سهم الاسبوع : مــــنـــــازل بين الدببه والثيران

[بوراشد جروب]

إشرايكم بالشارت المرفق ؟

أي إغلاق فوق احد الترنداد إشارة دخول او خروج

طبعاً الصور الموضوعة تبين وين الدخول ووين الخروج ..

هذا مااراه ونظرتي قاصره والله اعلم

أي ملاحظات أخطاء مطبعيه او فنية او توجيهات

تفضل الميكروفون للجميع مفتوح

وبارك الله فيكم

​

 

[ال ثنيان]

موفق خير يابو راشد درك بعد اليوم خضر بس في كم مطبه على الطريق مجرد توقع..

 

[3lgm]

مجرد مشاركة متواضعة في مواضيع الخمس نجوم:
دعوم السهم: 53 , 45 , 35
مقاوماته : 71 , 81 , 89
وله هدف على موجات الذيب 170 فلس لكن الله العام متى ومدى مصداقية الهدف.

 

[أسد سليمان ملك]

عساك على القوه يابوراشد


السهم على المحك


بس اشرايك مو السهم مكون مثلث ياتحت يافوق

 

[Eng-Meshari]

هذا السهم ممتاز .. الاسبوع القادم راح يثبت كلامي

 

[TAHOE]

 

[Eng-Meshari]

انا اشووف انه مياديين نفس وضع منازل

 

[المشورة]

عساكم على القوة جهد طيب .

 

[3lgm]

منو يتجرأ يفتي ومالك في المدينة , عيني عليك باردة يا بوداوود.

 

[mishmish]

السهم صارله فترة مو قصيرة محصور بين 53 و54 و55 مع العلم ان الطلبات في بعض الاحيان تزيد الا انه في شيء مايخليه ينطلق شنو السبب الله اعلم

 

[abo saleem]

منو يتجرأ يفتي ومالك في المدينة , عيني عليك باردة يا بوداوود.

مرحبا اخوي علقم

ممكن تحدد لي وين موجات الذيب اللي بالسهم ؟

لاني ما اشوف موجات ذيب يالغالي

 

[dr.mohd]

ياريت من الاخوان تحديد الهدف اللي بشارت الاخ تاهو لان خبرتي بالموضوع تكاد تكون صفر وشكرا

 

[3lgm]

مرحبا اخوي علقم

ممكن تحدد لي وين موجات الذيب اللي بالسهم ؟

لاني ما اشوف موجات ذيب يالغالي

هذا الله يسلمك يا بوسالم خبير بالميتاستوك يكتشف موجات الذيب على الشارت ويحدد أهدافها , ساعات يظبط وساعات يبوّش.

 

[ضرغام]

سهم في خير ونزل في وقت سيى جدا
عنده اصول ومشاريع

 

[abo saleem]

هلا اخوي علقم

شكله هالمره بوش

لانه نهائيا مافيه موجات ذيب

واللي محددها بالاخضر اللي اشوفها انها قناه صاعده

انكسرت بتاريخ 22-5

والله يوفق الجميع

 

[3lgm]

هلا اخوي علقم

شكله هالمره بوش

لانه نهائيا مافيه موجات ذيب

واللي محددها بالاخضر اللي اشوفها انها قناه صاعده

انكسرت بتاريخ 22-5

والله يوفق الجميع

مشكور يا بوسالم على التوضيح , بارك الله فيك وزادك من علمه وفضله.

 

[kwt.to.kwt]

سهم ثقيل ولايصلح للمضارب

 

[mishmish]

ممكن احد من الاخوان الطيبين يحطون تحليل الشموع لسهم الفلل والقسايم (منازل)

 

[بوراشد جروب]

ممكن احد من الاخوان الطيبين يحطون تحليل الشموع لسهم الفلل والقسايم (منازل)

نشكر جميع الأحباب لمداخلاتهم الي فعلاً استفدنا منها



طلبك مجاب مشمش ..

بالنسبة للشموع فقد أعطى السهم إشارة شراء عند سعر 52 فلس منذ 16 يوم والتوصية الآن ( hold ) يعني يود السهم حتى شعار آخر او اشارة اخرى

والشارت الثاني طلب اخوي البدر
عباره عن دمج معدل السيولة الداخله مع مؤشر الماكد (mfi-macd)




والله اعلم​

 

[mishmish]

مشكور يا استاذ بوراشد على هالمجهود الطيب بس اللي كنت اقصده هل السعر هذا طيب للتبريد اذا سعر الشراء كان 68فلس لانه صارله فترة مو قصيرة وهذا سعره والله اعلم وجزاك الله خير على الرد الواضح