احذروا من هالزباين

الموضوع في 'اعلانات بيع وشراء متفرقة' بواسطة children's link, بتاريخ ‏12 يوليو 2009.

حالة الموضوع:
مغلق
  1. children's link

    children's link عضو جديد

    التسجيل:
    ‏27 يونيو 2009
    المشاركات:
    90
    عدد الإعجابات:
    0
    مكان الإقامة:
    الكويت
    السلام عليكم ورحمة الله و بركاته
    مريت بتجربة حبيت اطرحها للكل عشان تستفيدون
    انا بصراحة مو اول مره تحصلي و كل مره اقول خلاص اخر مره اكررها بس ماكو فايده
    -----------------
    انا عندي موضوع بزمات غريبة و انا اييبهم بالطلب بس ما اخذ فلوس الا بعد التوصيل
    اكو وحده دزتلي مسج انها تبي تطلب بزمتين على شكل موبايل بس دزتلي مسج من خط الانترنت و لما وصلت طلبيتها طبعا ما اقدر ادق عليها لأنه خط نت بس دزيتلها مسجات لمدة اسبوعين و ماترد ولما قلتلها هونتي ردت ايي هونت الله يجازيها ماقالتلي قبل لا اطلب بعد ماطلبت هونت
    صج مو اول مره تحصلي ان يطلبون مني و يخونون فيني بس الله يجازيييهم

    ---------------------------------------------
    شنو حل هالمشكلة؟؟؟ يعني انا ما اقدر اقول دفعوا قبل لا يستلمون الطلبية ولا عادي؟؟؟؟بس مو هالشي يعطل شغلي مثل ما انا ما اثق يقولونلي الزباين بعد احنا شدرانا تاخذون فلوسنا و ما تسلمونا الطلبية؟!!! من حقهم شنو الحل؟
    بس الحلو ان البزمات طلعوا روعهههههههههه و كل الطلبيات اللي خونو فيني الحلو ان طلعت الاشياء واااايد احلى من الصور والله مو كاتب حق هالاشكال انها تتمتع فيهم صج مو كفووووو
     
  2. ناصر بوبدر

    ناصر بوبدر عضو جديد

    التسجيل:
    ‏3 سبتمبر 2007
    المشاركات:
    190
    عدد الإعجابات:
    0
    اختي الفاضله
    الرزق على الله وهالزباين كاثرين الله يهداهم
    ومووو اووول شخص يطرح هالمووضوع
    بس اتمنى منج بالبيعات القادمه
    انج تاخذين سعر رمزي عالاقل سعر الشحن ويكوون عربون
    بحيث لاسمح الله قب الزبوون الا انتي ماخذ عالاقل شي من بضاعتج
    وكل انسان طيب وفيه خير وصادق ابنيته الله يعووضها بالي اخير من هالبيعه
    واتمنالج التووفيق وماتكوون عتبه تووقفين عليها
    والى الامام لكل شخص حب انه ايووقف على ريوله ويبني نفسه ابنفسه
    اخووكم الصغير بوبدر
     
  3. children's link

    children's link عضو جديد

    التسجيل:
    ‏27 يونيو 2009
    المشاركات:
    90
    عدد الإعجابات:
    0
    مكان الإقامة:
    الكويت
    جزاك الله الف خير و الله يعوض علينا يا رب و نعم بالله اكيد الرزق على الله
     
  4. abo_djanh

    abo_djanh عضو جديد

    التسجيل:
    ‏17 سبتمبر 2007
    المشاركات:
    335
    عدد الإعجابات:
    0
    الحل الوحيد .. واللى انا انصح فيه
    وأتمنى أن يتبناه اصحــــــــــــــــــــــــــاب الموقع

    ان يكون هناك( فيد باك )اى (سمعة ) للبائع ويكون هناك تقييم من المشترين

    ... بالظبط مثل اي بي و امازون

    ...

    حتى يكون هناك ثقة بين البائع والمشترى

    وعند الوصول لتلك المرحلة

    تكون طريقة الدفع مقدماً ..



    وشكراَ
     
  5. b07amod

    b07amod عضو نشط

    التسجيل:
    ‏3 يونيو 2007
    المشاركات:
    1,473
    عدد الإعجابات:
    0
    الله يعينج اختى

    الارزاق بيد الله سبحانه وتعالى
    لا زم الواحد يحط شريحه خاصه حق البيع والشراء
    اى شريحه رخيصه

    الله يوفقج ان شاء الله
     
  6. مايرزني نكـ

    مايرزني نكـ عضو جديد

    التسجيل:
    ‏18 يونيو 2009
    المشاركات:
    133
    عدد الإعجابات:
    0
    اخيي في بعض الناس تشرط عليهم ..

