فكرة ناجحه إن شاء الله

[ماستر الذهب]

السلام عليكم ورحمة الله وبركاته

عندي فكره وهي تقريباً ناجحه إن شاء الله وبالاخص منطقة الجهراء

والفكره هي ملاعب نفس الملاعب اللي جنب بنك التمويل الكويتي

واعتقد الفكره ناجحه بنسبة 70 الى 80 بالميه

ملاعب تأجير مثل باليوم 4 مباريات الفريق الاول يقط 2.500 والفريق الثاني 2.500 ويصير المجموع 5 د.ك وانت باليوم طلع 5 د.ك يعني اربع مباريات 20 دينار باليوم

وايام العطله مثل الجمعه السبت وليلة الخميس تصير الناس عليك زحمه عاد شوف انت كم طلع انا حسب اعتقادي ايام العطله راح يلعبون 5 الى 7 افرقه واحسب انت.

شرايكم بالفكره

 

[BlueOne]

عدل يالغالي بالظبط ,, قبل فترة كنت بالبحر وصاحبي كان يقولي عن هالموضوع وبصراحه قارنته بين اكثر من شغله وطلعت عدله

الملااعب الثانيه تحصلها تراب ,, وحاط لك تاير بكل زوايه ( ما تحس انه ملعب ابدأ ) اما انتا اكسر الحاجر شويه وتروح الشويخ وتشتري لك زرع مثل الي بالملاعب وافرشه , واشتري لك قولين , وحط لك سور وكشاف كبير ..

الارضيه ما راح تكلف عليك شي خلنا نقول بالكثير 120 لانك بتشتري نوع جيد ..

والكشاف خلنا نقول 40

والسور شوف لك حداد سنع بيسوي لك اياه خلنا نقول 300 لانك بتسور الملعب كله والملعب كبير مو صغير

جم يكلف عليك ؟
480 ؟؟ برمضان الشباب ورا الفطور كله لعب وبطولات وكل شي لنفرض انك بتأجر الملعب ب 7 للساعه

خلنا نقول اللعب راح يكون من الساعه 8 لي الساعه 3 الفجر

8 ساعات والساعه ب 7 56 دينار !! عليك الحسبه في ايام اكثر وهذا بالميت وانتا مو فاتح الملعب بس برمضان والايام الي ورا رمضان عرفت؟

وطول اليوم وعليك الحسبه وعلى فكره

انا ساكن بالجهرا واشوف الملاعب يعني ما شاء الله طق لكن تفتقر حق هالاشياء الارضيات والسور والكشافات .. وما شاء الله تطلع ذهب

والله الموفق بصراحه انا فكرت فيها لكن الماديه خربت معاي شوي والله المستعان يعوضنا باللي احسن منه

 

[ساحل الليل]

فكره روعه والله وقاعد افكر فيها من زمان بس المشكله يااخوان بخصوص الارض
البلديه تسويلك سالفه ماخذ ارض منها وتاجرها على الناس
هل في طريقه يعني تاخذ ترخيص من البلديه ؟

وبخصوص اخوي BlueOne انت تقول الساعه ب 7 ليش يااخوي ب 7 الحين كل ملاعب الزرع اقل شي للساعه ب 20 دينار

انت اكسر السوق وخل الساعه على 15 او 10 دنانير

يعني يبدا اللعب من الساعه 6 المغرب الى الساعه 1 بالليل هذي 7 ساعات

اضرب 7 ساعات على 15 دينار هذي 105 دنانير باليوم

بالشهر اكثر من 3000 الاف دينار هذا المبلغ برمضان والاجازات

لكن ممكن بالايام العاديه تطلع بالشهر اكثر من 1000 دينار

 

[BlueOne]

طال عمرك سهالات والله على البلديه تمشي ان شاء الله لكن وين الـ بيزات اهني المشكله ولا الموضوع هين بأذن الله ..

