للبيع تلفون نوكيا Nokia E90 اللون بني كفالة المستقبل منتهيه الملحقات الكرتون - الشاحن - الهاندفري - وصلة يواس بي - سيديات وكتيبات الجهاز - شهادة الكفاله (المستقبل) + ميموري 1GB الحاله العامه : نظيف جدا اخو الجديد ملاحظه هامه : التلفون لم يستخدم الا دقيقه واحده مكالمات وتم استخدامه فقط للنت البيع لأعلى سعر
مشكور اخواني مالي خاطر بالبدل بس للبيع والتلفون اليوم مدفوع فيه في محلات المنقف 75 دينار اللي عنده زود يتفضل
أخوي انت متأكد من كلامك !!!!!!!!!!!!!!!!!!!!!!!!!! أنا من زمان مو مسير على اسعار التلفونات بس والله كل شي جاايز بس انا ما أعتقد هالتلفون يصير ب 89 !!!!!!!!!!!!!!!!
حيالله الدشتي انا اليوم بروح يوركا اذا طلع مثل ماتقول ب89 فحقك على وانا مستعد ابيعه بربع سعره بس اذا طلع كلامك موصحيح ... لكل حادث حديث تقبل تحياتي
الاخ دشتي اليوم رحت الغانم ويوريكا وسنترو عشان لا اظلمك واللي حصلته انك غلطان وانا عن نفسي بنقل الموضوع للأشراف حتى يتصرف معك لان اعتبر تصرفك سلبي وقطع للأرزاق اتمنى انك لاتعيدها مره ثانيه لسبب بسيط اني اقدر او اي واحد يدخل على مواضيعك ويخرب والعين بالعين والسن بالسن والبادي اظلم ولكن اخلاقي ماتسمح لي اني ياسوي اللي سويته انت وينقل الموضوع للأخوه المشرفين للتصرف
اي قطع للارزاق اللي قاعد تتكلم عنه ؟؟؟ انا سمعت من واحد من الشباب عن هالشي ما يبته من جيبي ... و اذا كان كلامك صح معناته اللي وصلني المعلومه غلط اهوه الغلطان مو انا ... و انا اكبر من هالتصرفات و الحمد لله مهما كانت عداوتي مع احد ما توصل اني اتصرف هذا التصرف ال مو اخلاقي لان هذا مو من طبعي و انا ما اعرفك اصلا و لا ادري عنك عشان اتقول عني جذي ... و اقولك حقك علي اذا هذا الموضوع اللي انفهم بطريقه ثانيه موفق
