وين المليون
عضو نشط
لو ربحت مليون دينار من البورصة, هل تتركها ؟
تجي للواحد منا ( خصوصا انا ) شطحات غريبة عجيبة يشطح فيها المخ يمين ويسار و يصعد فوق لين يوصل السحاب ويتعداه !! و ساعات الواحد منا يشطح "شطحة" تخفس فيه اسفل سافلين !! طبعا انا اقصد بالشطحات الخيال و خصوصا لما يكون خيال خصب وواسع !
المهم امس ( خير يجعلوا خير ) جتني "شطحة" من هالشطحات وكانت حديث بيني وبين نفسي الماخوذة فقلت لنفسي :
"متى تطلع من البورصة و تتركها نهائيا ؟"رحت احاول ادور جواب و بصراحة لقيت خوش جواب لكن ودي اشوف اجوبتكم قبلي
"يعني بالضبط كم تبي تطلع من البورصة علشان تهدها ؟"
( 100 الف دينار - 300 الف دينار - نص مليون دينار - مليوووووون دينار ...!! )
"طيب هل راح تترك البورصة اذا حصلت على اللي تبيه ؟"
فهل يا ترى لو حصلت على المبلغ اللي تبيه من البورصة, هل ستتركها والى الأبد ؟
والا تقعد تحط مليونك وتضارب فيه ؟
عاد شوف كل تكة بتطلع عليك بجم ( ربح و خسارة) !!
أنتا شنو تبي ليكون حاك عينك على مليوني الي بأسمي