هالمره عاد ابي الكل يفيديني تكفوووون

[الحــــــــايره]

السلام عليكم ورحمة الله وبركاته
يا ناس طليقة زوجي تهدد بترفع قضيه اذا ما زاد النفقه
عندها بنت وتزوجت
واناعندي عيال وخدامه وسايق وساكنه بأجار
هل ممكن تكسب القضيه
خصوصا ان زوجي عليه التزامات
وتقريبا ما يصفا من الراتب الا 90 دينار
تكفووون ردوا بسرعه
نوروني

 

[ناصر فيصل]

النفقة

للمطلقة تفقة عدة و نفقة متعة و نفقة مسكن اذا لم يكن لخا مسكن تسكن فيه حتى انتهاء عدتها او وهي ثلاثة شهور او ان تضع حملها اذا كانت حامل .

ذكرتي ان المطلقة لها بنت و نفقة البنت على الزوج حتى تعمل او تتزوج و كونها تزوجت (البنت هي التي تزوجت ) تسقط حضانتها و نفقتها على زوجها وليس على والدها اما اذا المطلقة تزوجت فلا يؤثر ذلك على نفقةالبنت وممكن تدخلين خصم متداخل في القضيه اذا طلبت زيادة نفقة لبنتها باعتبار ان لديك اولاد يستحقون ما تستحق بنت المطلقة .

و الله الموفق

 

[الحــــــــايره]

هلا والله اخوي ناصر
اللي تزوجت الأم مو البنت
بس الأم تهدد تبي زيادة
الأم مطلقه لها 12سنه
وشلون ادخل خصم متداخل في القضيه
ممكن اذا ارفعت قضيه تكسبها حتي لو زوجي عليه قرض وأقساط وعيال غير بنته
وخدامه وسايق وساكنين بأجار
هل الأشياء هاذي ماتكون في صالح زوجي
يصفا من راتبه90دينار
هل ممكن يعطونها زياده اذا ارفعت قضيه
جزاك الله خير

 

[الحــــــــايره]

للرفع

 

[fayoona74]

الام سقطت حضانتها بزواجها من آخر وحاليا مالها صفة بالمطالبة بزيادة النفقة
اللي يملك حق المطالبة من له حق الحضانة وفقا لقانون الاحوال الشخصية
بالنسبة لطلب الزيادة ممكن يقبل وممكن يرفض حسب تقدير القاضي وانا ارجح رفضه مع وجود الالتزامات اللي ذكرتيها

 

[rahaly]

اختي الكريمة ....

القاضي عادة يحكم بحد الكفاية بالنسبة للنفقة ... ولا ينظر فقط لوضع الاب

لان مسألة انه يستطيع او لا يستطيع مسألة تنفيذ

شلون ؟؟

يعني لو واحد عنده راتب 100 د.ك وعنده 4 اولاد .... تعتقدين ان المحكمة ما تحكم لهم بالنفقة والا يحكم لهم على 10 د.ك ؟؟

طبعا ... القاضي يحكم بحد الكفاية .... يعني لما كان عمر البنت 5 سنوات يكفيها 50 د.ك مثلا ... اليوم عمرها 12 سنة القاضي يرى انها تحتاج 100 د.ك
ويحكم فيها

يبقى اذا ما يقدر ... هذه المسألة يعالجها قاضي التنفيذ ولا شأن لقاضي الموضوع بها


عموما .... خليه يقدم كل التزاماته ... ويقول حق القاضي ان حالته المادية اصبحت اسوء من قبل بعد الزواج والاولاد .... وقد يقتنع القاضي بعدم الزيادة .... والله اعلم

 

[rahaly]

ول ول ول ...فيونة
\
قاعد اكتب سبقتيني بدقيقة

 

[fayoona74]

قول اللهم صلي على محمد وال محمد لاتطقني عين خو ياما سبقتني ماقلت شي

 

[ناصر فيصل]

سقوط الحضانة

تسقط حضانة الام المطلقة بزواجها و يمكن لزوجك الطلب من القاضي الاستفسار عن الحالة الزوجية للمطلقة ليثبت زواجها من غيره لتسقط حضانتها و عموما لزوجك الحق في اثبات القروض التي عليه و ان حكم النفقة القديم استجد بعده مصاريف ومنها الاولاد الجدد و مصاريفهم مما يقتضي تقليل النفقة و الله الموفق .

