عيوب النقال الصيني

الحالة
موضوع مغلق

الصريح777

عضو نشط
التسجيل
21 يناير 2006
المشاركات
153
.

أبي أشتري تلفون لي وللأهل بس بصراحة سمعت أن الصناعة الصينية ( لعب عيال ) بمعني أن يقول البائع أنت وحظك
سألته شلون ؟؟؟
قال أعطيك التلفون شغال تطلع برى المحل ما أرجعه !!!!
وناس يسبون التلفون ويقولون يسبب صداع ومافيه ميزة الرنين الصامت !!

شنهو هذا ...هذا كلام عقال ..... ماشاء الله عندنا بالمنتدى قسم كامل لبيع وشراء الهواتف النقاله نبي رايكم ...يمكن الكلام هذا يضايق بعض الناس لكن لايكون ربحك على جهل الناس ببضاعتك وبعيوبها !! ترى الله بيعوضك خير لو صدقك النيه فالرجاء يا أخوان اللي جرب النقال الصيني لايبخل علينا بالمشورة وربعن تعاونوا ماذلوا


ودمت بحفظ الله











.
 

HWZ

عضو نشط
التسجيل
6 يوليو 2009
المشاركات
167
السلام عليكم
اخوي انا عندي تلفون صيني
استعماله الحمدالله زين بس ترا من ناس لي ناس يختلف مثلا واحد يعرف الهواتف الصينيه وتكون عنده زينه وبعضهم يكونون مو متعودين على الهواتف الصينية فتكون عندهم موزينه
و بعض تلفونات الصينيه ماتخترب بسرعه و وبعضهم بسرعه يختربون
بس ترا بعضهم فيهم رنين صامت وانشاء الله عطيتك معلومه على اقل
 

f.16

عضو نشط
التسجيل
23 أبريل 2008
المشاركات
533
حط ببالك اذا تبي تشتري تلفون صيني ماراح يقزر معاك يومين ولا خربان
وسمعت انه اكثر ضرر على الاذن
 

بوغمازات

عضو نشط
التسجيل
15 مايو 2007
المشاركات
2,416
الصناعة الصينيه تختلف من مصنع لمصنع ,,,, قبل اسبوع كنت في محل الهاتف الاوروبي ويقولي كل التلفونات اللي عندنا صينيه بس اصليه !!! يعني كل شي صار صيني وماتدري اصلي او لاء !!!
 

اقشر

عضو نشط
التسجيل
18 أبريل 2009
المشاركات
122
بصراحه ما استخدمت الصيني بس ما انصحك فيه لسبب مشاكله الكثيره بشكل عام مهما زادت مميزاته وحط في بالك انك راح تغامر بفلوسك لانه لا مكفول ولا له قطع غيار ولا حتى يتصلح هذا غير انه ممكن يكون مو متوافق مع المعدلات العالمية المسموح فيها للذبذبات الصادره من التلفون النقال اثناء الاستعمال يعني ممكن مخك الله يكافيننا معاك الشر يتأثر وساعته تقول يا ليتني ما شريت ولا وفرت.

اما بخصوص التلفونات الصينيه الاصلية فهذي ان شاء الله ما عليها خطورة لانها تتصنع تحت اشراف شركات معروفه وعالميه مثل النوكيا او السوني اريكسون او غيره وسبب تصنيعها في الصين يرجع الى رخص العماله والمواد هناك مو اكثر.
 

أبـو راشـد

عضو نشط
التسجيل
16 سبتمبر 2005
المشاركات
1,036
نصيحة أخ

أدبل السعر وريح بالك, حتى وقت البيع الأصلي يجيب سعر والصيني محد يقولك جم!
 

الصريح777

عضو نشط
التسجيل
21 يناير 2006
المشاركات
153
.


شكراً للجميع على أبدء الرأي والمشاركة


بس يا أخوان تذكروا موضوعنا عن النقال الصيني اللي موجود بالسوق



مو نقد عام عن الصناعة الصينية



نبي اللي شرا التلفون وأستخدمه .... يقول عن تجربته بس واحد اللي ذكر أنه استخدمه ويمدحه



ولانعيب على الصناعة الصينية ..... زين مايصنعون أوادم







.
 

