لكل الاخوان والاخوات احب ابين لكم ان المحكمة الادارية تختص بالنظر بقرارات الندب للوظائف الاشرافية بمعنى لا تسمعون الكلام اللى يكسر المجاديف واللى يقول ان المحكمة غير مختصة بنظر قرارات الندب ولحد يضيع حقه اذا ما خالفت الادارة بالتعيين في الوظائف الاشرافية واى احد حاب يستفسر اكثر انا حاضر تحياتى لكم
حلو معلومة يديدة ولا بالسابق الكل ماخذ فكرة ان الندب مايعتبر قرار اداري نهائي بالتعيين بس يريت تفاصيل اكثر وشرح اكثر وادلة مكتوبة كلامك حلو بس حيل مختصر
مشكور اخوي قانون .. هالايام الناس كلها تدور المناصب ... ياريت ياخوي تزيدنا معلومات حول الموضوع ... بارك الله فيك
مساكم الله بالخير كل الشكر للمرور وللمتابعة لكل من الاخت فيونة والاخ العزيز رحالى بالفعل شى جديد على الساحة القانونية واتصور ان الاحكام اليديدة هذى راح تعطى اغلبية الموظفين ردة فعل قوية للتظلم من اى قرار مجحف يصدر مو مطابق للقوانين علشان جذيه اى احد يشوف انه الاحق من اللى تم ندبه لشغل وظيفة اشرافية لا يتأخر دقيقة بالتظلم من القرار الصادر
السلام عليكم ورحمة الله وبركاته ممكن لو سمحت تفيدني في مشكلتي في ادارتي رئيس قسم الماليه والاداريه فاضي من فتره وللاسف حطو واحد فيه خدمته اقل من خدمتي بكثير لكن الغريب في الموضوع انه مافيه قرار او انتداب او تعيين لهذا الشخص بحثت ولم اجد شي فهل يحق لي التظلم ؟ معلومات: شهادتي محاسبه وشهادته قانون خدمتي 15 سنه وخدمته تقريبا 6 سنوات لانه ضابط وبرتبة ملازم اول ادارتي العامه تنبثق منها عدة ادارات انا في الادارة اللي فيها القسم الماليه والاداريه وهو في اداره ثانيه وجابوه وحطوه علينا . بس اهو في الاداره العامه قبلي موجود فهل هذا السبب اللي راح يخرجني من الحسبه؟؟؟ اسف على الاطاله ولك مني جزيل الشكر
يعطيك العافية اخوى على المشاركة بالموضوع واما بالنسبة لترشيح احد المحامين المشهورين في المحاكم الادارية نعتذر عن ذلك ونتمنى انك تلاقي اللى يناسبك
اخوى سعد يعطيك العافية واتمنى لك التوفيق بمجال عملك ومن شرحك البسيط لوضع ادارتكم انصحك اول شى انك تكتب كتاب للادراة لترشيحك لمنصب رئيس قسم الشؤون المالية والادارية على ضوء شهادتك وخبرتك الموجودة بالوزارة وبعدين تشوف شنو رد الادارة على طلبك . وعلى ضوءه ممكن تتخذ الاجراء التالي الصحيح .
شكرا على سرعة الرد اما بالنسبه لطلب المنصب للاسف تكلمت بالموضوع وقالو نحن نرى الاصلح والمستحق ونرفع الامر للوزاره طيب يا اخوان نبي ترفعون اسمنا لاني انا الاقدم والمستحق في ادارتي قالووو مو انت اللي تعطينا الاوامر وتزكي نفسك !!! بعدها شفت الويل اقدم نقل مرفوض اجيب انتداب نحن بحاجة خدماته واقدم اجازه سنويه مرفوضه بسبب زحمة الاجازات حتى اني افكر بالاستقاله لاحول ولا قوة الا بالله .
الاخ العزيز سعد يعطيك العافية وعساك على القوة انا كلن قصدى من طلب الترشيح اهو التأكد من شغلة معينة وبعدين انت تقدم الكتاب للوكيل يكون افضل علشان تحمى نفسك من اى ضغوط تحصل لك من الادارة . ومسألة الاستقالة شيلها من مخك نهائيا وتوك شباب
إنزين هذا بالنسبه للوظائف الإشرافيه سؤالي لو تم ندب موظف لشغل وظيفه عاديه غير إشرافيه كونه حصل على شهادة الجامعه مؤخرا وهذ الوظيف مسماها جامعي وإلى الآن لم يتم تثبيته فيها وقد أتم السنه في هذه الوظيف وفي حال تعديل وضعه عليها ترفع درجته وراتبه ومسماه يتغير يحقلي أرفع قضيه وأطالب بهالوظيفه كوني قعدت فيها سنه وأكثر وإلى الآن لم يتم عمل شيء بهذا الخصوص
