توضيح : بخصوص عطر توم فورد بلاك !!!!!

[ابو سالم1]

توضيح يا اخوانى بخصوص عطر توم فورد بلاك اوركيد هو عطر واحد لايوجد نسائى ورجالى العطر للاثنين .
ثانيا العطر وكيلة باريس غالري متوفر فى دول العالم بما فيهم بعض دول الخليج الكويت لايوجد له وكيل بالسعودية مجمع الراشد له وكيل والعطر يباع هناك
الاخوان الى يقولون عندهم عطر توم فورد بلاك نسائى وغير هذا فهو غير صحيح العطر usa هو الاصلي وكتوب على العلبة والناس الى حسبالها ماكو الا بلندن هذا غير صحيح والعطر متوفر اقرب شى لكم يا اهل الكويت السعودية منطقة الخبر مجرد توضيح عشان ناس حسبالها العطرغير متوفر الا فى اوربا .

عسا الله يوفق الجميع ان شاء الله

 

[باركر]

هلا بو سالم لا ياخوي كلامك على العين والراس العطر في منه رجالي وفيه منه نسائي وبعدين العطر له اكثر من 6 انواع مختلفت الروائح اما الاوركيدا الاسود فهو عطر نسائي 100% ولكن يستخدمه الرجال ايضا وبالنسبه لوجوده بالخليج الله وعلم حسب كلامك انه موجود وهو موجود فعلا بدول العالم مو بس اوربا وسبب عدم وجوده عندنا بالكويت ان العطر اسرائيلي بس مكتوب عليه صنع بامريكا ولو تذكر عطر شارلي الاسرائيلي نفس الشي ولكم تحياتي

 

[ابو سالم1]

اخى الكريم باركر انا اكلم عن عطر توم فورد بلاك اوركيد فقط ليس له نوع اخر
ادرى ان فى انواع توم فورد ولكن انا خصيت العطر بلاك اوركيد فقط ارجو الانتباه لهذى النقط .
انا شخصيا شاريي من السعودية الخبر مجمع الراشد محل باريس غالري الدور الثاني بسـعر 545 ريال بعد الخصم .
ارجو انى وضحت ذلك

 

[تاجر بسيط]

الله يوفقك الغالي

 

[kuwaityvip]

العطر موجود في مجمع المنشر في الفحيحيل

 

[Perfumes2009]

usa


انا نبهت على هالشى بصفحتى ومشكور يالغالى على التنبيه..

 

[AUKQ8]

في وكيل حقه بالمنشر صح

اسم المحل محمل العود

وانا اعرف صاحب المحل شخصيا

المحل قريب من باب الخروج

 

[الـعـتـيـبـي]

العطر انا شاريه بالفروانيه مجمع الحمراء مول او الي جمبه اسم الحمل الماسة

 

[Perfumes2009]

العطر انا شاريه بالفروانيه مجمع الحمراء مول او الي جمبه اسم الحمل الماسة

يالغالى كم حسبلك العطر وكم ملى..

 

[kuwaityvip]

العطر انا شاريه بالفروانيه مجمع الحمراء مول او الي جمبه اسم الحمل الماسة

تاكد من العطر انه مو وارد دبي وانه الاصلي سواء من الماسه او غيره -

 

[أبوفلان]

في وكيل حقه بالمنشر صح

اسم المحل محمل العود

وانا اعرف صاحب المحل شخصيا

المحل قريب من باب الخروج

الي عنده مو نفس ريحة الأصلي

المحل الي يبيع الأصلي اسمه روائع المنشر موجود بالمنشر أيضا

محمل العود يقول هذا مخصص لمحلنا ولا اعتقد ان الكلام صحيح

 

[ابو سالم1]

اهم شى يا شباب تأكدو ان العطر اصلي مكتوب على العلبة usa هو الاصلي فقط
الحمدالله العطر صار متوفر لو ادرى كان شريته من المنشر على كلام الاخوان انا شريتة من السعودية بـ 545 ريال بعد الخصم

 

[Man On Fire]

اخوي انا اجيبه من لندن من هارفي نيكلز للاقارب
فرق الريحه كبير بينه وبينه اللي ينباع هنا او بالسعودية
اللي اجيبه مكتوب عليه usa , مو اسرائيل
في بريطانيا كلها ما يبيعونه الا بهارفي نيكلز فقط وتلقاه في بالمطارات بالاسواق الحره

 

[Grofaz80]

ياجماعه انا قبل يومين راد من لندن وشريت أغلب أنواعه ..
ينباع في Selfridges , Harrods . Heathrow airport سعره 100 pounds مايقارب الخمسين دينار كويتي
ومثل ماتقضلوا اللأخوان الأصلي مكتوب عليه من تحت العلبه Made in USA واللي موجود بالكويت نوع واحد اللي اهو البلاك
وسامحونا على القصور

 

[Perfumes2009]

ياجماعه انا قبل يومين راد من لندن وشريت أغلب أنواعه ..
ينباع في selfridges , harrods . Heathrow airport سعره 100 pounds مايقارب الخمسين دينار كويتي
ومثل ماتقضلوا اللأخوان الأصلي مكتوب عليه من تحت العلبه made in usa واللي موجود بالكويت نوع واحد اللي اهو البلاك
وسامحونا على القصور

البلاك افضل توم فورد نزل .........

 

[Grofaz80]

البلاك افضل توم فورد نزل .........

لا ياخوي البلاك هذا قديم ... واما معاك واااايد حلو ! بس اذا شميت الباجي راح تغير رايك
في الأبسلوت والأوود وود وتاكسن لذر ش رهييييب وريحه وااايد قويه )) راح تدعيلي

 

[sorry]

صراحه فعلا الناس اذواق انا شريته ب 55 وما استخدمته الا رشتين او ثلاث عطر قوي جدا جدا جدا يخنقك انا بصراحه ما عجبني