مصايب الخدم

موظف

عضو نشط
التسجيل
12 فبراير 2009
المشاركات
200
السلام عليكم ورحمة الله وبركاته.........امس جتني الخادمه وقالت لي الخادمه الاندونيسه دزت مسج من التلفون حقي,,,,,, اوكي شنو المشكله قالت لي اسمك موجود بالمسج اخذت التلفون منها ودزيت المسج لي ورحت حق مكتب القلاف وترجمه لي يقول الخادمه تقول انك مو زين معها وداز المسج تبي تسويلك سحر طلعت منهم رحت حق مكتب اشكناني جاء المترجم يقراء المسج دقيقه ويطالع بوجهي 5 دقايق ساكت العلم ياولد قالي نفس الكلام ؟ رحت حق سفريات الفروانيه وحجزت لها الله لايرده يوم الاحد 155 دينار الله لايخسر على الاتحاد المشكله لها عندي 8شهور ؟؟؟؟ تتوقعون لو اوديها المخفر يسوون لها شي ؟::verymad::
 

best banker

عضو نشط
التسجيل
20 يوليو 2009
المشاركات
80
بلا عوار راس اقرب طياره وعلى بلدها تفتح قضيه وحالتك حاله على شنو لو لك حقوق جان قلت لك تقعدها 100 سنه لكن مالك شي بالنهايه طرشها على بلدها
 

شيل و مشي

عضو نشط
التسجيل
11 يناير 2008
المشاركات
379
انت غلطان لو حاجزلها على اخيس طيارة رايحة لجاكرتا فيها مليون ترانزيت او على طيران العربية مسوين عروض عشان تموت يوع بالطيارة مافي اكل الا بفلوس
انا جذي كانت عندي اندونيسية تمشكلت معانا وحجزت لها على الاتحاد ترانزيت ابوظبي يوم كامل بدون فندق ب90 دينار

وكانت عندنا نيبالية نفس الحالة حجزت لها على العربية كاتمندو بسعر 50 دينار ترانزيت 7 ساعات
 

العنزي1

عضو نشط
التسجيل
2 أكتوبر 2008
المشاركات
723
يامعود دير بالك لاتخليها تاخذ اي شي معاهاااااااا وانكت اجناطها عددددددددددددددددددددددل ولو تخلي ام العيال تفتشها من رجولها لراسها !!!!!!!!!!!!

نفس هالشي تقريباً حصل معاي ولكن الحمدلله تخلصت منها مثل ماسويت فوق
 

q8royale

عضو نشط
التسجيل
27 يونيو 2009
المشاركات
426
يعني شنو تسوي سحر - لا حول ولا قوة الا بالله العلي العظيم
يا جماعة وين الايمان برب العالمين...

بعدين اذا الخادمة ما تبي تقعد عندك - خلها تروح -عطها حقوقها

لا تروح للقانون - راح يطلعونك غلطان و في جمبع الاحوال ... ( الكفيل غرام - مو غرام حب لأ يعني يدفع و يدفع لمن يفلس )
 

مودQ8

عضو نشط
التسجيل
26 يونيو 2009
المشاركات
138
الإقامة
الكويت
سفرها بدون ما توديها المخفر لانها لو تبلت عليك اتدخلك بستين مشكله نصيحتي عطها حقها وسفرها او رجعها المكتب يبيعها وتذلف
 

يحلمون فيك

موقوف
التسجيل
15 مايو 2009
المشاركات
69
حته لو سفرتهاا راحت تشتغل هم ابيت ثاني وتسوي نفس الشي

انا اقول مصخرهااا جم يوم بالمخفر لين اتخيس وبعدين روح بيعهاا على المكتب وخذ افلوسك ارمضان جاي والخدم راح تغلاا

واذا بياااع انا شراي طرشلي على الخاص
 
أعلى