الموضوع مربح حيل والله يوفق الكل ان شاء الله وانا اقدر اسوي دعايه للي وده يسوي هالموضوع وانا للحين شباب يعني واكثر الربع يلعبون واخوانهم الصغار كل ما اسأل عنهم بالملاعب لي الساعه 2 الفجر و 3

 

[.:. عطر .:.]

اقرا بالمنتديات السعودية يطبقون هالفكرة .


اخوي BlueOne

البلدية تعطي ترخيص جذي ؟؟ يعني اي ساحة فاضية اختارها يعطوني عليها ترخيص ؟؟!



الله يوفقك يا ماستر و الجميع .

 

[BlueOne]

اكيد اخوي عطر .. ملعب كرة القدم مثل ملعب الصابون بالظبط ما يفرق عنه شي الا النشاط ,, اذكر في مره من المرات وانا رايح الدوحه لقيت اعلان عن ملعب صابون بغرناطه .. بس اتصلت عليهم وقلت لهم ابي احجز قالي اخوي انا اسف بس البلديه قالت لنا ممنوع وشالو الملعب مالنا ولازم ترخيص ومن هالسوالف لكن الموضوع سهل وعلى قولتهم اذا عندك (و) تمشي امورك عدل .. وما شاء الله ملاعب الجهرا واجد ومتروسه وفي الاغلب مو مطلعين رخصه لان ملاعبهم بسيطه تتكون من قولين وكشاف بس .. يعني لو البلدي بتكلم ,, بتقوله شيل التواير الي حاطهم ؟ ولا شيل الكشافه بسيطه اشيله .. لما تتعب على شي وتبي تزرع وتبي تحط , خلي شغلك بالسليم احسن من القال والقيل باجر ويجيك واحد ويقولك عطني رخصة الملعب لو سمحت خصوصاً اهناك منافسين واجد يعني تقريباً 10 ملاعب يم بعض وانت ونصيبك وانت حركتك وتنظيمك للملعب يخلي الناس يقبلون عليك !!

الفكره حلوه وممتازه والي يبي ينفذها أنا حاظر وبالخدمه اساعده بالفكره وشنو يحط وشنو ما يحط ولو يبي اخليه يكلم شباب مطيحين بهالملاعب وشنو الي يبونه من الملعب وشنو الي ما يبونه

والله يوفق الكل

 

[ماستر الذهب]

انا قاعد اشوف ملاعب تراب عليها زحمه لو تحط عشب تصير طابور جيش عندك بس بخصوص الترخيص لو طلع ترخيص يكون محد يقدر يحاجيك واذا تبون تحطون ملعب بالجهراء انا اقدر احرص عليه :d والحجز يكون تنافس اذا عشب على 10د.ك افضل شي اما اذا تراب 5 د.ك بس شباب الشغله ماشيه ونفس ماذكرتوا بالموضوع برمضان تصير زحمة

ولا تسوي دورات يصير ملعبك ملحمه الناس عليه

بس المهم شلون الرخصه شلون تطلع يبيلها مراجعه

ومقصرتوا على الردود .

 

[BlueOne]

ابشر والله ولا يهمك

اخوي ماستر راح اسألك غالي والطلب رخيص وأرد لك خبر ان شاء الله بأقرب وقت

 

[ماستر الذهب]

ابشر والله ولا يهمك

اخوي ماستر راح اسألك غالي والطلب رخيص وأرد لك خبر ان شاء الله بأقرب وقت

بيض الله وجهك عساك على القوه بس ليش تسأل لي لاني ماراح احط ملعب الماديه ضعيفه والملعب يبيله

 

[ساحل الليل]

قواك الله اخوي BlueOne

انا باذن الله بسويها عن قريب يالغالي

بس مثل ما قلت لك بخصوص البلديه متوهق فيها تقدر تساعدني فيها يالغالي

وشي ثاني يالغالي تنصحني وين احط الملعب ؟

شرايك في بر الدوحه والصليبيخات اقصد البر اللي مقابل الدوحه والصليبيخات اللي خلف ممشى الصليبيخات

