استفسار عن دعم العماله

[تاجر بسيط]

اخوي تاجر بسيط .... انا اكتشفت انك غير محترم ....
شلون تطلب مني شي وماكو ميانه
ومجبور اوافق انا ؟؟؟ ليش انا مكلوف فيك او اهلك
اجل تبي مجانا يالطيب
اجل ادفع ايجار مكتب وموظفين وعقود بالباطن اشتريها وبالاخر اعطيك مجانا

يالطيب انت تبيع ( ال .... ) بس احتراما للمنتدى والموجودين ماني راد عليك لان الشرهه مو عليك اساسا

اول شيء عزيزي الله يسامحك وانا اقدر ارد عليك لكن الاحترام والحشيمه للرياجيل اللي موجودين

وانا بنسخ جميع رسايلك على الخاص لكي يعرفون الناس حقيقتك بأنك انسان مادي من الدرجه الاولى

 

[Hamilton]

هذا هدفك لانك تبع انسان ضعيف وانا اعرفه عدل او بالاصح هو انت بعينه
وبعدين شفيها الرسايل .........انت تناقض نفسك يالطيب مو قادر افهمك
عموما هذا اخر رد عليك لاني مفروض ما ارد على كلام غير منطقي

بس باحلّفك بالله مو انا قلت لك من البدايه حاول توظفهم عندك لانه اوفر عليك ؟؟؟؟
بس احلف بالله اذا كنت صادق .. والله بيني وبينك
وعموما يا عزيزي حصل خير واعتبر انه ماكو لا دعم عماله ولا شي
مو يقولون بين البايع والشاري يفتح الله ... فليش مضايق نفسك ؟؟؟!!!!

 

[تاجر بسيط]

البدايه (( انا كنت اسأل عن دعم العماله واهو جاوبني برساله خاصه ))

وهذي اهي

السلام عليكم
التامينات راح يطلبون شهاده الميلاد والبطاقه المدنيه والجنسيه
والدعم راح يطلبون هالطلبات مالة التامينات اضافة عليها اخر شهادة دراسيه وورقة تحويل راتب من البنك واعتماد التوقيع مال المؤسسه او الشركه
وللعلم اذا تبي دعم عماله ترى متوفر عندي وحياك ..........
لاني ماخذ عقود واسجل كويتيين

وهذا ردي انا

الله يوفقك وما تقصر

انا مبطل شركه وابي اوضف اخوي وامي

شلون اخذ العقود ؟؟ تحياتي

وهذا رده اهو

اذا بتوظف اخوك وامك فحرام تشتري عقود على الفاضي
وظفهم على وضع الشركه وشوف اذا يقبلون يوظفونهم لاني ما ادري بهالسالفه والله
بس ان شاء الله يوظفونهم بدون لا تحتاج تشتري عقود

وهذا ردي

ممكن تقبل اضافتي اخوي



بستفسر منك


تحياتي

وهذا رده

اخوي تاجر بسيط انا جاوبت باللي عندي فقط لا غير
باقي الامور والله ما اعلم فيها .. ممكن انه القوانين تغيرت او تبدلت ..... موفق خير

وهذا ردي

اوكي انا بوظفهم عندك يا الغالي بدال لا اشتري العقود وحالتي حاله جم عمولتك تحياتي


طبعا ياجماعه انا قلتله هالكلام اهو ما صدق خبر دزلي خمس رسايل ورا بعض او ست

وهذا رده

اخوي دق علي الحين وراح افيدك بالموضوع ان شاء الله

انا مارديت عليه

ودزلي رساله

وهذا رده

دزيت رساله ما ادري وصلتك او لا لانه الجهاز فصل
عموما دق علي وراح اشرح لك كامل الموضوع

وايضا هذا رده

التسجيل 140 دينار
وشهريا 70 دينار شامله التامينات وكل شي .... لانه التامينات ياخذون من حساب الشركه اوتوماتيك

وهذا رده

شنو قلت اللي عندك
انت تبي توظيف موجود
التسجيل 140 دينار وشهريا 70 دينار شامل التامينات