ابو فرح2005

عضو نشط
التسجيل
12 أبريل 2009
المشاركات
267
تلفون صيني ماكو مشكله
بس لا يكون تقليد ماركات نوكيا مثلا ...... لانه زباله
 

ولد البراك

عضو نشط
التسجيل
21 يونيو 2009
المشاركات
51
نصيحة أخ

أدبل السعر وريح بالك, حتى وقت البيع الأصلي يجيب سعر والصيني محد يقولك جم!
كلامك عدل
 

gaaind

عضو نشط
التسجيل
17 سبتمبر 2007
المشاركات
221
الصيني كله زبالة
يوفرون في الخامات و معدلات الامان وكله علي حساب الصحة و الجودة
 

mishaal 55

عضو نشط
التسجيل
10 يونيو 2009
المشاركات
831
والله ياإخوان عندى واحد من الربع معاه جهاز صينى وصارله مستعمله أكثر من أربع أشهر ويمدحه حيل ويقول والله مافرق معاه شى علما إن إستعماله كراف يعنى التليفون مايطيح من إذنه وتلفونه e66 بس شكله نفس الاصلى ولا يفرق عنه شى
 

الصريح777

عضو نشط
التسجيل
21 يناير 2006
المشاركات
153
شكرا لجميع الاخوان المشاركين آرائكم تهمنا
 

G900

عضو نشط
التسجيل
21 يوليو 2008
المشاركات
961
الصيني ممتاز التقليد استخدمه من أكثر من 8 شهور ويكفي انو يشغل خطين
 

f.16

عضو نشط
التسجيل
23 أبريل 2008
المشاركات
533
والله عند واحد من الشباب تقليد e66 طاح بشوربة اندومي ولا صار فيه شي

بس الضاهر من الحراره طاح برغي من الجهاز
 

SUL6AN

عضو نشط
التسجيل
1 أبريل 2009
المشاركات
19
والله يا خوي انا اتكلم من تجربه
شريت الـe66 صيني وعلى قولتهم درجه اولى ومن هالكلام
وكانت ميزته يشغل خطين
لكن الجهاز تعبان وبطيء وعادي الاحرف تقلب عندك ما تكتب عدل
وخطه حيييل صغير
وعادي السيرفس كل شوي طايح
والبطاريه شحنها يطير بسرعه
نصيحه وخر عن الصيني كله
طبعا انا اكلمك عن التقليد الصيني
لان الحين في صيني اصلي اللي تحصله عند محلات البيع المعتمده
وصدقني لحد يقولك غير هالكلام
وانشاء الله اكون فدتك
 

إذكر الله

عضو نشط
التسجيل
5 يناير 2009
المشاركات
47
من واقع تجربتي ولا ني من شركة يقولون ,,, لا يخفى عليكم أن أغلب المستخدمين للهواتف لديهم أكثرمن خط ..

أنا استعمل التلفون الصيني نوعيه معينه .. ليش ؟؟

إيجابياته :

1 - يشغّل خطّين ، ولديه 2 مومري .(ليست موجوده بالتلفونات النوكيا وغيرها من الماركات )
2 - تقنية عاليه وتوجد لديه مواصفات كبيره وعاليه مثل (تلفزيون مجاني ) وبسعر رخيص .. بحيث لا توجد بتلفونات ذوي الأسعار المرتفعه ..

3 - تجد داخل الكرتون إكسسوارات كثيره بحيث لا تجدها بتلفونات ذوي الكفاله .. والسبب تفريقها وبيعها قطع للتجاره ...

4 - إستعمالي لهذا الجهاز .. جعل من أصدقائي البحث عنه لدرجة أني قبل يومين إشتريت 3 أجهزه من خارج الكويت هدايا من نفس الماركة بنصف سعر جهاز نوكيا واحد .. لرخصه ..

5 - الجهاز لديه ميزة الوارد على شكل وارد 1 ووارد 2 .. لكل خط لوحده كذلك( ألـ مسد كول) وهذه الميزه إرتحت لها بحيث تختصر عليّ المهام ..