    تقولهم تعطوني نص لفلوس وبعد ماتستلمونهم يعطونكم الباجي ..

    وللعلم في هم بعضهم .. يقولون دفعوا اول .. بما انها بضاعه من برا .. وبعدها توصلكم البضاعه

    اول ماتوصل ..
     
  7. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    كلام اخوي صح ميه بالميه وبالاضافه الاخون المشرفين مايقصرون بعد اللي يطلب ويقطج على صخر قدمي شكوا عليه عند اداره المنتدى ومايقصرون بس ترا احيانن يتم طلب بضاعه ويجي شي ثاني مختلف فهنيه لاتزعلين اذا كنسل الاوردر وبالتوفيق انشاء الله
     
  8. kwaity1978

    kwaity1978 عضو نشط

    التسجيل:
    ‏8 يناير 2008
    المشاركات:
    1,109
    عدد الإعجابات:
    1
    والله انا اقول اشتري نوعيات من الاشياء الي تبين تبيعينها و لما يطلبون الشي الموجود عندج يكون موجود راسا تعطينهم اياه وبعدها تطلبين غيره خاصتا اذا غالي او مكلف راس المال ظروري والبدايه اصعب شي بالتوفيق
     
  9. children's link

    children's link عضو جديد

    التسجيل:
    ‏27 يونيو 2009
    المشاركات:
    90
    عدد الإعجابات:
    0
    مكان الإقامة:
    الكويت
    هذي الزبونة راسلتني عن طريق المسج يعني ماراسلتني عن طريق الموقع
    او المنتدى و انا ما اقدر اطلب مثل ما اقترح كويتي 78 عينات من كل شي ماكو راس مال قوي
    انا عجبني اقتراح انهم يدفعون المبلغ كامل او نص المبلغ
    بس هذا الشي ما ينحش الزباين؟؟ اذا عادي انا من اليوم بتعامل بهالطرريقة الصراحة واللي يعجبه يعجبه و اللي ما يرضى كيفه الرزق على الله
    ومشكككووووووررررررررررررررررررررررررررررررررررررين عالردود جزاكم الله الف خير
    و الله يجازي المحتالين والنصابين سواء من البائعين او المشترين ان شاء الله يلاقونه بفلوسهم و نفسهم و يتحاسبون عليها يوم القيامة اذا كانو قاصدين الشر و قاصدين انهم يحتالون عالاوادم
    بس ماقول الا حسبي الله و نعم الوكيل
     
  10. بحريني1972

    بحريني1972 عضو نشط

    التسجيل:
    ‏26 مايو 2009
    المشاركات:
    3,222
    عدد الإعجابات:
    1
    مكان الإقامة:
    الكويت الحبيبة
    يا خوي الله يعينك انا بعد مثلك ما ادري الناس هذه تلعب او شنو

    شوف اخوي اللي صج يبي يشتري يدفع 50% وعند الوصول يدفع الباقي وترا لو صج شراي راح يدفع
     
  11. children's link

    children's link عضو جديد

    التسجيل:
    ‏27 يونيو 2009
    المشاركات:
    90
    عدد الإعجابات:
    0
    مكان الإقامة:
    الكويت
    صح والله اللي يبي يشتري يدفع
     
  12. KuWaiT DriFT

    KuWaiT DriFT عضو جديد

    التسجيل:
    ‏9 سبتمبر 2008
    المشاركات:
    2,233
    عدد الإعجابات:
    0
    مكان الإقامة:
    الـــكـــويــــت الحــبــيـــبـــه
    http://www.indexsignal.com/vb/showthread.php?p=2193489&posted=1#post2193489

    أخي الفاضل أو اختي الفاضله شوف\ي الموضوع هذا مشاركة رقم 20 و 21 و شوف\ي الرد عليهم في المشاركة رقم 22

    الله كريم

    و الي يبي يطلب يدفع و اللي ما يبي خل يعتمد على نفسه :)

    و عليك\ج العوض إن شاء الله
     
  13. kwaity1978

    kwaity1978 عضو نشط

    التسجيل:
    ‏8 يناير 2008
    المشاركات:
    1,109
    عدد الإعجابات:
    1
    شوف انا عندي اقتراح البضاعه الي تحس ان لها زباين يعني لو طلبها تقدر تصرفها بسعر حلو اخذ ها كطلبيه خاصتا لو ببلغ صغير يعني شي على 10 او 20
    اما اذا الشي غالي فأخذ عليه نسبه مثل 20 % او اكثر
    واذا تحس ان الشي بتطلبه ما تقدر تصرفه اذا كشت صاحب الطلبيه ف اخذ مثلا 50 %
     
