اللي عنده يوكن من 2000 لي 2006 يدخل

[Bo-jana]

السلام عليكم ... يا جماعه في حركه عجيبه باليوكن ... لما توقف بالاشاره وله بزحمه ترتفع الحراره والمكيف يصير حار ... الحل موجود في مراوح كهربا تركب مكان المروحه الاساسيه (مالت الغايش) ... مروحة الغايش تنشال خلاص المكينه تريح زياده يصير الموتر اخف بعد ويركبون مراوح ثنتين كهربا مكانها بالضبط حتى اماكن براغيهم موجوده يعني مو ترقيع شد بلاده المراوح موجودين بالاهليه وله البديع سعرهم 130 بالاهليه والله الموتر يفرق حييييل بالعزم والمكيف البارد وانت واقف ثلج يصير لانه المراوح كبار ويريحون القير (بالنسبه حق الدينالي) تفرق عندك حرارة القير والتباديل
واسف على الاطاله واي استفسار انا حاظر

 

[nokia*nokia]

جزاك الله خير بوجانا

كلامك صحيح 100% وكان أخوي يشتكي من الحراره بسيارته بوقت الزحمه أو وقفة الإشاره

بالصيف وتوصل فوق النص ، وبعدين ركب المراوح اللى تفضلت فيهم والموتر ماشاء الله ردت حرارته

طبيعيه وعزمه صار ممتاز ، تصدق عاد هالمراوح بالشتاء يبيعونها 95 دينار واذا دش الصيف رفعوا

سعرها !!!!؟ ماكو رقابه كلشششش يرفعون وينزلون متى مايبون .

عالعموم نحلت الأزمه ، وتحياتي لك

 

[خبير المؤشر]

السلام عليكم ... يا جماعه في حركه عجيبه باليوكن ... لما توقف بالاشاره وله بزحمه ترتفع الحراره والمكيف يصير حار ... الحل موجود في مراوح كهربا تركب مكان المروحه الاساسيه (مالت الغايش) ... مروحة الغايش تنشال خلاص المكينه تريح زياده يصير الموتر اخف بعد ويركبون مراوح ثنتين كهربا مكانها بالضبط حتى اماكن براغيهم موجوده يعني مو ترقيع شد بلاده المراوح موجودين بالاهليه وله البديع سعرهم 130 بالاهليه والله الموتر يفرق حييييل بالعزم والمكيف البارد وانت واقف ثلج يصير لانه المراوح كبار ويريحون القير (بالنسبه حق الدينالي) تفرق عندك حرارة القير والتباديل
واسف على الاطاله واي استفسار انا حاظر

جزاك الله كل خير على المعلومه

جزاك الله خير بوجانا

كلامك صحيح 100% وكان أخوي يشتكي من الحراره بسيارته بوقت الزحمه أو وقفة الإشاره

بالصيف وتوصل فوق النص ، وبعدين ركب المراوح اللى تفضلت فيهم والموتر ماشاء الله ردت حرارته

طبيعيه وعزمه صار ممتاز ، تصدق عاد هالمراوح بالشتاء يبيعونها 95 دينار واذا دش الصيف رفعوا

سعرها !!!!؟ ماكو رقابه كلشششش يرفعون وينزلون متى مايبون .

عالعموم نحلت الأزمه ، وتحياتي لك

لا اوصلت عندي ثلاث ارباع قعدت بالزحمه بالجوازات 3 ساعات والمكيف صار اي كلام والعيال نايمين وما ادري شسوي قمت ودست بانزين وخليت الضغط على واحد ونص وخلال دقيقتين نزلت الحراره اقل من النص والمكيف صار زين والله يعين كل ربع ساعه اسوي الحركه

 

[أبوفلان]

يعطيك العافية ع المعلومة

انا عندي يوكن 2005 بس ماشاء الله حرارته تحت النص بشخطة حتى وانا واقف بس المكيف تخف ببرودته مويصير حار لا يصير أخف من لما اكون ماشي

 

[meshal bader]

شلون صوت المراوح مزعج والا عادي

 

[Bo-jana]

