لازم اجر غالي وهو نفسه ساس المشكله لما يأجر رخيص اهل المحلات تبيع رخيص علي العموم انا مابي اطيل عليك
انا جيت المحلات واستفسرت منهم وإذا انت عندك خبر عن الايجارات واكيد عندك لانك ماسوقتلهم إلي عندك كل نشاط وله سعر اسألك بالله حط الاسعار الامتار لكل نشاط وشوف طبعاً الامتار علي حسب اختيار صاحب الحرفه لكن انا ابي منك شغله وحدده بس كل نشاط محددله سعر ابيك بس تحط الاسعار الموجوده لكل نشاط علي شان كل شخص حاب يعرف يضربها في الامتار إلي يبي ،، انا جيتهم وابي محل زل علي شان تكون بصوره وطلع علي الايجار من 1250 وفوق بالله انا عندي محل بالضجيج اجاره كان 500 وصار 750 وانت معطيني هالسعر ؟؟ ياليت بس اهل المجمعات يحسون بالشعب انا والله لو ينزل علي الايجار انزل الاسعار بس شلون اطلع ايجاري قولي ؟؟
الله يعينا علي تجارنا

 

[JustSmile]

اخي العزيز المجمع غير تابع ل شركه وليد العصيمي

هذا مجمع مستقل يملكه شخص ،، والاسعار ممتازه

اذا انت حاب اروح انا وياك وتشوف المكان وتعرف الاسعار

وشرط السعر راح يعجبك ،، اذا انت جاد انا حاضر

عموما الاسعا لا استطيع ان اذكرها الا بعد المعاينه

لا يصح ان تقيم سلعه من السعر فقط قبل ان تعاينها

ولك منى جزيل الشكر على المشاركه

 

[الدكتور80]

اخي العزيز
اولاً : انا ما ذكرت شخص لا وليد العصيمي ولا غيره والله يرزق الجميع ، انت اكتلي هالحين إنها له
ثانيا : انا جيتهم وقلتلك اني جيتهم وسعر واضح عندك إلي عطوني ،،
طيب انت مو تقول ان الاسعار راح تعجبيني ؟؟
بالله عليك شوف ابي محل سجاد وزل مساحه 70 متر ،،،
جم راح يطلع الايجار علي ؟ بس اتمني انك تحط السعر بالمنتدى علي شان الناس تكون بالصوره
شكراً لنقاش بالموضوع واتمنى اني اكون غلطان وانت توضح الصوره للاخوان إلي حابين يأجرون مو عارفين الوضع واتمنى ان النقاش ما يكون يزعل احد لان هذا نقاش مثل ما قلتلك
وابي منك التوضيح وضع سعر الايجار بالمتر بالمنتدي

 

[JustSmile]

الدكتور 80

يقولون الفاضي ،،، يتكلم على المليان

البنايه موجوده ياشباب واللي حاب يشوفها العنوان موجود وانا حاضر باي استفسارات

دمتم بود

انا درست بالجامعه ،، واكثر الدكاترة مغثه وتفلسف اللي يركزون على حرف الدال قبل الاسم

واحد منهم شفته بمصبغه ساله العامل شسمك عشان الفاتورة قال دكتور فلان

 

[الدكتور80]

جد والله
تصدق انا اشك انك درست بالجامعه لان ماشوف عندك لغة الحوار والتناقش يمكن لو تبيني اقيمك اقول واجد عليك موازي ،، يمكن انت تفلسف بس الحمدالله ان الناس عرفتك انك رجال مأجر لناس لكي تسوقلهم محلاتهم ولا عندك من الدلايل شي تقنع العالم فيها ، يعني بالعربي الفصيح انطبق عليك مثلك إلي قلته فاضي يتكلم بالمليان وهم انطبق عليك المثل إلي يقول غبر ياثور علي قرنك

 

[أبوفلان]

لا اخوي جست اسمايل المجمع غصبن عليك حق العصيمي وغصبن عليك تحط الاسعار وانت لاجامعي ولابطيخ كل هالكلام غصبن عليك

أقول يالدكتور ماودك بمشعاب تكفخ الرجال فيه ..!!

الله يعينك ياأخوي جست اسمايل ناس ما ادري وش فيها هالأيام

والي يقعد فاضي يعمل قاضي

موفق لكل خير

 

[JustSmile]

الله المستعان ،، و مشكور اخي العزيز ابو فلان ع المرور الكريم

 

[مصدر سهم]

اسعار المتر جم

وفي مجال اخذها قهوه وشكرا

 

[JustSmile]

اخي العزيز "مصدر سهم" اهلا وسهلا بك ،،

- لم افهم ماذا تقصد باسعار المترجم ؟!!
-القهوة اذا تقصد (شيشه و اخواتها ) المالك غير راغب بهذا النشاط
اما اذا كوفي شوب ممكن

و اتمنى من الشباب زيارة المكان لانه فعلا يستاهل العنوة للي يبي يبداء نشاط

 

[JustSmile]

للرفع

 

[JustSmile]

للرفع

 

[Q8SniperQ8]

اخوي جست سمايل تقدر تحط مثلا تقول اسعار المتر تترااوح مابين كذا لي كذا على حسب الموقع وترضي الجمييع

 

[JustSmile]

رحبا بك اخي "Q8SniperQ8"

الاسعار ،، تعتمد على الطلب اي شخص له خاطر يتفضل ويزورنا يعاين المكان
اذا عجبه وعزم مانختلف ع الاسعار