العيوب :

1 - البطاريه عمرها قصير عند الإستخدام ( هذه المشكله تؤرقني ) ولكن أعتدت عليها ..
2 - اللغة غير مختصره أو غير مفهومه مثلا ً قائمة الآله الحاسبه مكتوبه بجملة (الأمور المنتظره للعمل ) !!!

3 - الرسائل المرسله من الكمبيوتر مثلا ً رساله من البنك عند سحب مبلغ تأتي لي سحب مبلغ وقدره >> بدون أرقام << وذلك بتاريخ >>بدون تاريخ << يعني الأرقام غير موجوده .. لاحظ (من جهاز الكمبيوتر فقط ) ؟؟؟؟

ولكن للأمانه : التلفون ميزاته كبيره مع إني لا أستخدمها وإهتمامي له بأنه يشغّل خطّين ولديه واردين للرسائل لكل خط .. وفوق هذا رخيص جدا ً .. والمشكله ليست بالمال ولكن هل الهاتف يخدمني بشكل كبير أم لا ؟؟.. أفضل من جهاز غالي الثمن ولا يمتاز بـ 70 % من تقنية الجهاز الصيني ناهيك عن كفالته التي لا نفع منها إلا بتفكيرنا بالبيع لا أكثر .. ولكن لو للإستخدام عليك بالتلفون الصيني ولو خرب لا خوف على المبلغ لأنه رخيص ...
 
التسجيل
29 أبريل 2008
المشاركات
85
من واقع تجربتي ولا ني من شركة يقولون ,,, لا يخفى عليكم أن أغلب المستخدمين للهواتف لديهم أكثرمن خط ..

أنا استعمل التلفون الصيني نوعيه معينه .. ليش ؟؟

إيجابياته :

1 - يشغّل خطّين ، ولديه 2 مومري .(ليست موجوده بالتلفونات النوكيا وغيرها من الماركات )
2 - تقنية عاليه وتوجد لديه مواصفات كبيره وعاليه مثل (تلفزيون مجاني ) وبسعر رخيص .. بحيث لا توجد بتلفونات ذوي الأسعار المرتفعه ..

3 - تجد داخل الكرتون إكسسوارات كثيره بحيث لا تجدها بتلفونات ذوي الكفاله .. والسبب تفريقها وبيعها قطع للتجاره ...

4 - إستعمالي لهذا الجهاز .. جعل من أصدقائي البحث عنه لدرجة أني قبل يومين إشتريت 3 أجهزه من خارج الكويت هدايا من نفس الماركة بنصف سعر جهاز نوكيا واحد .. لرخصه ..

5 - الجهاز لديه ميزة الوارد على شكل وارد 1 ووارد 2 .. لكل خط لوحده كذلك( ألـ مسد كول) وهذه الميزه إرتحت لها بحيث تختصر عليّ المهام ..

العيوب :

1 - البطاريه عمرها قصير عند الإستخدام ( هذه المشكله تؤرقني ) ولكن أعتدت عليها ..
2 - اللغة غير مختصره أو غير مفهومه مثلا ً قائمة الآله الحاسبه مكتوبه بجملة (الأمور المنتظره للعمل ) !!!

3 - الرسائل المرسله من الكمبيوتر مثلا ً رساله من البنك عند سحب مبلغ تأتي لي سحب مبلغ وقدره >> بدون أرقام << وذلك بتاريخ >>بدون تاريخ << يعني الأرقام غير موجوده .. لاحظ (من جهاز الكمبيوتر فقط ) ؟؟؟؟

ولكن للأمانه : التلفون ميزاته كبيره مع إني لا أستخدمها وإهتمامي له بأنه يشغّل خطّين ولديه واردين للرسائل لكل خط .. وفوق هذا رخيص جدا ً .. والمشكله ليست بالمال ولكن هل الهاتف يخدمني بشكل كبير أم لا ؟؟.. أفضل من جهاز غالي الثمن ولا يمتاز بـ 70 % من تقنية الجهاز الصيني ناهيك عن كفالته التي لا نفع منها إلا بتفكيرنا بالبيع لا أكثر .. ولكن لو للإستخدام عليك بالتلفون الصيني ولو خرب لا خوف على المبلغ لأنه رخيص ...

شنو اسم الجهاز نوعه او رقمة وسعره ماعليك امر
 
الحالة
موضوع مغلق
أعلى