وبراحتك


اخواني الاعزاء واضح انه انسان مادي والدليل انه يوضفك في شركته وياخذ منك فلوس قوليلي ياجماعه وين صارة هذي تتوظف وياخذون منك فلوس

والشي الثاني والله اعلم ان هذا تلاعب واضح في القانون ولف دوران وحرام انك تغشل واحد عندك واهو ما يشتغل وتعطيه دعم العماله ولا وتاخذ منه مبلغ لك

ياجماعه هل هذا يرضي الله ورسوله ويرضيكم ؟؟

هذا استغلال واضح وتلاعب وسرقه

وهذا بنظري اكبر دليل اكبر دليل على انك انسان مادي ما تفكر الا بالفلوس وبس

واما بخصوص كلام ابو فلان عنك

اكيد انه بيمدحك واكيد انك راح تتعامل معاه بأدب تعرف ليش لانك تخطط تلهف منه فلووس

تحياتي

 

[تاجر بسيط]

وقدام الرياجيل كلهم حطلي اسم شركتك وعنوانها وارقام مكتبك

اذا تقدر لاني راح ابلغ عليك فورا والله العظيم لوصلها لأكبر شنب بس حط عنوان شركتك كامل

 

[تاجر بسيط]

هذا هدفك لانك تبع انسان ضعيف وانا اعرفه عدل او بالاصح هو انت بعينه
وبعدين شفيها الرسايل .........انت تناقض نفسك يالطيب مو قادر افهمك
عموما هذا اخر رد عليك لاني مفروض ما ارد على كلام غير منطقي

بس باحلّفك بالله مو انا قلت لك من البدايه حاول توظفهم عندك لانه اوفر عليك ؟؟؟؟
بس احلف بالله اذا كنت صادق .. والله بيني وبينك
وعموما يا عزيزي حصل خير واعتبر انه ماكو لا دعم عماله ولا شي
مو يقولون بين البايع والشاري يفتح الله ... فليش مضايق نفسك ؟؟؟!!!!

اي اكيد راح تقولي حاول توظفم لانك تدري انها مايصير وتبي تكسبني بصفك

لاتحسب النقطه هذي لصالحك هذي ضدك

تحياتي

 

[Hamilton]

عزيزي الله العالم اذا كنت انا ناوي هالشي او لا ؟؟؟ فلا تقول شي بعلم الغيب
ومن ناحية الوظيفه على شركتك فوالله الذي لا اله الا هو اني لا اعلم ان كنت انت تستطيع توظفهم كلهم عندك او لا ؟؟؟ انا حلفت واذا ما صدقت كيفك
بس سالفة اني اوظفهم مجانا فانسى السالفه لانها غير منطقيه وماكو واحد راح يسويها لانه اقل ما فيها تامينات ... باين انك ما راح تفهم او بالاصح ما تبي تفهم
لذلك اقولك موفق خير

 

[ابو ريتاج]

تاجر بسيط بصراحه انا اشوف ردوده عاديه ومنطقيه ..بلعكس اذا ماعندك خبر ترا فيه شركات تاخذ شهريا 120 ---- وبصراحه انا اشوف عرضه طيب .. وليش تبى تبلغ عنه وش تبى تستفيد يعنى ... والحين تبى تقنعنى انك تبى توظف امك عندك وتخليها تشتغل .. او تبى لها دعم عماله بدون ماتشتغل عندك ... ترا الحق ينقال ولاتزعل من كلامى .... لأنى اشوف انك ماترضى الواحد ياخذ معاش بدون مايشتغل .ومن كلامك تقول انه حرام.. بصراحه كلامك فيه نوع من التناقض .... والله لا اعرفه ولاتربطنى فيه اى علاقه لا فى المنتدى ولاخارج المنتدى لكن الحق ينقال

 

[تاجر بسيط]

هذي كلمته

التسجيل 140 دينار وشهريا 70 دينار شامل التامينات

شكاتب شامل للتأمينات معناته هو له نصيب بعد يعني التأمينات تاخذ 10 دنانير هو يلف 60 دينار
وغير التسجيل 140

