طريقفة فتح الحساب

[رواان]

السلام عليكم ورحمة الله وبركاته

أخواني الأعزء كيف اخباركم و عساكم على القوة

أنا أبغى افتح حساب في الاميرتيد

و سويت كل خطوات فتح الحساب الحين باقي لي تحويل المبلغ لسحاب الامريتد , رحت للبنك و بس في بيانات ما عرفت كيف اعبيها

مثل :
البنك الوسيط :
اسم الفرع :
اسم البنك المستفيد و الفرع و العنوان و الرمز :
اسم المستفيد :
رقم حساب المستفيد :
عنوان المستفيد :
البلد :
المدينة :
صندوق البريد:
الرمز البريدي :
تلفون :

تكفى ساعدوني في تعبئة البيانات و لكم مني جزيل الشكر

 

[صاعد نازل]

تفضلى اختى

موضوع متكامل عن طريقة فتح الحساب فى الامريتريد وان شاء الله راح تجدين ضالتك فيه .

http://www.amwalnet.com/vb/showthread.php?t=29

 

[رواان]

مشكوووووور

عزيزي صاعد نازل ربي يجزاك كــل خير ويفتح عليك ابواب رزقه ورحمته ويحفظك يارب

مشكور وماقصرت وعساك على القوة

 

[صاعد نازل]

العفو اختى .. وآمين اجمعين يارب

و الله يوفقج .

 

[رواان]

اسفة على الإزعاج

اخوي صاعد ياريت تجاوب لي على السؤال هذا واسفة على كثرة الاسئلة

بالنسبة للاميرتيد سمعت انك ماتستطيع ان تقوم بعملية شراء الا بعد مرور ثلاثة ايام على اخر صفقة
وانا ابي اضارب مضاربة يومية مافي وسيط غير الاميرتيد استطيع من خلاله المضاربة بشكل يومي

هههههههه حلــوة اضارب هذي


دمت بود

 

[الساحل1]

اخوي صاعد ياريت تجاوب لي على السؤال هذا واسفة على كثرة الاسئلة

بالنسبة للاميرتيد سمعت انك ماتستطيع ان تقوم بعملية شراء الا بعد مرور ثلاثة ايام على اخر صفقة
وانا ابي اضارب مضاربة يومية مافي وسيط غير الاميرتيد استطيع من خلاله المضاربة بشكل يومي

هههههههه حلــوة اضارب هذي



-بنك الكويت والشرق الاوسط للتدوال بورصة امريكا وبورصة الكويت

 

[صاعد نازل]

شوفى تقدرين تشترين اكثر من سهم فى اليوم ، لكن ما تستطيعين تشترين و تبيعين نفس السهم فى اليوم ( مضارب ) الا خمس مرات فى الاسبوع

يعنى انتى شريتى خمس اسهم فى اليوم وبعتيهم فى اليوم التالى .. اهنى ما عليج شى .

اما شريتى وبعتى هالاسهم خلال نفس اليوم .. اهنى فى مشكله .. لأن لو سويتى صفقه سادسه بنفس الطريقه راح يتسكر حسابك ثلاث شهور ( 90 يوم )الا اذا كان حسابك فيه 25 الف .. عندها لو تسوين 100 مضاربه فى اليوم ماراح يكلمونج .

واسألى عن " الاوسط " اظن انهم ما عندهم هالشرط .

 

[الربحان]

شوفى تقدرين تشترين اكثر من سهم فى اليوم ، لكن ما تستطيعين تشترين و تبيعين نفس السهم فى اليوم ( مضارب ) الا خمس مرات فى الاسبوع

يعنى انتى شريتى خمس اسهم فى اليوم وبعتيهم فى اليوم التالى .. اهنى ما عليج شى .

اما شريتى وبعتى هالاسهم خلال نفس اليوم .. اهنى فى مشكله .. لأن لو سويتى صفقه سادسه بنفس الطريقه راح يتسكر حسابك ثلاث شهور ( 90 يوم )الا اذا كان حسابك فيه 25 الف .. عندها لو تسوين 100 مضاربه فى اليوم ماراح يكلمونج .

واسألى عن " الاوسط " اظن انهم ما عندهم هالشرط .

الأخ صاعد هل صحيح أن من حسابه أقل من 25 الف في اميرتريد اذا باع سهم لا يستطيع أن يشتري بالمبلغ الناتج عن عملية البيع الا بعد ثلاثة أيام عمل​

 

[صاعد نازل]

الأخ صاعد هل صحيح أن من حسابه أقل من 25 الف في اميرتريد اذا باع سهم لا يستطيع أن يشتري بالمبلغ الناتج عن عملية البيع الا بعد ثلاثة أيام عمل​

لا غير صحيح ... انما لا يستطيع سحبها ( تحويل ) من الرصيد الا بعد ثلاث ايام من اتمام صفقة البيع .

 

[Meshariq8]

الأخ صاعد هل صحيح أن من حسابه أقل من 25 الف في اميرتريد اذا باع سهم لا يستطيع أن يشتري بالمبلغ الناتج عن عملية البيع الا بعد ثلاثة أيام عمل​

مع احترامي الشديد لاخوي صاعد لكن كلامك فعلا صحيح اذا كنت تحت جزاء (Day Trader Restrictions موضحة في الأسفل) وهذي صارت وياي مع ايتريد .. فعلا المبلغ ماراح ينزل بالحساب الا بعد 3 ايام عمل ..
بالنسبة للبروكرز الامريكي مثل (ُE trade & Ameritrade)

اذا كان في حسابك 25000 $ واكثر تقدر تشتري وتبيع بحرية تامة

اذا كان حسابك اقل من 25000$ تقدر تشتري وتبيع في نفس اليوم بس مو اكثر من 3 عمليات خلال الاسبوع ... واذا نفذتها (راح يعطونك تنبيه قبل عملية البيع) راح يعلقون مبلغ الصفقة بعد البيع لمدة 3 ايام وبعدها ينزلونه في الحساب ...
والحساب مايتسكر اخوي صاعد لكن راح تبقى تحت هذي الشروط (Day Trader Restrictions) (وهو تعليق مبلغ كل عملية بيع لمدة 3 أيام بعد تنفيذ عملية البيع) ولمدة 90 يوم او ادخال مبلغ 25000$ ايهما اولا ...
لكن البروكرز المحلي في الكويت مثلا (الأوسط كميفك) لك الحرية الكاملة في الشراء والبيع ...
وتقبلوا تحياتي

 

[صاعد نازل]

مشارى تأكدت وانت كلامك صح

 

[رواان]

مشكوورين على المشاركة

مشكوور اخوووي صاعد ماقصرت الله يجزاك كل خير

 

[رواان]

السلام عليكم يا اخواني

مساءكم الله بالخير

و الله بقت لي خطوة واحدة ماني عارفتها

بالنسبة للمارجين الموجود بهالرابط وشلون اعبيه
وهل تعبئة نموذج المارج ضروري وماهي فائدة المارجن
ودمتم بود

http://www.amwalnet.com/vb/showthread.php?t=29&page=2