 

[BlueOne]

هلا اخوي ساحل الليل

والله يا الغالي انت وعينك على المكان الجهرا الشباب يحبون يلعبون كرة قدم وخصوصاً اذا كان ملعب full Option يعني عادي الحجز حق 3 اشهر قدام , المهم الشهره لو وين تسوي لكن حلو لو تسويه بمكان عام ومكشوف مو مكان مغطى , وتسوي مسابقات والفريق الي يفوز يربح مثلاً 4 مباريات مجاناً 2 للفريق الفايز 2 وللخسران واهما يوزعونها بطريقتهم ,, وبس تسوي الملعب خذ لك مكان واسع شويه وتحط لك مدرجات بسيطه يعني تشيل 30 شخص .. ويدخلون وتحط لك سلة فيه كور وبس يسلم راسك وكشاف وبس .. وشوف الزحمه الي بتصير عندك لان الكل بيتوقع بعد هالملعب الفنان ان الحجز الساعه ب 20 او 35 اما انتا تصدمهم وتقولهم 10 !! شي غريب والكل راح يجيك ...

بس انطر الليله ارد لك خبر بخصوص الترخيص والله يوفقك ان شاء الله

 

[ساحل الليل]

كفو يااخوي BlueOne الله يعطيك الصحه والعافيه يالغالي

وصدقني يالغالي الماده موجوده بس مثل ما قلت لك المشكله بالبلديه

بانتظارك يالغالي اليوم ترد علي

واشكر اخوي ماستر الذهب على الموضوع الرائع يعطيك العافيه يالغالي

 

[ماستر الذهب]

هلا اخوي ساحر الليل انا انصحك تحط ملعب بمكان الكل يشوفه مو تحطه مكان بعيد يعني يكون يم سوق يم بيوت بس مو يمه حيل يعني الناس تقدر تشوف وشوف شلون تربح

ونفس ماقالك اخوي BlueOne

 

[q8royale]

فكرة جميلة

بس خوفك الاتحاد يصادرهم لان ملاعبهم خرطي

 

[ماستر الذهب]

فكرة جميلة

بس خوفك الاتحاد يصادرهم لان ملاعبهم خرطي

الاتحاد مايصادرها اللي يشيلها البلدية

 

[ابو غلاب]

فكره حلوه بس المشكله اذا حطيت ملعب وتعبت عليه وجوا البلديه بالدركترات وكسروا اقوالك وكشافاتك وخربو ارضية الملعب اللي انت ماسحها و منظفها على احسابك


تكون فلوسك هبائن منثورا



انا اقول عن نفسي واللي حاب يسمع نصيحتي خلك بالسليم وحاول تطلع ترخيص واذا ما فيها دور غير هالمشروع

 

[ماستر الذهب]

فكره حلوه بس المشكله اذا حطيت ملعب وتعبت عليه وجوا البلديه بالدركترات وكسروا اقوالك وكشافاتك وخربو ارضية الملعب اللي انت ماسحها و منظفها على احسابك


تكون فلوسك هبائن منثورا



انا اقول عن نفسي واللي حاب يسمع نصيحتي خلك بالسليم وحاول تطلع ترخيص واذا ما فيها دور غير هالمشروع

كلامك صح اخوي بس لوطلع ترخيص محد يجيك

 

[ابوسالم2]

الله يعطيكم العافية على هذا الموضوع الجميل جدا وياليت قبل لا تحطون فلوسكم تتأكدون من البلدية اذا تمانع او لا

 

[ماستر الذهب]

الله يعطيكم العافية على هذا الموضوع الجميل جدا وياليت قبل لا تحطون فلوسكم تتأكدون من البلدية اذا تمانع او لا

الله يعافيك كلامك صح وانا اعتقد بنسبة 90% البلدية ترفض

 

[kwtgirl99]

الله يوفقك انشالله