إذا شاطر بالإنجليزى حول على السوق الأمريكي

[المستثمر الراكد]

أقولها و للأسف و بعد سنوات من التداول بالسوق الكويتى أن سوقنا سوق سئ بكل ما تحمله الكلمه من معنى

إذا استثنينا البنوك و زين و يمكن معاهم شركه أو شركتين فالبقيه حراميه

الشفافيه معدومه
البوق شغال على مستوى
إعلانات تضليليه
بيانات ماليه تدقق بالمحسوبيه و الغش

أقول إذا كنت تعرف إنجليزي فانصحك بالسوق الامريكى

الخطوه الأولى زور منتدى السوق الأمريكى بالمؤشر نت و تحصل كل المساعده من الشباب

مميزات السوق الامريكى:

التداول بالليل من الساعه 5 المغرب لى ال11
معلومات كامله و شفافه عن كل الشركات تمتد لعشرات السنوات (أسعار السهم و البيانات الماليه و غيرها)

اللى ما يتداول بالسوق الامريكى

He does not know what he is missing

و السلام عليكم

 

[أبو عمر]

والله كلامك عدل
سوق حرمنه وبوق واشاعات ونصب محترف وما حد يحاسب أحد ::verymad::

ٍseems to me am gonna shift sooner rather than later !
but will probably need some guidance from you initially .. Buddy

 

[مستمع]

عند الله تجتمع الخصوم00000000 نسأل الله العافية

 

[xTrader]

كلامك صحيح للاسف سوقنا منتهي بالمره والشركات على اخر رمق

 

[q8royale]

السلام عليكم
انا بياع باجر بخسارة - مليت السهم نزل 40% و قاعد يراوح بمكانه -اشلون التعامل مع السوق الامريكي - قصدي وين افتح حساب - اشلون ابيع و اشتري

و شكرا

 

[q8-speed]

I am having with you

 

[makandari]

أقولها و للأسف و بعد سنوات من التداول بالسوق الكويتى أن سوقنا سوق سئ بكل ما تحمله الكلمه من معنى

إذا استثنينا البنوك و زين و يمكن معاهم شركه أو شركتين فالبقيه حراميه

الشفافيه معدومه
البوق شغال على مستوى
إعلانات تضليليه
بيانات ماليه تدقق بالمحسوبيه و الغش

أقول إذا كنت تعرف إنجليزي فانصحك بالسوق الامريكى

الخطوه الأولى زور منتدى السوق الأمريكى بالمؤشر نت و تحصل كل المساعده من الشباب

مميزات السوق الامريكى:

التداول بالليل من الساعه 5 المغرب لى ال11
معلومات كامله و شفافه عن كل الشركات تمتد لعشرات السنوات (أسعار السهم و البيانات الماليه و غيرها)

اللى ما يتداول بالسوق الامريكى

he does not know what he is missing

و السلام عليكم

هذا الي اسميه عقدة الخواجة.
الحين السوق الامريكي مافيه حرامية ؟!!!!
لا اخوي حرامية السوق الكويتي ارحم الف مرة من حراميه السوق الامريكي
عيل انرون و ربعها و مادوف شنوا اذا مو حراميه
على الاقل ما تشوف سهم ب 100 دولار و باجر مفلس و مرفوع من قوائم السوق. و ضيف على ذلك ان معدل ربحية السهم هناك اقل من 5%( اذا ما كان اقل من 3.5%) و في الكويت تقريبا 10% اذا مو اكثر.

 

[عبد المعين]

ننحاش من الرمضاء الى النار

طريق تعرفه خير من طريق ما تعرفه وين جنرال موترز ووين سيتى بنك مو طالعين عندى بالسته

 

[رحنا ملح]

السوق يفتح 4.30 مو 5

انا دشيت ربحت وبعدين تملحت صح

السوق كبير هناك احنا بسوقنا مو مترقعين بعد
الامريكي

السالفه موسالفة انجليزي

انا اقولك اذا اتعرف صيني دش السوق الصيني جد ماقاعد اطنز حشى

شكرا

 

[جديد قديم]

آنه جربت السوق الامريكي من ست سنوات ماوراه الا الخساير الكبيرة, و الغش فيه جايد حييل , فيه شركات مفلسه تتداول بالملاييين و توصيات عليها بالاخير تطيح فيها بالصفر.

أما بالنسبة للشركات الكبيرة , صعودعا ثقييل حيييل .

الخلاصة : السوق الكويتي أضمن ,الشركات الكويتية حتى لو كانت مثل ماتقولون فلازال منها الجيد و اللي يعطي عائد زين, و الكويت مثل ما يقولون صغيرة الاخبار توصلكم عن الشركات بسهولة.

 

[أبو عمر]

هذا الي اسميه عقدة الخواجة.
الحين السوق الامريكي مافيه حرامية ؟!!!!
لا اخوي حرامية السوق الكويتي ارحم الف مرة من حراميه السوق الامريكي
عيل انرون و ربعها و مادوف شنوا اذا مو حراميه
على الاقل ما تشوف سهم ب 100 دولار و باجر مفلس و مرفوع من قوائم السوق. و ضيف على ذلك ان معدل ربحية السهم هناك اقل من 5%( اذا ما كان اقل من 3.5%) و في الكويت تقريبا 10% اذا مو اكثر.

