ززوووواج مخفر

[bo_7moo00ood]

ياأهل الاختصاص في واحد شوي مرجوووج وصيده يعرف وحده بالتلفوون المهم تواعد معاها وخذا وواحد من اهلها جكها ولحقهم راح المخفر معاها ومن الخوف قال حق الضابط ابي اتزوج هذي ولا على دخلت الي يصيرلها المهم تزووجوو ا بالمخفر وحطوا عليه مؤخر 20 الف وعقبها بفتره يا هذا الي يصيرلها وقص عليه وخلاه يسجل جيك 15 الف شلون وشنوا الصرفه البنت عمرها 18 سنه وهي تقول انها تبي تتنازل عن المبالغ الي على ريلها بس الجيك عند هذا الي يصيرلها وقاعد يتحكم بالبنت والولد واهي قاصر وهوا يعتبر انه ولي امرها الولد الحين توه استوعب انه اهوا غبي ويبي يفتك من هالورطه الي راح اتكلفه حياته فيدونا

 

[q8royale]

شنو هذا الشيك - شيك من بنك و لا كمبيالة ؟

والبنت مستعدة تتنازل عن اي مبالغ - المؤخر ؟ وتتنازل بصفة انفصال ؟

وضح لنا علشان نفيدك

 

[bo_7moo00ood]

لا موبصفه انفصال وثاني شي الشيك ماتأكدت من كمبياله ولا شيك بنك بس المهم اهي تبي تستمر معاه بس تبي تتنازل على المبالغ

 

[q8royale]

التنازل من طرف البنت ما في مشكلة طالما هي و زوجها متفقين وانشاء الله يرزقهم الاولاد ويعيشون مع بعض للابد - هذا مؤخرها - اهي وزوجها يتفقون

بالنسبة لل 15 الف - صادر بعنوان شنو ؟ يعني كتب شيك و عطاه لقريب زوجته ببلاش او بمقابل ؟ نبي تفاصيل عن هالشيك هذا ؟

 

[ليل]

على اي اساس كتبله شيك 15 الف عقب ما تزوج البنية ؟؟!!


خل الواحد يفهم في شي مو منطقي ترا !!

 

[bo_7moo00ood]

الشيك بأسم البنت وعلى انه البنت قاصر وعمرها 18 سنه فقريب البنت قاعد يحاول يحافظ على مستقبل البنت فكتبه على شيك بنكي اوكمبياله ماتأكدت بس المهم 15 الف واقنع الولد انه يسجله بسمه والولد ماسجله فقال قريب البنت العوض ولا القطيعه يبا هذي زووجتك وسجله بأسمها يوم انه سجله خذاه معاه وقال هذا بخليه عندي بحافظ عليه علشان مايظيع المهم البنت تبي تتنازل عن الصداق وعن الشيك شلون وشنوا الطرقه علما انها قاصر قاصر العمر 18 سنه

 

[bo_7moo00ood]

على اي اساس كتبله شيك 15 الف عقب ما تزوج البنية ؟؟!!


خل الواحد يفهم في شي مو منطقي ترا !!

اهوا الولد بكبره مومنطقي بس انا قاعد احاول اني اساعده بس وهذي سالفته

 

[q8royale]

يعني الشيك او الكمبيالة باسم زوجته - و قريب الزوجة محتفظ فيه ؟

اذا اجابة السؤال اللي فوق نعم فالمشكلة اهون - على الاقل زوجته - ايه هو ربط نفسه بمؤخر وفوق هذا شيك او كمبيالة.

ان كان شيك بنكي - يبلغ البنك انه كتب الشيك لزوجته ( باسم زوجته ) و ان الشيك ضاع وتكون معاه - جذي يعتبر الشيك ملغي بنظام البنك و غير قابل للصرف - تكون معاه كون الشيك باسمها

ان كان كمبيالة - ما ادري الحل و لا بد في مخرج قانوني كونه باسمها

سالفة مشربكة و الله يهداه ربط نفسه ربطة مو طبيعية

 

[bo_7moo00ood]

يعطيكم العافيه على المروور

اهوا كاتب على كمبياله وبأسم ولي امرها بدون مقابل

انزين البنت عمرها 18 سنه تقدر تتنازل عن المؤخر

 

[rahaly]

قصة غريبة !!