  14. ركز معاي

    ركز معاي عضو جديد

    التسجيل:
    ‏21 سبتمبر 2008
    المشاركات:
    313
    عدد الإعجابات:
    0
    مكان الإقامة:
    سطح القمر
    الله يعطيج العافيه اختي ويوفقج في بضاعتج

    ولكن المفروض الي يطلب القطعه تشوفين جم سعر الشحن وتقولين له
    تعطيني سعر الشحن بس ولما يوصل طلبك تستلمه وتدفع حق السلعه
    بطريقه هذي اعتقد ماراح يزعل منها احد والي يزعل تأكدي ان هذا الشخص ماراح يشتري
    -

    خل اقولج الي حصل معاي :)

    عندي فرس <- خيل وعرضتها للبيع وطلبت فيها 1400 دينار
    جاني واحد الله يستر عليه ودش بخلاقي يبيها بـ 1200 ومسوي افلام وانا صارلي سنه عيني عليها ومن هسوالف
    المهم قلت يبا اخذها الله يباركلك
    طبعا جاب العربانه الي يشيلها فيها وشال الفرس وماعطاني ولا فلس
    دقيت عليه قلتله ياخوي انت شلت الفرس وانا ساكت على بالي بتعطيني فلوسي والظاهر انك نسيت
    فـ قال الحين ماعندي بكرا بعطيك عربون وبعد اربع ايام ينزل المعاش وعطيك الباقي :)
    قلت مومشكله المهم ماجاني مدة اربع ايام وادق عليه مايرد على التلفون ومرات مغلق
    المشكله مادل وين مكانه فـ اطريت اروح ادور الرجال راعي العربانه الي شالها
    دورته وسألت عنه اهل الخيل ولقيته ودلني على مكان الفرس ورحتله ولقيت الفرس
    طبعا شلت الفرس
    توقعي شنو سوى :)
    راح وشتكى علي اني سارق الحصان من اسطبله وقايل انه شاريها مني وانا مستلم فلوسي كامله

    شوفي النفس الرديه
    الناس اجناس وانا اخوج موكل الزباين نفس الشي في الزين وفي الشين والله لايجيب الشين


    لكن ابشرج أني اخذت الفرس لأن جوازها موجود عندي ومسجله بأسمي في الهيئه
    وفيها شريحه داخل رقبتها في اللحم تبين في الجهاز عند البيطري أسمي الكامل عليها
    ومسجله في ملاك الخيل العربي اسمها ومواصفاتها واسم المالك انا طبعا

    ورديتها بردا وسلامه والله وفقني فيها وبعتها بـ 1700 \

    قدر الله وما شاء فعل

    وكلام اخونا كويتي 100% طبقيه والله يرزقج
     
  15. مهم للغاية

    مهم للغاية عضو نشط

    التسجيل:
    ‏12 يوليو 2008
    المشاركات:
    594
    عدد الإعجابات:
    2
    مكان الإقامة:
    الكويت
    الله يعينك على بواق الفرس
    عينه قويه ويشتكي بعد

    تدري لو انا مكانك شسوي ؟

    اروح للمخفر وارفع عليه قضية واطالبة برد اعتبار وتعويض ادبي 5001 د.ك لأنه اشتكي علي اني سارق ومستلم فلوسي.

    والقضية رابحة 100%

    اذا كان اهوا فعلا مشتكي عليك بالمخفر.

    والتعويض 5000 دينار راح يعطيه جرعة كبيرة من الادب ويخليه يمشي يم الساس لمدة 10 سنوات على الاقل

    والحمد لله على عقلان الفرس
     
  16. children's link

    children's link عضو جديد

    التسجيل:
    ‏27 يونيو 2009
    المشاركات:
    90
    عدد الإعجابات:
    0
    مكان الإقامة:
    الكويت
    اي و الله مو خوووش سالفة قوية والله حرامي و عينه قوية الحمدلله اللي ما يضيع حق احد
    والله يجازيييهم هالحرامية و اللي ماعندهم ضمييير
     
