كيفيه ملاحقه المتطرفين من ........!!!

[علي كبتر]

مشكله عويصه في البورصه

مشكله الاجهزه

تبي تأخذ لك جهاز كل فتره وفتره

خمس دقايق

تلقاهم حاجزين الاجهزه من بدايه الدوام الى نهايته

ما يصير

كيف نتابع معاهم ؟ تذبذب الاسعار

سامحونا

انتو تتكلمون عن الاسهم فقط

لكن لم تتطرقون لما يتيح الفرصه لمراقبه اسعار هذه الاسهم

وملاحقه المتطرفين من هذه الاسهم ؟؟؟
تطرف نازل وتطرف صاعد
هههههههه

كأني دشيت عرض !!!!

والا كلامي صحيح ؟؟​

 

[TechnoFund]

السلام عليكم ..

أخ علي .. بأمكانك التفرد والتفرعن بجهازك اللاب توب الخاص فيك والإتصال عبر الأنترنت في البيت - المكتب أو وأنت في البورصة .. وبرفقة الحبيب "الأوسط برو" من موقع www.alawsat.com .. وعبر خدمة ال Wi-Fi .. السوالف القديمة هذي عفى عليها الزمن وشرب .. خلها حق الكبار .. متعودين على هالموّال ولهم خلق .. غيّر سستمك شويه في التداول وترتاح ..
لا .. وأزيدك من الشعر بيت .. تره البورصة حاليا تعمل وبجد وجهد على توفير نظام تداول إلكتروني عبر الأنترنت - يعني مثل الأوسط برو - وراح أعتقد يتميز عنه بأنك في الحالة هذي راح تكون أنت نفسك البروكر .. أما الأوسط فهو وسيط بينك وبين البروكر .. وهذه المعلومة ماخذها من واحد يعمل مع المهندسين اللي شاغلين في البورصة بخصوص هالموضوع.. وراح يزيد في هالحالة التنافس وتستفيد انت كمستثمر أو مضارب .. بتخفيض رسوم التداول مع مرور الوقت


تقبل تحياتي ..

 

[احمد محمد]

واحد من الاخوه هناك معطي هندي في البورصه من اللي يداومون صباح الله خير شوية دنانير علشان كل يوم يوم يحجزله الشاشه ،،،،،،،،،، لا وازيدك من الشعر بيت كل هندي عنده مجموعه متقاول معاها على هالسالفه !!!!!!!!
وراقبهم اول ما يداومون ( طبعا ماراح تقدر تداوم قبلهم ) اول ما يادوم الهندي عنده مجموعه من الاغراض ( ولاعه - جريده - ماي ...............الخ ) يوزعهم على الامكنه .
اشرايك تنظم معاهم !!!!!!!!!!!!!!؟؟؟؟؟؟؟؟؟؟؟؟؟؟؟

 

[علي كبتر]

تقبلنا تحياتك وحطيناها على العين والراس

وتقبلنا نصيحتك اللي هي

تقبل تحياتي ..
__________________
[ لا تسأل .. لا تتوكل .. لا تثق .. إلا بالله وحده ]


&&&&&&&&&&&


لكن


أولا : - بالنسبه للاجهزه بالبورصة

اعتقد انها حق للجميع وليس مباعه لمن حجزها يوميا

فبعض حتى الوافدين

يحجز جهازا له منذ بداية عمل البورصة حتى نهايته

فهل هذا جائز ؟؟؟؟؟؟؟؟ ان يغمطون حقوق غيرهم ؟؟

هذا سؤال مشروع سلمك الله

ومافيه شي

انهم يريدون حله
(( فيها مرقوق ومحروق صبعه ...... ومحمر .... حسب شريط المعلومات ))

&&&&&&&&&&

شراء لاب توب الذي تنصح به

يكلف بعض الناس مالا فهل تحط انت لاب توب وغيرك ببلاش يستغل منشأت البورصه ؟؟؟؟

خذ من جيبه وعايده (( هذا حال البورصه ))

فهي تأخذ نصيبها اذا تعطي روادها نصيبهم

من تقنين وتنظيم دقائق استعمال الاجهزه فهي ليست مخصصه لافراد معينيين يوصون الفراشين

او بعض العاملين في البورصه من حجز اجهزه لهم ومتى يأتون يجدون مسباحا لهم على جهاز معين

وجريدتهم ( وهذا يعني ان الجهاز محجوز !!!!!)

فهل هذا عدل أم ظلم ؟؟؟؟؟؟؟

تشتري جهازا ب 300 دينار تقريبا

ثم لوازم الاتصال وبرنامج للبورصه لملاحقا التطورات والقفزات

بين الاحصنه التي تسبق وتلحق وتتأخر وتنزل وتصعد !!!!!

