اسعد الله مسائكم اخواني معليش تحملوني راح ازعجكم بكثرت الأسئلة ايش الفرق بين الاميرتيد والاوسط وايهما افضل ودمتم بود
الاميرتريد بروفيشنال جدا (ادوات العرض (الستريمرز بانواعه) المتابعة- الاخبار رسوم التداول اقل -التعامل مع الاوبشن ومميزات متقدمة جدا ) الأوسط ميزته فقط انه محلي وكل شي بالعربي والتداول اليومي ماله حدود سعرية او كمية .. بس رسومهم شوي اغلى من الامريكان .. وسلامتج
الوطني يشترط ايداع 25000$ لفتح الحساب للتعامل بالسوق الأمريكي ... وطبعا الوطني يتعامل بالاوبشن ... رسومهم غالية شوي .. بالاضافة الى مشكلة السرفرات اللي تعلق أثناء التداول احيانا ,المشكلة في البنوك المحلية والوسطاء المحليين هي الستريمرز ..كل الستريمرات اللي يقدمونها متخلفة جدا واحيانا تكون برسوم شهرية بعد ... ستريمر الميدفيد ممتاز ومن افضل الستريمرات بس مشكلته انه يحتاج حساب وسيط امريكي فعلي ... تحياتي
اختي من واقع تجربتي انه بنك الكويت والشرق الاوسط افضل تعامل وانه مايلزم الواحد بمبلغ معين مجرد 500 دولار يعني 150 واني مرتاحة وانا احس انه وايد امان وانا صادفتني مشاكل مثل الاغلاط اللي تصير مني مثل الباسورد غلط ولقيت انه تعاملهم ممتاز وراقي وبثواني يحلون المشكلة جدا واسرع شي في عمل الصفقات وهذا رايي الشخصي وبالتوفيق
بنك الكويت والشرق الاوسط وبس ...؟ بنك الكويت والشرق الاوسط وبس ...؟ ارقى واحسن تعامل من البنوك الاخرى وبالذات موضوع الاسهم والاسواق وشكرا .
الوطني جدا ممتاز والوسطاء اللي فيه متعاونين وخدماته ممتازه حتى تقدر ادش الاسواق الاوربيه منه بس عمولاتهم غاليه الاوسط احس اي كلام اعطيكم مثال الوطني يلتزم بقوانين الاسواق الماليه يعني ممنوع المضاربه مثل تبيع وتشتري اكثر من مره في يوم واحد اذا رصيدك اقل من 25000 دولار وهالقانون موجود فعلا باالاسواق الامريكيه اما الاوسط اشتر علي كيفك مادري شلون مايخضع لقوانين بعدين الوطني يعطيك شهاده باسمك بالاسهم اللي تملكها برسوم طبعاا الاوسط ماااعتقد يعطيك هالشهاده حتي الستريمر مال الوطني افضل من الاوسط
الاوسط بنك محلي وعموله فيه 18 دولار ويعيب الاوسط انه مو كل الاسهم مضيوفه وما يتعامل باللونق والشورت ومافيه مارجن ولا ابشن وخدمات الستريمر ضعيفه مافيه لايف شارت وعرض والطلب للاسهم ومرات يكون متأخر شوي .. ولكن الميزه الوحيده فيه هو انك تقدر تضارب فيه كمتداول يومي بعدد غير محددو من العمليات .. اما الاميرتريد والايتريدر .. وانا راح اتكلم عن الايتريد لانه لي تجربه معاه .. عمولته ممتازه 9 دولار يعني نص عموله الاوسط وخدماته روعه من ناحيه سرعه التنفيذ واهتمام بالعميل ودعم فني ممتاز ويقدم برنامج باور ايتريد اللي يشمل شارت لايف مجاني بجميع الفريمات بالاضافه الى المؤشرات وخلافه وعرض وطلب لحظي للاسهم وخدمه الاخبار مجانيه لايف طبعا يعني برنامج روعه جدا جدا كامل متكامل للمضارب اليومي وتقدر