 

[الحــــــــايره]

عسا ربي يوفق الجميع
الله يكتب اللي فيه خير لي ولعيالي ولزوجي
ادعولي

 

[ابو عبدالملك]

الله يعينكم
وانشالله تجي الامور على ماتحبون

 

[أبوفلان]

الحين اللي فهمته ، ان الام تزوجت ؟! بعد شكو الزوج الاول يصرف عليها ؟! خلاص الزوج الجديد هو يصير صاحب النفقة

اعتقد كل الحقوق اللي كانت للزوجة تسقط ، وذلك لزواجها برجل آخر ،، مما يجعل الزوج الاول حرا طليقا مرتاحا منها ومن الدفع لها ،، والله يعين زوجها الجديد ،،

ولا اذا الزوج القديم والجديد ، كلهم ينفقون عليها ، جان كل الحريم سووها ههههه

 

[qanon]

يا اختنا العزيزة الحايرة

امبين ان زيادة النفقة راح تروح حق اخت اعيالج يعنى ماراح تروح حق احد بعيد

 

[الحــــــــايره]

هلا والله بالجميع
ابوعبدالملك
الله يعطيك العافيه على المرور وجزاك الله خير
ابوفلان
النفقه ماتروح حق الزوجه اللي طلقها زوجي تخسي
تروح حق بنت زوجي
قانون
صح النفقه تروح حق بنت عيالي
بس انا سمعت ان البنت اذا صار عمرها 9سنين يتنقطع عنها الحاضنه
يعني يقصون من النفقه راتب الحاضنه
والولد اذا صار عمره 7سنين تنقطع عنه راتب الحاضنه
وانا بنفسي قلت حق زوجي اذا مستعد تتحمل ادفع لها وفكنا من المشاكل
قال اذا لهم حق ياخذونه بالمحكمه
وانا وقتها اقدم جميع الاوراق علشان يقصون مو الحاضنه
الا يقطعون حتي النفقه
الله يعين

 

[rahaly]

صح النفقه تروح حق بنت عيالي
بس انا سمعت ان البنت اذا صار عمرها 9سنين يتنقطع عنها الحاضنه
يعني يقصون من النفقه راتب الحاضنه
والولد اذا صار عمره 7سنين تنقطع عنه راتب الحاضنه
وانا بنفسي قلت حق زوجي اذا مستعد تتحمل ادفع لها وفكنا من المشاكل
قال اذا لهم حق ياخذونه بالمحكمه
وانا وقتها اقدم جميع الاوراق علشان يقصون مو الحاضنه
الا يقطعون حتي النفقه
الله يعين

اختي انتي تتكلمين عن الحضانة وليس النفقة

وذلك في الجعفري ...
بالنسبة لحالة زوجك ... اذا كانت المحكمة الجعفرية المختصة ... اذا كانت البنت عمرها 9 سنوات يتم تخييرها للحضانة
واكيد راح تختار امها
واكيد زوجك ما راح يطالب اصلا فيها ... شيبي بحضانتها ؟

اما زيادة النفقة فقد سبق الايضاح

بالتوفيق

 

[الحــــــــايره]

الحاضنه اللي هي الخدامه
هذا قصدي
مو الحضانه
سمعت ان البنت من يصير عمرها 9سنين يقطعون راتب الخدامه
صحيح والا لأ هالكلام؟

 

[طيبه ومالي حظ]

ليتني اقدر افيدج بشي

ماني قااايله الا الله يعينج وينصرج عليهااا

إهب ياا وجههااا تزوجت بنتها وتبي نفقتهااا بعد!!!!

تقبلي مروري ​

 

[الحــــــــايره]

هههههههههههههههههههههههههههههههه
الله يسمع منج
بنتها ما تزوجت يا الغاليه
أمها اللي تزوجت
الله ينصرني عليهن

 

[العاشق]

الله يعينكم انشاء الله

 

[مودQ8]

الام سقطت حضانتها بزواجها من آخر وحاليا مالها صفة بالمطالبة بزيادة النفقة
اللي يملك حق المطالبة من له حق الحضانة وفقا لقانون الاحوال الشخصية
بالنسبة لطلب الزيادة ممكن يقبل وممكن يرفض حسب تقدير القاضي وانا ارجح رفضه مع وجود الالتزامات اللي ذكرتيها

الله ينور فيونا كلامك ميه ميه صحيح