بينما غيرك يعيش على امهات المسلمين !!!!

يحتل ويستعمر له جهازا

وانت قاعد حاط ايدك على خدك !!!!!!

هل له حق وانت ولد العبده مثلا ؟؟؟؟؟

ماهو في البورصة وانت في البورصه

ليش تحط من كيسك جهاز وهو بلوشي ؟؟؟؟؟

وياليت جهاز وبس لوازم الجهاز وبرامج الجهاز

ووووووو أعطال الجهاز اللي تشتريه

لاحظ احنا نتكلم عن البسطاء وليس الهوامير

ولا حتى البواليل فأيش أنت تنصح فيه بوصفك هامورا او نقرورا او بالولا

كبيرا وربما لديك بيض السمك الذي لايتوفر لغيرك (( ربما ))

وهو الذي يزيدك ثقه بنفسك

يعني حبول ( مفردها - حبل ) يشاع طبعا هذه اشاعات لايجب عليك ان تصدقها

انها ( كافيار )

فلو فرضنا ان بعض المتطرفين بالسوق يتطرفون جدا

وبعضهم يصل لحد الجعوصيه وربما لوازم النحاسه يستولي على جهازين او ثلاثه له ولربعه

فتأتي انت

طبعا وانت بحاله الزوري

جهازك خربان

او مو ( خليك في البيت ) يعني بره البيت

ومريت على البورصه

فكك روحك دور لك جهاز خمس دقايق تتابع فيه ما تلقى

الا اذا لقيت لك رفيج وصاحب

او بعضلاتك تلقى جريده ومسباح تدزهم على جنب

ما يمديك تحرك الماوس الا جايك واحد

لو سمحت

وخر

او باعتزر لك

او ازيك ده القهاز بتاعي لو سمحت

يا راقل ..... ياراقل

لاننا نتكلم هنا بلسان الجميع

فالبورصه تأكل فلوس لازم تحط نظام بالمقابل

انت ربع ساعه

يجي غيرك ربع ساعه على كل جهاز

&&&&&&&&

أما

الله يطول لنا بعمرك

أغير سستمي

فما أقدر بالوقت الحالي

حطيت اللي معاي في هذا السستم واللي صار صار

ربما بعدما تتغير ظروف معينه لاتربكني الان قد استطيع تغيير السستم

وسماع نصيحتك

&&&&&&&&&&&

لهذا لاننصح المتداولين بالتطرف بكل شيء

الوسطيه زينه

لا بالاجهزه ولا بالاسهم ولا بالاسعار

وبالعروض ولا بالطلبات !

عموما

لايكون ثقلنا عليك ياراقل ...... ياراقل

ترى مو كل الناس يحبون ( خليك بالبيت )

يحبون على الهواء مباشره ويجيبون لاب توب معاهم

لمقر البورصة .........

أحسن شي قلته وعلى راسي يا بو الشباب ياراقل

__________________
[ لا تسأل .. لا تتوكل .. لا تثق .. إلا بالله وحده ]


جزاك الله خير


والله يرحم والديك على هذي الكلمه الطيبه

 

[TechnoFund]

.

والله يا اخ علي أعتقد ان أنسب حل أهو إما أنك تستخدم نفس الأسلوب اللي

يتبعونه ولا ما راح تلحق معاهم .. او الأقتراح اللي وضحلتلك إياه .. والله يعينا

وياك .. على البشر اللي ما تستحي ..

.

 

[بوعنتر]

مقترحات ابوعنتر لحل مشكله الاجهزه بالبورصه واتمنى ان يستمع اليها القائمين والمسؤلين عن الاجهزه بالبورصه

فى السابق وقبل انتعاش السوق كانت الاجهزه تفي بالغرض وبكل سهوله تحصل جهاز ولكن مع انتعاش السوق وزياده الوعي بالستخدام اجهزه الحاسب الالى اصبحت عمليه الحصول هعلى جهاز صعبه جدا ,فى بعض الاحيان اكون محتاج لاطلاع لفتره بسيطه لمعرفه العرض والطلب ولكن اتشوف الاخ مبسط على الجهاز من اول الدوام لى اخره ويحرم الكثير غيره من من يريد الاطلاع لمده بسيطه لاتخاذ قرار شراء او بيع .

