خدمة كيمز ( kems ) أرجوا الإفادة

[التاجرة_الصغيرة]

معروف على مستوى الكويت افضل خدمة كيمز لكن يعيبها شوي اسعار غالية وهي اغلى الشركات تقريبا بالكويت

وانا بصراحة مشترك مع كوالتي الشركة ما يعيبها شي- لحد الآن - حتى استغربت سرعة تركيب الخدمة ٣ ايام ! وهم قالولي من ٣ ايام الى ٥ فاست تلكو قالولي من ٥ ايام الى ١٠ !!!

لكن لو عندي ميزانية اشتركت بكيمز ومثل ماقالو الشباب اذا انت راعي كافيهات ومجمعات راح تشبك فري بزاجل <<< اغلب الكافيهات الامريكية

فاست من 5- الى10 لان عندهم عروض
احنا تونا مشتركين وتم التركيب بـ 4 ايام

 

[MR.9RI7]

فاست من 5- الى10 لان عندهم عروض
احنا تونا مشتركين وتم التركيب بـ 4 ايام

كل الشركات عندهم نفس العروض

بس ليش يقولولي من ٥ الي ١٠ ايام وبالمقابل كوالتي قالولي من ٣ الي ٥

مع اني كنت واقف قدام الكاونتر حق فاست وكنت ناوي اشترك يوم قالي هالكلام هونت يعني ببساطه نحشوا العميل

 

[salem.srsr]

عطيك العافيه اخوي

باعطيك بس بعض المعلومات عن الشركه ومعلومات عامه يمكن وايد ناس تجهلها

الشركه من اوائل الشركات بخدمه الانترنت وهي الاولى بالكويت على حسب علمي

ثانيا خدمه العملاء ممتازه وما يهدونك الا تكون راضي ومقتنع باجاباتهم

ثالثا السرعه ممتازه والي يقول غير جذي اتوقع يبالغ شوي

رابعا والمهم انه عروضهم قويه وحلوه يمكن تفرق جم دينار عن الباجي بزياده بس اعتبرهم عشان الخدمات الاخرى الي يوفرونها والي متميزين فيها مثل زاجل واي فاي

خامسا توصيل الخدمه جدا سلس وسريع عندهم

سادسا وهو المهم واتكلم فيه عن الداون لود الي اشوف الناس كلها دون استثناء مهتمه فيه اكثر من اي شي ثاني

الداون لود يا جماعه بالنت عموما يعتمد على ركائز اثنين

اهوه سرعه الداون لود عندك وثانيا وهو الاهم سرعه الابلود بالموقع الي قاعد تسوي منه داون لود بعدين يأتي حجم الملف الي قاعد تسويله داون لود

يعني بإختصار وبمثال مبسط

لمن انا على سبيل المثال يكون عندي شي ثقيل بعطيك اياه خل نقول كرتون وانته تبي تشيله مني

شنو الي يساعدك فيه

طبيعي بيكون انه انا اعطيك ايدي واساعدك انه تنزله بكل سهوله وغير هذا شنو الي يخلينا نوصل الكرتون بسرعه حق السياره او البيت راح يكون حجم الكرتون ووزنه عدل يبا

في هذا المثال بتكون ايدي الابلود مال الموقع وايدك الداون لود الي عندك وحجم وثقل الكرتون اهوه حجم الملف الي قاعد تنزله

هذا الحال مع اي موقع

اذا كان السيرفر قوي الي قاعد تسحب منه والابلود عندهم قوي راح تلقى الداون لود عندك يصير سريع اقصد سرعه الداون لود مو وقت نزول الشي الي قاعد تنزله

تمام واقدر اعطيك مثال حي على هالشغله

روح حق موقع ابل وسوا كتجربه نزل الـ آي تون طبعا حجمه عود 72 ميقا على ما اعتقد راح تشوف سرعه الداون لود تروح بالعلالي توصل فوق الـ 200 كيلو بايت بالثانيه وفوق اذا كان اشتراكك 2 ميقا

اما من الناحيه الثانيه دش الهوت ميل ونزل وسو داون لود حق فيديوا عندك يكون حجمه فوق الـ 2 ميقا وراح تلاقي فرق بالسرعه

ليش ... ؟

لانه سيرفر الهوت ميل يخورها وايد

تخيل انا مرات يوصل عندي الداون لود 12 كيلو وهذا طبعا محد يقبله خاصه لمن يكون اشتراكك 2 ميقا عرفت

هالموضوع سبب عندي قلق ونرفزه دقيت على الشركه وفهموني الي قلته هذا

وكلامهم مقنع حقيقتا واشوفه صحيح بكل المعايير وعن تجربه

وبعدين قمت ادش اشوف كلامهم كله صحيح من هالناحيه لانه وايد اسوي داون لود ويفرق بكل مكان يفرق مو ثابت

هذا الي حبيت اوضحه والي مو مصدق التجربه خير برهان :d

موفق ان شاءالله وانصحك بكيمز :d





سلالالالالالالالالالالالامن ​

كلام منطقي وسليم