مو سالفه عقدة الخواجه ،، السوق الأمريكي أكيد فيه حراميه ،، بس جم نسبتهم المئويه مقارنه بالسوق الكويتي ؟
عندنا الغالبيه حراميه والفرق الأكبر انه يبوقون حلالك عينك عينك وما حد يحاسبهم .. فى السوق الأمريكي ما حد يفلت من العقاب والمساءله .
جماعه انرون فلتوا ؟ ما أدري منو انتحر والباجي انسجن . أما مادوف فعطوه مادري 150 سنه سجن ..واذا تذكر صاحبه البرنامج الشهيره مارثا ستيوارت الملتي مليونيره انسجنت 6 شهور فقط لأنه تسرب لها معلومه عن نزول متوقع لسهم تملكه فباعت قبل الخساره !
بالله عليك هذا وين ومع منو يصير عندنا ؟
أخبار السهم والعقود والأرباح والخساير عند الربع والأحباب ،، ويا غافلين لكم الله !
طبعا غير الأخبار الملفقه والتصريف على خلق الله وبوقهم عيني عينك والميزانيات الملعوب فيها والصحف المأجوره ،، ووووو كثير لا يتسع المجال لذكره !

أنا ما دشيت السوق الأمريكي لكن عندي احساس انهم أكثر مصداقيه ونزاهه من ربعنا لأن القانون هناك رادع ،، وعندنا لا يوجد لا قانون ولا ردع !!

وآسف للاطاله

 

[BigDeal]

الكويتي سهل التعامل معاه والامريكي يبيلك لغه الانكليزيه قويه والا ماتمشي

 

[الصدق منجاه]

معقوله شركات امريكيه ماعندها معاملات ربوية وفلوس حرام!!

ولا تقولون الفلتر الاسلامي يحدد الحد الادنى للربى وتقدر تتعامل معاه

 

["عابر سبيل"]

طــق مــن القــوم وطـــاح بالســـريــة

 

[gmail]

اتمنى ان المحافظ وصناع السوق يشوفون التذمر اللي قاعد يصير لان اغلب الناس راح تنسحب من السوق الكويتي وانا واحد منهم بروح ان شاء الله للسعودي ملينا خساير ماصارت نقعوا اسهمكم وناموا عليها

 

[splendid]

يبييييييييييله امريكي ..

 

[bhams]

السوق الأمريكي سوق سهل وممتع وخصوصا اذا الوسيط شركه قويه

المعلومات متوفره كل مكان والسهم يتحرك امام عينك


ونسال الله لكم الربح الحلال

 

[raja 07]

كانت لي تجربه قبل سنتين في السوق الامريكي دخلت بمبلغ 50 الف دولار وخلال ثلاث اسابيع بالتمام والكمال تم سحقي سحق وخرجت بسبع دولارات فقط لاغير وكل انسان يعكس تجربته ويصدر الحكم عليها واسباب خسارتي السريعه كانت التالي :

اولا : كنت اتداول في الاوبشن ( سوق الخيارات) والاوبشن اداة استثماريه عاليه الخطوره ممكن تفقد اموالك في لمح البصر وممكن تحقق ارباح خياليه لا تخطر في البال .

ثانيا : الطمع الشديد وبعض العقود كانت تعطيني ارباح اكثر من خمس الاف دولار في اقل من نص ساعه بس ماكنت ابيع وهذا اللي ضيعني في السوق

ثالثا : ماكنت اعرف مبدا وقف الخساره (stop loss ) ونصيحه لوجه الله ومن واقع تجربه اي شخص لايستخدم هذا المبدأ المهم لايدخل السوق وخاصه السوق الامريكي.

رابعا : كنت اجهل التحليل الفني والسوق الامريكي في الغالب يحترم التحليل ويمشي عليه

واخيرا وليس أخرا السوق الامريكي مليان فرص وافضل مليون مليون مره من سوق الحراميه عندنا ولايعني اذا افلست عندهم شركه او شركتين او حتي عشر شركات لايعني ان سوقهم سيء بالعكس هناك اكثر من 12 الف شركه مدرجه عندهم ومن يتسلح بسلاح العلم والمعرفه سيستطيع السباحه في هذا البحر الكبير فكل شي عندهم متوفر من بيانات واخبار وتحليلات بضغطة زر تستطيع الحصول علي كل شي .

 

[borsamaster]

ان شاء الله نحول للسوق الأمريكي .

باااااي باااااي .... " سوق الحرااااااامية " .

 

[weld.q8]

صباح الخير يا اخوان اذا الواحد لغته الانجليزيه بسيطه تنصحون ادش السوق الامريكي معنى عندي حساب تداول على الوطني بالسوق الامريكي من سنتين بس ماعمري دشيت .