ريل خدامتنا بيي الكويت شلون؟ ابي مساعدتكم اخواني

[التاجرة_الصغيرة]

السلام عليكم
خدامتنا الاولية كلمتني من كم يوم وسألتي اذا اقدر الاقي شغل لريلها بالكويت
اهو هناك في سريلانكا يسوق تريلات وشاحنات كبيرة

شلون اذا بيي الكويت حق شغل؟

 

[LoVer26]

خليه يرسل صورت الجواز مالته حق اي مكتب انتي تروحين له والمكتب يعرضه واذا جاء احد يبيه يجيبونه .

 

[سارونتي]

نصييييييييييييحه نصيييييييحه

معروف السيناريوا اول مايوصل بيتوظف مثلا بشركة وبياخذها باي طريقة وانتوا ما استفدتوا شي

حاولي تطنشين ولاتجيبينه ومشاكلهم واااجد لو زوج وزوجته وكل شوية بتطلع معاه قصة اما تسفرينها او لاتجيبين زوجها وشكرا

 

[rock404]

نصييييييييييييحه نصيييييييحه

معروف السيناريوا اول مايوصل بيتوظف مثلا بشركة وبياخذها باي طريقة وانتوا ما استفدتوا شي

حاولي تطنشين ولاتجيبينه ومشاكلهم واااجد لو زوج وزوجته وكل شوية بتطلع معاه قصة اما تسفرينها او لاتجيبين زوجها وشكرا

صـــــــــــــــــــح ,, بالعربي (( فلم هندي )):d

 

[بو متعب]

سايق جارنا قال لي اخوي سايق شاحنه وكان قبل سايق قطار ووووو مشوار طويل بالمغامرات اول ما جبته الكويت بالمرة ما يعرف شي عطيته اصغر سيارة بالعالم هوندا ردها لي مكسرة ومدعومة من كل صوب ترى هذول هم لاقينا
انصحك لا تجيبين احد وباجر تبتلشون اخذي واحد من الكويت واعطيه زود ولا اجيبه ولا يعرف شي والخبرة لها ثمنها وانتي تاجرة ومفروض تعرفين معنى الخبره والسلام ختام

 

[Q8diamond]

انا رايي من رايهم

ترة ما وراهم الا عوار الراس

 

[lineq8]

السلام عليكم اسمحولي اعارضكم لان اصابع ايدك مو وحده وما يصييييير نحكم علي اي جنسيه من حكم تجربه شخصيه بمكن فعلا اهو يعرف يسوق ومحتاج شغل لكن مو لاقي فرصه والسلام عليكم

 

[أبوسعد الخالدي]

بالتوفيق

 

[assa]

اول شى شنو الدليل انه زوجها

ثاني شى هل الاثباتات فعلا حقيقية

وهل هى لو لها الف سنه عندكم هل راح تكون صادقه فى هذا الموضوع

ثالثا وهذا حق شرعي لهم اذا زوجته وحملت منه مثل جيرانا كانت عندهم خدامه وقالت زوجي يبي وظيفه وجابوه سايق وحملت منه ... طبعا زوجته وبالحلال

فى الشهر الرابع سفرها وقال بس تروح تربي الأولاد هناك فى الهند

هاهاهاهاهاهاها

انا ماودي اقطع رزقهم بس العماله الشينة خربت على الزينه ومافيهم مصداقية

وعلى فكره كل واحد له رزقه ويوصل له

وموفقين خير

 

[لاعبتها لعب]

والله نفس الحال قالي صبي بالدوااام انه عندي اخوي سايق ورفع فيه فوق السما
واخر شي يوم يبته السكان ما يعرف يودي من يمينه لي يساره والبريييييييك يلزقج بالجاامه هذا اول يوم من يبته قتله ودني الفرع يعني تجربه
بس اتوقع عباله السياره قاااري :x

 

[export]

ونفس الشى معاي اخوه قال عنه سائق ميه ميه وميكانيكى بعدها طلع ما يعرف يسوى اشتراك واما السواقة الله وكيلك رد بالسوبر بالشارع وسكر ثلاث حارات علشان يدش الشارع الفرعى لا وهذا بعد سنة تدريب

 

[القوي الأمين]

الأخوة الأفاضل
عند نقاش هذا الموضوع، هناك معلومات هامة يجب الإنتباه إليها وعدم التسرع في الردود

(1)
أولا من حيث المبدأ، فإن جمع الزوجين له أجر كبير وفضل وأثر يمكن أن ينعكس على حسن خلقه/خلقها وتوفير الإتصالات الدولية بينهما وهكذا.

(2)
عند عمل الخير، فإننا نعلم أنه سعيود علينا بالخير حتما، وأكرر حتما بالخير، حتى لو ظهرت مشكلة بسبب قدوم الزوج/الزوجة، فإن الخير قد يأتينا في موضع آخر أو وقت آخر، ومن يدري قد يكون الأجر الذي عملناه معهم سبب في تفريج هم لدينا منذ القدم، وقد جعل الله فرجه بسبب تفريج هم الآخرين.

(3)
بالنسبة لتجارب البعض، فهي لا تعمم، والأمر يعود لعوامل كثيرة، وحتى لو ظهرت عيوب للموضوع فإنها لا تساوي شيء أمام الأجر الكبير.

(4)
أنصحك بالحرص على فعل الخير، والحرص على جمعهم، فوالله الذي لا إله إلا هو، ستكون النتيجة خير يساويه في بيتك وأولادك وصحتك، ولو بعد حين.

والله أعلم

 

[بور-صا]

البلد ماعاد تتحمل من العمالة الهامشية والسايبة

ارجوا الحذر من الخدم بالذات وشنو الدليل أنه زوجها

ترى الكذب عندهم ببلاش مقابل الحصول على المال

يكفينا طيبة زايدة وأستغفال

والحذر ثم الحذر