بعض الحلول المقترحه
* وضع رسوم على استخدام الاجهزه ويكون العائد لتطوير الخدمه وزياده عدد الاجهزه

* اتباع نظام الحصص بمعني ان يكون لكل شخص الحق باستخدام الجهاز لمده معينه فقط على سبيل المثال ان تكون 15 دقيقه باليوم ويكون الدخول والخروج من النظام باستخدام رقم التداول اضافه الى كلمه مرور ويتم تفعيل هذه الخدمه بطلب الى اداره البورصه وفق اشتراك رمزي .

* تخصيص شاشات عرض كبيره تسمح لمجموعه كبيره بالمتابعه بدل اجهزه الحاسب الالى التي تمكن مستخدم واحد فقط من الاطلاع ويمكن تخصيص شاشه لكل شركه بحيث يطلع عدد اكبر على جميع طلبات العرض والشراء والصفقات واوقاتها وحجم التداول .

هذه بعض الحلول ونشكر القائمين على الخدمه بالبورصه على جهودهم فهم يعملون على تطوير الخدمه ونلاحظ هذا الشي من فتره ولكن ماذا نفعل مع البشر اللى معندهاش دم :d

 

[Abdulazeez]

ســـلبيـات يجب أن تعالج

الســلام عليكم

مشـكور اخوي بوعنتر على اقتراحك ... بس أفضل حل هي النقطه الأخيره الي ذكرتهـأ .. الرسوم شوي صعبه .. لازم واحد يكون عند الجهاز ويحصل الرسوم ويتأكد من الدور ومشاكل ثانيه .. أمــا الدخول برقم التداول .. فهم لها مشاكلهـا .. يعني في متداولين من كبار السـن ما يعرف يقرأ بس ما يتجرأ أنه يمسك حتى الماوس .. ويقوول ما أبي أخرب الجهاز وهذا حرص منه ويقوول اوخر عن الجهاز احسن وحتى لو عرف مأجبور يسأل واحد عن طريقه الدخول برقمه وراح يضيع الوقت .. وكل ثانيه مهمه للمتداولين للقرار بجميع الأحوال .

والأفضل نفس ما ذكرت النقطه الأخيره أكيد ومافي غيرهـا

أفضل حل وإنشــالله ينجح بنســبه كبيره هي شـاشات عرض كبيره يعني من 40" وفوق موزعه بطريقه متساويه وكل الأماكن تبين جدول للصفقات الي تصير وكميتها والكميه وأعلى سعر معروض وأدنى سعر مطلوب. طبعـا مع الإحتفاظ بالكمبيوترات عشان الي يبي يتابع الأسـعار الثانيه .. يعني الحد الأدنى او الأعلى مثلا.
ولا ننسى شــاشـات خاصه فقط لصفقات سووق الكســور .. لأني لاحظت بعض الناس تطلب تعرف عن الأسهم المعروضه والمنفذه وصفقات سووق الكسور حالهم حال السووق الرسـمي .

أمــــا بالنســبه للنـاس المذكورين ... والي يعشعشوون عند الكمبيوترات رغم تنبيهات وملصقات إداره البورصه بفتح المجال للغير بإســتعمال أجهزه الكمبيوترات ما عندي أي كلام غير ( إذا لم تســتحي فأفعل ما شــئت )

ملاحظه خاصه وهامــه :
التنبيه والإرشــاد والتوعيــه بهل السلبيه أهم حل ، إذا ما لغاها على الأقل يخفف منهـا. أنصح كل واحد يعرف شخص معرفه قويه أنه ينصحه لعلى وعسـى تكوون هناك أذن صاغيه .

( هل الأشياء الســلبيه مو بس مقتصره على المتداولين الغير متعلمين أو ذو الشهادات البسيطه والمحدوده ... لأني أعرف واحد يحجز الجهاز كل يوم وهو حاصل على شـهاده الدكتوراه ( الله يهديه إنشالله ) ... )

 

[خير الكلام]

السلام عليكم

الاخ علي مساك الله بالخير لا اظن ان هناك مشكله ان اردت استخدام اي جهاز داخل مبنى البورصه فالكل متعاون .

اما بخصوص وضع ولاعه او اي شئ لحجز الجهاز فهذا كلام لايجوز وتستطبع ان تجلس على الجهاز ووضع اغراض الناس على كتر وماعليك منهم فلن تمنعهم من استخدام الجهاز ولن يستطيعوا ان يقولوا لك قوم هذا المكان محجوز .

فان قالوا لك يالله قوم هذا المكان محجوز فقد سقطوا بالخطأ وردك يكون بأن تطلب رجال الامن ولك هذا الحق .
ولكني متأكد انه من الصعب ان يقولوا لك قم هذا المكان محجوز .