اللي عنده خلل او عطل بالسياره يكتبه

[بحريني1972]

هلا بك

جيك على الثلاجه يمكن خربانه

روح عند اي محل بنشر وخليه ينخها بالهواء اكيد للحين فيها ماي

 

[بحريني1972]

يعطيكم العافيه

ويالحبيب مدامك فحصت التواير والدسكات والميزانيه مافيها شي شوف الرنقات يمكن فيهم طعجات واذا مافيهم شي بدل عامووود القاردن وانت مغمض

وانا بعد نفس كلام اخوي
القاردن عوي مو مضبوط روح السكراب واخذلك واحد

 

[بحريني1972]

للتوضيح السياره اذا وقفت وصار المكيف مو بارد اعرف ان الكمبريسر تعبان
ضغطه خفيف مع المشي راح تزيد سرعه الدوران وبالتالي راح يزيد الضغط يصير بارد بس عند الوقوف غير بارد للافاده

واي سؤال بانزين او ديزل انا حاضر

واشكر الاخ صاحب الموضوع علي الموضوع المميز

 

[بحريني1972]

شباب عندي كابرس 2007 فيه طقه قويه بالجير كل ماوديته الوكاله قالو طبيعي شالسواة

اخوي الطقه بالقير لها اكثر من سبب
كراسي القير تعبانه
فضاوه بالقير / اذا يبدل عادي مثل ما قالولك الوكاله
صليب القاردن بعد يسوي طقه

ساعات تكون الطقه بالبككس وانت تحسبها بالجير

ان شاء الله اكون افدتك

 

[بحريني1972]

اقتراحى اللى عنده خلل بسيارته يكتب نوع الخلل او العطل واللى يعرف الحل من الاخوان لا يقصر بالمشوره يعنى (نناقش الخلل للوصول للحل)

صراحه موضوع وايد وايد حلو

جزاك الله خير وما قصرت

وان شاء الله اقدر ارد علي الجميع

 

[بحريني1972]

مشكوور اخ طلااااااااال بس على فكره بالنسبه للغسيل الماكينه (فكتوريا ) صارلها اكثر من اسبوع معقووله لي الحين الدينموو فيه مااي ؟؟ مانشف ؟

اذا ما ضبطت معاك شوف في مترجم عند فلتر الهواء هذا كهرباء واذا حاشه الماي راح فيها
تبديل

 

[بحريني1972]

هلا فيك

انزين ياجماعه انا عندي مرسيدس 560 مكيفها اذا وقفت يصير حار وذا مشيت يبرد وثاني شي تحتر ولي عنده علم بالسياره هذي خل يفيدني وينصحني شسوي

من كلامك واضح ان المراوح عندك فيها شيئ

مراوح المرسيدس غير عن مراوح السيارات الثانية لان فيها سرعات علي حسب حراره السياره يمكن تكون احد السرعات ما تشتغل بس انت لما تشوفها تعتقد انها شغاله
شيك علي المراوح اول شيئ

 

[بحريني1972]

هلا بك

سيارتي ليمن ارجع وره و الف سكان يطلع صوت ليش

قولي تفصيل اكثر وراح اقولك شنو فيها

 

[طلال701]

شكرا اخوى بحرينى 1972 على ردودك على الشباب وترى الشباب يستاهلون وانا اقتراحى كان نحمى الشباب ونحمى انفوسنا من نصب اصحاب المحلات ونعرف شنسوى واتمنى منك ان تدخل وتزود الشباب بخبرتك ولك مني احلى تحيه

 

[طلال701]

طيب اخوى بحريني 1972 انا سيارتى الابواب تبي تضبيط لان صوت الهواء قوى ممكن تدلنى على اي محل لو سمحت

 

[max11]

كامري

لدينا في البيت كامري للأهل .....
اذا وقفوا عند اشارة او خففوا من السرعه عند اليوتيرن تطفي
واذا رديت شغلتها تشتغل وتمشي شوي وترد تطفي ....
فحصنا البطارية اوكي
فحصنا الدينمو اوكي
قام الكهربائي وصب بانزين في البخاخات واشتغلت فقال أكيد طرمبة البنزين
فقمت وبدلتها .....
وردت كما كانت ....
طبعا في ملاحظه قبل لا تطفي يخف حيل عداد ضغط المكينه واذا طفت يشب ليت اللي على صورة مكينه يعني ( check engine
المهم رحت لميكانيكي أعرفه ... قالي الأمر سهل ... الأكسيليراتير وسخ ويحتاج تنظيف .....
الأكسيليريتير : هو اللي اذا بطلوا غبا المكينه يدوسون منه بنزين وهو اللي يعايرون منه ضغط المكينه ....
يبتله بخاخ تنظيف بدينار .... وشغل ايده ب6 دينار مع الاكرامية
والحمد لله الامور ألحين طيبه .....
هذا للعلم وللاستفاده .......