ياجماعه فهموني الحين الواحد اذا يبي يتوظف يدفع 140 وين صارت هذي وبأي دوله

 

[تاجر بسيط]

تاجر بسيط بصراحه انا اشوف ردوده عاديه ومنطقيه ..بلعكس اذا ماعندك خبر ترا فيه شركات تاخذ شهريا 120 ---- وبصراحه انا اشوف عرضه طيب .. وليش تبى تبلغ عنه وش تبى تستفيد يعنى ... والحين تبى تقنعنى انك تبى توظف امك عندك وتخليها تشتغل .. او تبى لها دعم عماله بدون ماتشتغل عندك ... ترا الحق ينقال ولاتزعل من كلامى .... لأنى اشوف انك ماترضى الواحد ياخذ معاش بدون مايشتغل .ومن كلامك تقول انه حرام.. بصراحه كلامك فيه نوع من التناقض .... والله لا اعرفه ولاتربطنى فيه اى علاقه لا فى المنتدى ولاخارج المنتدى لكن الحق ينقال

والله يا الغالي لعلمك امي واخوي راح تشتغل معاي بالشركه لان الواحد مهما كان مهمها كان ما يبي يدخل على نفسه فلوس حرام

ترا اصابك مو سوا يا الغالي


كلن يرا الناس بعين طبعه

 

[تاجر بسيط]

وليش تبى تبلغ عنه وش تبى تستفيد

شنو مستفيد ؟؟؟؟؟؟؟؟؟؟؟؟

والله تسأل شنو مستفيد ؟؟؟

هذي سرقه عينك عينك وتقولي شنو مستفيد

ههههههههههههههههههههههههههههههههههههه

 

[أبوفلان]

أخوي تاجر بسيط

لعلمك يا اخي انت على بالك افتح شركة ووظف امي واختي ويالله مع السلامة

ياخذون منك كل شهر على كل راس 48 دينار هذا اذا كان الراتب المكتوب بشهادة الراتب اقل من 240

واذا اكثر ياخذون منك 67

هذا اولا

ثانيا : أي واحد يوظف اي شخص على شركته إذا كان مايعرفه فالأفضل انه يخلي سداد فلوس التامينات عن طريقة مثل مايسوي الاخ هاملتون وغيره بل كل الشركات ..

لأن الموظف هذا اذا مادفع تصير الفلوس على الشركة يعني مثل دين ..لازم يدفعونه

أما مسألة ببلغ عنك ومن هالخرابيط فأنا أقول روح سو معاملتك واذا مشولك اياها ووظفوا اخوك عندك ودفعت التأمينات والاجار وصارت ايدك بالنار بعدين روح ذيك الساعه بلغ

يا اخي اذا ماتعرف بقوانين التأمينات ودعم العمالة روح اقراها وبعدين تعال كاشر الناس الله يهديك

عيل في واحد يقول التأمنيات ياخذون عشرة يمكن ببنغلادش مو اهني

 

[أبوفلان]

شنو مستفيد ؟؟؟؟؟؟؟؟؟؟؟؟

والله تسأل شنو مستفيد ؟؟؟

هذي سرقه عينك عينك وتقولي شنو مستفيد

ههههههههههههههههههههههههههههههههههههه

وين مسلم البراك عنك :d

 

[تاجر بسيط]

وين مسلم البراك عنك :d

تذكر الايه اللي انت كاتبه وافهمها عدل

 

[ابوسعود555]

اللة يسلمك ادا الرحصة باسم الزوجة تاخد دعم العمالة

 

[ابوسعود555]

اللة يسلمك اللى باسمة الرخصة ياخد دعم العمالة

 

[تاجر بسيط]

أخوي تاجر بسيط

لعلمك يا اخي انت على بالك افتح شركة ووظف امي واختي ويالله مع السلامة

ياخذون منك كل شهر على كل راس 48 دينار هذا اذا كان الراتب المكتوب بشهادة الراتب اقل من 240

واذا اكثر ياخذون منك 67

هذا اولا

ثانيا : أي واحد يوظف اي شخص على شركته إذا كان مايعرفه فالأفضل انه يخلي سداد فلوس التامينات عن طريقة مثل مايسوي الاخ هاملتون وغيره بل كل الشركات ..