 

[bo_7moo00ood]

قصة غريبة !!

هذي دنيا العجايب وكل شي يصير والله يبعدنا من الشر

 

[العاشق]

الله لايبلانا صج اخر الزما

الحجي هذا بالكويت لايكون

 

[أبوفلان]

تزوجو بالمخفر ؟! ههههه ، وين هذا اي مخفر

بعدين وين المأذون والعقد ؟ المخفر مافي عقود ، ولا مسجلين العقد على مخالفة

 

[شاص]

>>

لأتعلييق

ان شاءالاخوان يفيدونك


>>

 

[الحريه وطن]

من ذبحته يده محد نعاه (مثل بدوي جميل)

 

[fayoona74]

قصة غريبة !!

قوة رحالي شلونك توني الاحظ مشاركتك بهالموضوع عموما حبيت اسلم عليك من زمان ماتشارك انشالله المانع خير

 

[AZIZ77]

هذا مو مسلسل لفجر السعيد راح ينزل بشهر رمضان
ما ادري بس نفس السيناريو ممكن تشابه

 

[4x4]

السلام عليكم.
بنسبه للموضوع المشار أليه فيه الاعلى:
طبعا أنا ألي فهمته أن أهو كاتب شيك أو كمبياله بمبلغ15 ألف والشيك والكمبياله غيير رسيميين بمعنى أن الشيك غير صادر من بنك والكمبياله غير مختومه من ومصدقه من الجهات التي تعطي الكمبياله صفه الرسميه عشان يقدر يروح يلغي من الجهه ألي أصدرتله أياه وتعود الحاله الى ما كانت عليه في الماضي, يعني (جنه ماصار شي ول كتب شيك ول قاله الله).
وفي حاله أن كان الشيك أو الكمبياله ألي كاتبه غيير رسميه وذ كان كاتب شيك من دفتر شيكاته الخاص فييه أنصحه بأن ياخذ رقم الشيك وأذ كان مصور الشييك فممتاز يأخذ الصوره او رقم الشيك ويروح المغفر ويبلغ عن فقدان شيك بأسم زوجته ويذكر تاريخ تحريير الشييك وذ مو كاتب تارييخ تحريير للشيك يذكر تاريخ تسلييم الشيك,وعقبه يرووح البنك ويبلغ ايضا عن فقدان شيك رقم0000 أو صوره عنه كما ذكرت سالفا وفي هذي الحاله يكوون أمن نفسه من أن يقدم الشييك ويصرف.
ولكن يجب على الزوج أن يضمن زوجته أنها لا ترييد أن تطالب بمبلغ الشيك في جميع الاحوال وتحت أي ضرف كان ولا تجير الشيك لقريب الزوجه مهما كان ولا لاي شخص مهما كان.
وبالنسبه للمؤخر 20 ألف في حال عدم أمكانيه قيام الحياه الزوجيه بين الزوجيين وأرادى الانفصال(لاقدر الله) يذهب الزوج ويطلق الزوجه في المحكمه وتعترف الزوجه انها لا ترييد ومتنازله عن مؤخر صداق المذكوور في عقد الزواج وعندها يثبت المطلق الشرعي لديه أنها متنازله وبعها لا يق لها المطالبه بأي مؤخر.
ولكن يحق لها المتعه والعده والنفقه فقط.
وتقبل مروري وعافان الله وأياكم والمسلميين من كل مكرووه.

 

[فخامة كبريائي]

اخوي انت كاتب انه الولد والبنت قاصرين ,,
اعتقد انه الولد دام انه قاصر الشيك يطلع مو صحيح ,,
واهل القانون ادرى بهالمجال

 

[bo_7moo00ood]

والله ياشباب انا بغيت افيده فقط لا غير

وثاني شي صج كويتيين قاعدين بس تشمتون ياجماعه الريال مخه مرجووج انا اتوقع فيه شي

ويعطيكم العافيه شباب على المروور وعلى الرد انا الصراحه شلت ايدي منه سوه حركه هاليومين ماراح تشفعله والله يعينه ويعين الجميع