بخصوص رفعة قضيه

[القمر1]

السلام عليكم

يعطيكم العافيه

عندي سوال مهم


الحين اذا واحد بيرفع قضيه ووقع معه المحامي مثلا مبلغ 500 دينار
وعطاه عربون 100 دينار وصار صلح وما بدت القضيه بس المحامي قال انا سويت مذكرات هل من حق المحامي يطلع المبلغ كامل ؟

وهل من حق المحامي ياخذ فوق العربون مثلا دفعة 100 يطلب 100 زياده ؟

واذا ما عطيته غير العربون يقدر يطالبني فيها بالمحكمه او انا اقدر استرد منه المبلغ

وشاكرلكم

 

[zoya_y]

العقد شريعة المتعاقدين
بتلتزم بدفع المبلغ كااااااااااااامل تصالحت او لا

وله حق المحامي انه يرفع قضيه ويطالبك بالمبلغ كامل
وممكن انه ينحكم له بعد

ليش انه انت الي تراجعت وتركت القضيه

 

[مودQ8]

المحامي يستحق الاتعاب منذ توقيع العقد لان هذا البند منصوص عليه بالعقد دير بالك احسن شي تسوي معاه ودي وتتفق معاه لا تنسى ان حصمك محامي يعني ماخذ حقه ماخذه

 

[وقاص]

عادي دام محامي !!! وابتسم انت بالكويت

قسما بالله يوريك الويل بعز القايلة

اخوي نصيحة مني انا اخوك

تفاهم مع المحامي بشكل ودي وعطه جم بيزة زياده وفك عمرك

وان ما اخذ زياده غير العربون يعطيه العافيه

روح شوف المصريين يفتحون مكاتب محاماه على ظهور المحاميين الكويتيين الي ماعندهم ذمه ولا ضمير ويطيحون بوق بالعالم

يقولك انا كده وانا كده

وكنت وزير مالية مدري حاكم دولة

تالي ما يحضر معاك مو مسمووووووح له

لانه مو كويتي واصلا بالكويت مو معترف فيه محامي لانه مو كويتي

وتالي ينحكم عليك وتصك الدنيا بويهك

وهو ما دش وما يقدر

انزين وين الكويتي المحامي يقولك انا اكمل كل شيء وهو على الاخير يكمل

انزين وينه ماكو

طبعا حل من الاثنين

اما ترضى وتدفع وتقول كل طراق بتعلومه وهم تروح محامي كويتي ولد ديرتك نزيه يكمل القضية بمبلغ ثاني

او تحكره وتطلب منه يحضر الكويتي المحامي الي يبيع بذمم البشر ويشوه هالمهنه

ولما يوصلون تحكرهم بالمكتب وتقضض خشومهم واذانيهم بالدباسه

وربك كريم بتنصك حكم غيابي ولا تطلع من بيتكم ولا تداوم والحياة تصير دنيئة بعينك

انا شخصيا اتبعت الحل الثاني ولله الحمد

السموحة طلعت برا الموضوع بس مقهور يا اخوي