لأن الموظف هذا اذا مادفع تصير الفلوس على الشركة يعني مثل دين ..لازم يدفعونه

أما مسألة ببلغ عنك ومن هالخرابيط فأنا أقول روح سو معاملتك واذا مشولك اياها ووظفوا اخوك عندك ودفعت التأمينات والاجار وصارت ايدك بالنار بعدين روح ذيك الساعه بلغ

يا اخي اذا ماتعرف بقوانين التأمينات ودعم العمالة روح اقراها وبعدين تعال كاشر الناس الله يهديك

عيل في واحد يقول التأمنيات ياخذون عشرة يمكن ببنغلادش مو اهني

مادري انت خرجت خارج الموضوع نهائيا

والله يهديكم ان شاء الله الى الطريق الصواب

والشيء الثاني لا اعلم ما السر بينك وبين هاملتون

 

[best banker]

اللة يسلمك اللى باسمة الرخصة ياخد دعم العمالة

اي نعم تاخذ دعم العماله وتتسجل باب خامس (كصاحب عمل) والخطوات ذاكرها ببدايه الموضوع ,

 

[best banker]

الاخ تاجر بسيط والاخ هاملتون
اما للاخ تاجر بسيط اقوله التأمينات راح تستقطع 43 دينار من شركه هاملتون اوتوماتيكيا (على قولته) وفعلا الكلام صحيح .
اما للاخ هاملتون الاتهام لك على اساس انك بتاخذ على التسجيل 140 دينار و زياده على التأميات ب 27 دينار شهريا لك .
انا اتوقع كلامك طبيعي جدا والكل يسوي هل حركه من اجل الكسب (اترك عنك الحلال والحرام حاليا لان مو موضوعنه) لكن انت ماكنت صريح من البدايه مثل ماذكرت لك اما بتقولي ليش فأقولك
1- الشركه العاديه تقدر توظف 1000 عامل كويتي من غير أي عقود ولا فوق هذا يحصل تشجيع .
2- انت ذاكر ان شركتك لها عقود وشغاله يعني بمعنى أصح انت المستنفع الاكبر لما تشغل كويتيين عشان تاخذ عقود من الشركات ومن الدوله يعني الشركات المعروفه بالمقاولات ماني ذاكر اسمها تسوي للكويتيين دعم عماله ولا فوق هذا يعطون الموظف 150 دينار عشان يقعد بالبيت .
3- تناقض نفسك تقول ايجار محل ومكتب و عقود معناته انت مو قاعد تشتغل بالعقود لان المفروض العقود تيب لك الالاف الدنانير (ملايين الدنانير بس كبيره كتابتها اهني) فماتفكر تربح 27 دينار شهريا وتسجيل 140 دك
4- كن صريح من البدايه قول ياجماعه عندي شركه قاعد ادفع ايجارات وانا علي مصاريف فأحاول اوضف كويتيين عشان هم انتم تستفيدون من دعم العماله وهم انا اخذ عموله شهريا 70 منهم 27 لي والباجي تأمينات وفلوس التسجيل 140 دك لاجراءات التسجيل للمندوب .
5 - لتوضيح اكثر اوضح مثال انت قاعد تقول جذي : ياجماعه الخير عندي شركه وعندي عقود بالملايين وقاعد احصل مناقصات من الدوله لاني قاعد اوظف الكويتيين منو يبي يكون موظف عندي خل يدفع لي 27 دينار .

على العموم انا ما اشجع اي انسان يسوي للعالم توظيف وهمي لان في ضرر على مال العام ومحرم شرعا لكن كلامي للاخ هاملتون مجرد اعلمه شلون يطرح المواضيع بالطريقه الصحيحه منطقياُ وليس شرعا أو قانوناً .
وارجو محد يبطل موضوع ثاني بنفس هل موضوع بالعربي سكروا الموضوع

 

[تاجر بسيط]

اخواني الاعزاء سمعت ان دعم العماله متوقف حاليا ؟؟