  17. show04

    show04 عضو جديد

    التسجيل:
    ‏22 فبراير 2009
    المشاركات:
    10
    عدد الإعجابات:
    0
    أنا تعرضت لنصاب و كذاب بو طير حاط له إعلان بمنتدى إعلاني مشهور عرب نوكيا و حاط بالإعلان أنه يجيب أي لاب توب من بره و أرخص من أسعار الكويت بمليون مرة و حاط رقم تلفونه أتصلت عليه و طلبت طلبية و يكون أنا حريص قلت له أنا أييك بالبيت مو انت تييني وافق و هناك كتب العقد بخط أيده و طلبت بطاقته المدنية علشان أطابق الرقم المدني مع المكتوب في العقد و سألني الجنسية مو مشكلة (عراقية) قلت مو مشكلة و سلمته 200 دينار كاش و مدة العقد 10 ايام بعدها طلبت أشياء أخرى و سلمته 150 دينار صار المجموع 350 و سالته البضاعة اللي تييبها من بره حلال مو حرام و لا هي مبيوقة قال لا حلال و أنا أتعامل مع يخافون الله قام النصاب يماطل و يتهرب من اتصالاتي و يقول كنت عند زوجتي والد و ياني ولد لكن سجلات الداخلية تقول عمره 26 سنة و أعزب و مسجل عليه عدة قضايا نصب و احتيال. اش سويت لك يا عبدالقادر تنصب علي هالنصبة و كتبت موضوع في نفس المنتدى أحذر منه و حاليا في موضوع مثبت لصاحب المنتدى مشكورا يحذر منه و بإسم النصاب و قلت إذا محتاج فلوسي قولي لكن لا تاخذ الفلوس بهذه الطريقة ترى مو زين عليك تطلع في نفسك و صحتك و أهلك يرد علي يقولي "مو مشكلة" عجيب؟ عاد أنا دايما أقول ماكو على بيع العميان سلم و استلم عسى عيون النصابين العمى.. و ما أدري هذا يصوم برمضان؟ و اللي يبي التحذير اللي كتبته عن النصاب و مواصفاته يدز لي على الخاص حتى تعرفون مع منو تتعاملون و خوش إقتراح الفيد باك للبايع و المشنري .. و الله يعينك إختي على زباينك
     
  18. العاشق

    العاشق عضو مميز

    التسجيل:
    ‏18 يناير 2009
    المشاركات:
    14,324
    عدد الإعجابات:
    557
    مكان الإقامة:
    هنا
    اخوي اثق في ابليس ولا اوثق بعراقي
     
  19. ركز معاي

    ركز معاي عضو جديد

    التسجيل:
    ‏21 سبتمبر 2008
    المشاركات:
    313
    عدد الإعجابات:
    0
    مكان الإقامة:
    سطح القمر


    طبعا ماسكت انا :)

    رافع عليه قضية رد اعتبار والقضيه الثانيه انتحال شخصيه رجل امن

    لأنه كان يقولي بعد اربع ايام اعطيك فلوسك معاشات الشرطه تاريخ 28
    وطبعا طلع مو كويتي بدون وشغال في محل تلفونات

    كنت ابيه ينسجن ست شهور تأديب
    بس عنده عيال وساكن في شقه اجار ومحد يصرف على اهله غيره
    واهله كل يوم يجوني بالبيت يترجوني اتنازل
    وتنازلت موعشانه والله عشان عياله وحرمته الي مالهم ذنب
     
  20. KuWaiT DriFT

    KuWaiT DriFT عضو جديد

    التسجيل:
    ‏9 سبتمبر 2008
    المشاركات:
    2,233
    عدد الإعجابات:
    0
    مكان الإقامة:
    الـــكـــويــــت الحــبــيـــبـــه
    أخوي من رأيي تاخذ الأذن من إدارة المنتدى اهني و ان شاء الله يوافقولك على انك تنزل موضوع مثبت نفس ما صار ويااك بالمنتدى هذاك و بالموضوع تكتب اسمه و رقمه المدني حتى و كل شي معلومات عنه و طبعا يتم ذلك بعد مراسلتك للإدارة اذا وافقوا عشان احنا ما ننغش

    أو ان يقومون بفتح موضوع تحذير من ناس معينين مثلا أنا واعدت واحد اني ابيعه شغله و ما يه أحط نكه بالموضوع عشان الكل ما يواعده :)

    و هذا حل هم حق البيع العمياني على قولتك (( سلم و استلم )) انا صارت فيني أكثر من مره اواعد ناس و ماكو شي

    الله كرييم يا اخوووي أرجو منك مراسلة الادارة :)
     
حالة الموضوع:
مغلق