خبر سيئ جديد من وزارة التجارة لاصحاب للسيارات اللى اقل من 2005

[abdullah6868]

اليوم عندي زبون راح لوزارة التجارة يبى يطلع اذن استيراد مؤقت لسيارتين 2003 قالوله وزير التجارة اصدر قرار اليوم بعدم استخراج اي اذن استيراد اعتبارا من اليوم
1- المرور اعطوا العالم مهلة لغاية 1-9-2009
2- وزارة التجارة ماكو مهلة اليوم صدر القرار اليوم يطبق وكل مواطن كويتي جايب سيارة من برا يتحمل المسؤلية
يعني بدون مهلة
الله يعين والبركه انشالله فى العقلاء من المسؤلين يعطون الناس مهلة مثل المرور

 

[نواف الخالدي]

انزين شلون على السيارات القديمه ؟؟ ووين اقدر استفسر عنهم

 

[LS1]

يقولون ان المواتر القديمة من 84 ونازل ماعليها شي

بس اللي من موديل 2005 الى 85 هذي اللي عليها كلام

وكانت قبل ممنوعه الا اللي موديلها قبل 25 سنة ( سيارات كلاسيك )

وبعدين افتحوها بحري .... كل الموديلات تدخل .... والحين يبون يردونها مثل قبل

 

[الـكويـتي]

يجماعه السيارات المستعمله طايره عندنا خلهم يركدون سعرها شوي خلها ترخص وتجيك قطع غيار من امريكا ترخص القطع وترخص السيارات

 

[أبوعلي1]

والله تبون الصج / حتي وان كان ... القرار لا يعجب فئة معينه بغض النظر عن السبب

الكويت معروفه ماتقعد فترة الا وتلغي القرار يعني مالها ( بالطيب نصيب ) للآسف وقلوبنا على ديرتنا

ياعمي خلها تخف هالزحمات واللي يبي سيارات يشتري من السوق المحلي مستعمل / وجديد

صحيح نوعا ما راح ترتفع الاسعار بسسس آكيدْ بيكون فيْ حل لـ هالشيء <<<< اي هينْ



شكرآ بو علـي1​

 

[FORDracing]

طبعاً المستفيد الاكبر من هذا القرار هم وكلاء السيارات الجديدة في الكويت

اللي يبي سيارة.. خل يشتري من الوكالة..

واللي يبي مستعمل.. سعره نار... فـ تشتري وكاله احسن << هذا اللي يبونه

حسبي الله ونعم الوكيل

 

[GMC يفرض هيبته]

حسبي الله ونعم الوكيل

 

[q8-star]

والله خووش قرار وزينم ايسون

على الاقل ماتلقى الوافدين بهالشوارع وصلت السيارات 100 دينار ويتمخطر فيها جنه شارع ابووه
ولا دعمك قالك على البيمه

تكفون شوفو الشوارع والله متروسه من هالاشكال هم سبب الزحمه وكدون على سياراتهم يعني 24 بالشارع الله المستعان

 

[بو متعب]

شلون تسبب زحمة دخول اي موديل للبلد يعني الواحد يسوق سيارتين مع بعض ؟!
لا طبعا الموضوع مستفيد منه الوكيل فقط
اما بخصوص استخراج الليسن فيجب على المرور التشدد خاصة على الوافدين وجعل عليهم ضريبة كبيرة تصل الى 400دينار سنوايا وذلك لاستخدام شوارعنا الجميلة اسوة ببلادهم وهنا يعرف من هم بحاجة فعليه لها مو مساح وكواي و سباك عنده مرسيدس شبح مطلع ثلاثة ارباع ايده من الجام تقول راكب حنطور هذا بديرته بقرة مو لاقي يركب بالكويت راكب شبح ؟!
سلام مربع لمدير المرور !!

 

[rock404]

يبا ظلت على السيارات لوووووووووول
يبااا التاكسي مليون تاكسي بالشارع هذا السبب الرئيسي للزحمه
ونصهم ماعندهم لايسن لول

 

[q8240z]

السلام عليكم

اخوي هذا القانون قديم

السيارات الي تستثني الي موديلها اقل من 5 سنوات او اكثر من 25 سنة وتعتبر كلاسيك

وغير ذالك بإستثناء من وزارة التجارة وهذا الإستثناء سيتم إيقافه من 1-9-2009

والمرور لم يسثنون اي سياره تخالف هذا القانون

وطبعا القانون يطبق علي الكل ويستثنون اهل الواسطات والمعارف وكل من علي راسه ريشه

 

[saam]

شباب ما جد شى فى الموضوع الاسبوع هذا والاسبوع اللى فات

ما حد خذا استثناء ؟؟