صوت المراوح هادي مثل الموديل اليديد 2008 - 2009 والله السياره صارت سياره ثانيه والسعر صج ينزل بالشتا ويزيد بالصيف يعني اللي يقدر يتحمل لي الشتا ويركب بس انا ركبتهم توه وصارلي موتر ثاني صراحه

 

[nasanet]

السلام عليك اخوي بوجانه
جزاك الله خير على المعلومه
انا يوكن 2004 الحرارة تحت النص بشخطه
طيب ايش اسمه علشان اذا بغيت اشتريها
وهل يوجد خبير يركبها تعرفه
وكيف شكلها ما نقدر نطلبها من بره

والسموحه على الأزعاج

اخوك في الله ابوعبدالعزيز

 

[Se7T]

في نقطه مهمة بالنسبة لدفع المكيف والبروده
في فلاتر تجي تحت الدرج
جربو تنظفونهم وشوفو البروده وقوة الدفع وراح تدعولي

 

[Bo-jana]

هلا بوعبدالعزيز المراوح تلقاهم عند الاهليه قوله يوكن 2004 اهم يعرفونهم اكيد يكونون ثنتين كبار كهربا واللي يركبهم اول ما تطلع من الاهليه وانت داش شارع الزينه تقريبا 4 محل على ايدك اليمين هذا شغله بس مراوح يركبهم لك ويقولك جان تبي يشتغلون من السلف او على حراره معينه وله مع المكيف عاد انت تنقي ... والله يجزاك خير يا سحت هذي معروفه الفلاتر بالبيت افتحهم و انظفهم بعد الغبار بس مع المراوح هذي صراحه لا تقولي مكيف ياباني يوكن يفرض هيبته

 

[بومعالي]

اليوكن والتاهو والسوبر من موديل 2005 وفوق مراوح كهربا ... أما المروحه العاديه تكون من 2004 وتحت وصراحه ما أنصح بتركيب مراوح الكهربا اللي يبيعونها بالأهلية لأن في ناس كثير اشتكوا من خراب المراوح بعد فتره وحتى اللي سياراتهم موديلها 2005 وفوق بعضهم يشتكون مع الخراب ... اللي معزم يركب مراوح كهربا يشتري غطا الراديتر بس اللي يمسك المراوح وتاخذه م السكراب بحدود 20 دينار وسعره جديد 43 دينار بالأهلية وركب مراوح ياباني نفس القياس

حرارة اليوكن من 2000 إلى 2004 غالبا تكون بسبب الراديتر يكون مسكر وحله بالتشييش وتروح الحرارة نهائيا

حل ضعف التكييف عند الوقوف هو تركيب مروحه كهربائية صغيره جدام راديتر المكيف من الخارج وشوف المكيف عندك شلون يثلج ... سعر المروحه بحدود عشر دنانير إلى 15 دينار ويكون لها شبك حمايه على حجمها وتشبكها مع المكيف .

 

[طلال701]

اشلون اذا بغيت اركبها على الفورد 1999 ماركيز اشرايك يركب او مايركب

 

[سهم فسفوري]

اعتقد لو تحافظ على السياره من ناحية متابعة السيرفيس بنتظام افضل من عمل ترهيم بشغلات ماهي بالاساس موجوده بالسياره وتبديل الزيت بوقته افضل لان الزيت عامل مهم بالحراره.

,,,,,,,,,,وأسأل الله العظيم يوفقنا وياكم بمى يحبه ويرضى,,,,,,,,,,

 

[Bo-jana]

مشكور يا بومعالي على هالمعلومه بس في فرق بين اليوكن العادي والدنالي ... الدنالي الغطا راكب فيه ماله داعي تشتريه اما العادي ممكن مثل ما تفضلت ... وبالنسبه للأح سهم فسفوري الشغله هذي مو ترهيم هذي من شركة جي ام موجوده و حتى مكان البراغي موجود تركب المراوح بالضبط والسيرفس حتى اقل من شهر اسويه بس جو الديره ما يعطيك فرصه خصوصا اذا كنت طالع مع العيال بس الحين هالمراوح ضبطت وياي وحبيت افيد الشباب وشاكر مداخلاتكم عشان نفيد ونستفيد

 

[Bo-jana]

للرفع للأستفاده