يابو يوسف وش ذا القطاعة

[تركي2000]

يابو يوسف وش علامك قاطعنا وقاطع المنتدى
مبطين عنك روائعك
وطلتك البهية

وش مزعلك اميرتريد
ولا يهمك

ان اعرف لك سيناتور في امريكا رجال عليه العلم ولا يفتح فمة معي

ضاغط عليه يابو يوسف :d

اخليه يلعن سنسفيلهم كلهم

ويرفع عليهم قضية ويقفل نشاطهم كلهم بحجة انهم يسون عملية تبيض اموال

علما اني ماني عارف معناها بس مش حالك

وش تبي

اكثر من كذا

كبرت وهانت

 

[aboyousef]

هلا والله وغلا بتركي
تركي الغالي
اهم شي الروابط بيننا والله كاننا عائله واحده
انا معكم متابع ولا يفوتني اي شي خاصه كتاباتك
توسع الصدر واغفل من الضحك
الله يرزقك الرزق الواسع وتنافس بل قيتس وتحوس مريرهم في ذا السوق
آمين

 

[{ مشاري }]

آمين آمين آمين

 

[اول]

<<<<< متوحش

ابو يوسف كلامك هذا طبعا بعد ما نطلع حنا من السوق صح صح اكيد صح

 

[aboyousef]

اول
لا ياخوي انا في السوق موجودين
بس تركي يقول لنا اشتروا ذا الشركه واتركوا ذي
هو قائدنا الى بر الامان

 

[اول]

اكيد يابو يوسف اكيد والله تركي صار من المبدعين بها المنتدى والله يخليه لنا

 

[$$ الطمـــوح $$]

ياهلا وغلا بالأخوان


الله يجمعنا بكم بدار الآخرة قولي آآآمين


أقول ورى مانسوي صفحة للسوالف وخصوصا للي ينتظر تعدي 3 أيام عشان يردون له فلوسه من الحجز <<<<<فاضي إعذروه

 

[تركي2000]

الطموح

والله حقيقة انك كشفتني
بس اوريك

يعني تتطنز علشاني من العملاء المميزين للبنك الاهلي السعودي ولازم انتظر ثلاث ايام


هذا يا حلو يسمونها استراحة محارب

وانا كل ما اعاتبهم عليها
يقولون لي طالع عمرك والله ما ودنا نتعبك كل يوم وانت عيونك مبققه في ذالشاشة

انت ريح ومالك الا ولد صالح

الفلوس لا تشيل همها حنا حتى لو ما اشتغلت نبي ندبلها لك

الزم لا علينا صحتك

تعرف انا رجال واصل ورجال قوي

وهم يخافون زعلي وان كثر الشغل يتلف اعصابي



بس هين يالطموح

ترسلي على الخاص وتشوف يا انك تبي تاخذ طناش ولا كأن احد كلمني :d
وبعدين قولي ايش احسن وسيط
والله مالك رد عندي الا البنك الاهلي

 

[$$ الطمـــوح $$]

هههههههههههههههههههاي


وش دعوه أخوي طال عمرك تركي2000<<<<<من إسمه غالي2000


مانستغني عنك وعن أفكارك وأسهمك بس تعرف كل واحد يحاول يحتك فيك لأن له الشرف يتعرف عليك طال عمرك<<<<< يحتك

 

[اول]

الاستاذ طموح وطويل العمر تركي ياجماعه انا الى الان مافهمت وشلون يوقفون الدراهم ثلاثه ايام اتمنى تشرحولي لاني انا عند البنك العربي الوطني وما عندهم ها الحركه ولا يعرفونها وهذا رقمهم 4067995 طبعا بالرياض

 

[$$ الطمـــوح $$]

هلا أخوي أول


تعال جابك الله


طيب كيف خدمتهم من حيث السرعة في التنفيذ البنك العربي الوطني؟؟


هل عندهم أم ستوب لوز؟؟



كم الحد الأدنى لفتح حساب تداول عندهم؟؟


كم عمولتهم؟؟


يالله جاوبني عشان أجاوبك


انا اللي فهمته وأسمعه من الشباب إنك حسابك كاش و شريت ثم بعت لازم تحجز أموالك 3أيام عمل حسب قوانين البنك الفيدرالي...........طبعا وسطاء امريكان مو عندك :d


وبيوضح لك أبو 2000 أكثر


تحياااااتي لك

 

[اول]

يا الطموح ونا اخوك وشلونك ووشلون ابو2000 << والله خربنها قمنا نعيير الرجال تراك انت يالطموح اللي لزقتها فيه انا مالي دخل >>السرعه عال العال ينفذ الامر ونت معه على التلفون اما الاستوب لوز ماعنده للاسف اما الاحد الادنى لفتح الحساب فهو 20000 دولار وبالنسبه للعموله فهي 0.05+ 30 ضريبه هذا للاسهم المحترمه والبني 3% ........... يالله جاوب