تاخذ فيه سواء شورت وباي واوبشن ومارجن يعني اختيارات متعدده .. بس يعيب الوسيط الامريكي انه اذا كان حسابك اقل من 25000 حدك تسوي ثلاث عمليات بالاسبوع بيع وشراء بنفس اليوم يعني تشتري سهم مايكروسوفت وتبيعه بنفس اليوم وتكرر العمليه ثلاث مرات اكثر من ذلك يتجمد حسابك 90 يوم .. وطبعا هالنقطه ممتازه حق الحسابات الصغيره عشان لا يضارب على طول ويوميا ويخسر المحفظه لانه كلما كان الحساب صغير ويضارب يوميا كانت الخساره وشيكه .. انا شخصيا انصح بالوسطاء الامريكان ومافيه مقارنه اصلا بينهم وبين الوسطاء المحليين .. وهذا عن تجربه طبعا من خمس سنوات تداول وسلامتكم
انا عندي حساب في الامريتريد والأوسط طبعا الامريتريد أفضل بكثير العمولة أقل ,streamer شاشة تداول أفضل عمليات بيع وشراء من ابدع ما يكون لكن يعيبه ان اذا شريت سهم وبعته في نفس اليوم او اللي بعده حسابك يتجمد unsittled لمدة 3 ايام هذا اذا الحساب اقل من 25000$ ولما تبي تسحب مبلغ لازم تعبي الفورمة ويبيلها يومين الى 3 ايام ويوصل المبلغ اما الاوسط تقدر تداول في اي وقت وسحب الاموال خلال نصف ساعة المبلغ عندك لكنر يعيبه العمولة اكثر والستريمر موذاك الزود ومرات يقط على صخر تبي تبيع سهمك الموقع عليه صيانة على ما يبطل جود المحفظة بالمشمش
انا اللي اعرفه انه لك ثلاث عمليات من هالنوع بيع وشراء بالاسبوع واتوقع انها كافيه .. مثال شريت سهم مايكروسوفت اليوم وبعته بنفس اليوم .. ومن باجر شريت سهم سيسكو وبعته بنفس اليوم وم باجر شريت سهم قوقل وبعته بنفس اليوم .. يعني هالثلاث عمليات حدك تسويها بنفس الاسبوع واذا زدت عن هالشي مره رابعه اي انك شريت وبعته بنفس اليوم معناته رصيدك يتجمد 90 يوم .. هذا اللي اعرفه وعلى فكره ترى هذا مو عيب مثل ماوضحت لك لانه في النهايه لصالح حمايه صغار المستثمرين .. واذا زدت بالعمليات تصنف day trader ولازم تحط بحسابك 25 الف عشان تتفادى هالشي وتصير تبيع وتشتري على راحتك لو مليون مره باليوم انا للامانه ماجربت افتح حساب باقل من 25 الف يعني على طول فتحت دي تريدر عشان هالسالفه .. بس انا شخصيا انصح بالوسطاء الامريكان مثل مابينك بالمزايا العديده اللي يتميزون فيها ..
ياجماعه أنا رحت الاوسط يقولون 500 دينار و100 دينار فتح حساب يعني المطلوب 600 دينار وأقرأ تكتبون 500 دولار
السلام عليكم ورحمة الله وبركاته طبعا لا يوجد وجه مقارنه بين البنوك المحليه والوسيط الامريكي سواء اميريتريد و ايتريد او غيرهما وخاصه من ناحية العموله والخدمات التي تستطيع الحصول عليها على العموم هذا موضوع قديم بخصوص العموله بين بنكين محليين يرجى تطبيقها مع اي بنك محلي مع ملاحظه اذا كانت هناك عموله في حالة شرائك اسهم بعدد اكثر ومثال على ذلك لنفرض ان العموله 10 دولار لكل عشرة الاف سهم فاذا اشتريت اكثر من عشرة الاف فهل ستكون هناك عمله اخرى واليكم الرابط عمولة برقان والاوسط ايهما ارخص