 

[فهد_الكويت]

السلام عليكم
عندي شبح 500 l 92
يطلع صوت صفير (كأن واحد بجنبك قاعد يصفر بشكل متقطع)
طالع من الطبلون
وديتها كذا كهربائي وميكانيكي مو عارفينها
اذا مرت على احد من قبل ؟


وشكرا

 

[LITERATURE]

سيارتي ليمن ارجع وره و الف سكان يطلع صوت من تواير ليش
تواير يديده

 

[بوناصر56]

اخواني سيارتي كل ست شهور (هذي ثاني مره تتكرر وياي بست شهور تخترب البطاريه ) تخنس بطاريتهاو تخترب ...................؟


ليش مع ان عمر البطارية الافتراضي سنه ؟؟؟؟

للعلم فحصت الدينمو وكان ممتاز جدا ................................ شلت الراس الموجب (+) والسياره ما تطفي ...


فشنو السبب ؟

 

[طلال701]

الله يعينك بس افحص الدينمو مره ثانيه

 

[طلال701]

ياجماعه للمره الثانيه ودى اعرف احسن كراج يضبط تنسيم الهواء بابواب السياره عندى التنسيم قوى وابى كراج صح لو سمحتوا

 

[A.M.W]

امس كنت واقف على الاشاره وشبت الاشاره وتوني دست بنزين وجان اتقمت السياره وماتمشي مع العلم شغاله وشبت علامه ومشيت فيها سرعه 20 على ماوصلت البيت ولما انفخلها بوش
وتالي سفطها نص ساعه وبعدين شغلتها وردت طبيعيه بس العلامه ماراحت فخليتها واقفه وسالت ميكانيكي بالتلفون قالي ودها فحص كمبيوتر والحين محتار وين اوديها . واحد قالي محل حولي اسمه كالفورنيا اسم الميكانيكي بوخالد . وليلحين محتار . بس مافتكر الطرمبه بنزين لاني قبل 5 شهور امبدلها اصليه بالوكاله وشكرا
للعلم السياره يوكن2003

احتمال اذا موطرمبة يكون التشولك مخترب عندك خلهم يشيكون عليه

 

[A.M.W]

يا جماعه كل ما ابدل باتري 6 شهور يخنس ليش............... ؟

وابدله على الكفاله


شنو السبب وشلون افحص الدينمو السياره بالطريقه الصحيحه ؟؟

اكيد بطاريتك ac delco اذا هذي بطاريتك راح تبدلها كل 6 شهور انصحك تركب بطارية نوعها (يوشا) صناعة كورية وراح تدعيلي باذن الله سنتين ماراح تبدلها

 

[A.M.W]

مشكوور اخ طلااااااااال بس على فكره بالنسبه للغسيل الماكينه (فكتوريا ) صارلها اكثر من اسبوع معقووله لي الحين الدينموو فيه مااي ؟؟ مانشف ؟

أتوقع الكويلات مو مثبتة عدل ترا صارت كثير معاي واذا مو الكويلات الثلاجة عندك عطلانة اشتر وحدة جديدة تجاري ب46 دينار اصلي من الاهلية ب60 دينار وانصحك بالتجاري لأني بدلتها وصارلها معاي اكثر من سنتين

 

[A.M.W]

شباب عندي كابرس 2007 فيه طقه قويه بالجير كل ماوديته الوكاله قالو طبيعي شالسواة

افحص القير بالرمال وود للوكالة تقرير الرمال حق الوكالة وخل يطلع الكذاب ولاتنس عندك كفالة فحص الرمال اسبوع يعني مايقدرون يخلون مسؤوليتهم من نتيجة الفحص