اخوي عندك بيوت بالظهر رخيصه حييل وبصراحه في كم قطعه ما انصحك تشتري فيها لان الارض الى مبنيه عليها البيوت فيها مياه جوفيه يعني يمكن بي وقت تنهد الارض ونصيحه لك عندك بيوت الاحمدي او ام الهيمان
تسلم عالنصيحة بخصوص بيوت الظهر وربي يجعلها بميزان حسنات والدينك
والله الاحمدي وشورتك وهداية الله وباشوف وباتوكل على الله
تسلم ويوفقنا اجمعين يا اخوي
ليش شفيها الوفره شرحه وتمد نظرك لازحمه وبعيد عن ضوضاء المدينه
وتعطيك فرصه التامل في الحياه
تسلم يا اخوي على التعقيب
انا اخالفك لهذا الامر
ايام العطل السكارى بكل صوب تحت كل طابوقة تلقى محشش هناك
تقحيص ماله والي عند المثلث وطبعا على الصوب الثاني شل على الدور
شباب مطافي الوفرة الله يعينهم
ما يطاوعك قلبك تطلع من بيتكم وتخلى الاهل بمنطقه مثلها
وبنزين وتكدش مشوار صعب
يمك بيوت كلها مأجرة حق عزابية
يعني بمرة كنت داش البر اطعس ويا واحد من الشباب وصلت الوفرة
وقعدت اطالعها لقيت جمعيات بطلت خدمات صار في
ولا بيوت وجدامه اثنين هنود مدري بنقالية
وزار والفخذ اشلح طالع من الوزار وفانيلة علاق
يعني فعل فاضح بس فعل فاضح يسد النفس ويكرهك بشي اسمه بني ادميين
لكن بالنهار مثلت ماقلت لا ازعاج ولا هم لانها مو مرغوبة
انا اقول انطر دورك احسن
عموما
المناطق اللي فيها اسعار رخيصة: الظهر (انهيارات ارضية), ام الهيمان (تلوث هواء), الفردوس (اكتضاض سكاني), الوفرة (بعييييييييدة)
عبدالله فديتك تحليل سريع بس بصراحة عجبني عـ الجرح
ماكو دور وانا اخوك مو كويتي انا
وطقت جبدي من الاجارات قلت ما يبيلها بيزتين واشتري بيت
وين ماكان بس على الاقل لو قطيت فليساتك ورممت وصبغت وزينت
بحلال مو لراعي البيت وباجر زايد الاجار
ولا نص الشهر ولدهم يطق الباب
ابوي يسلم عليك ويقول ممكن 150 واخصمهم من الاجار
قلت يلا يمكن محتاج اعتبرها نخوة مع اني متفق تاريخ 1 الشهر
اعطيه الاجار لا يطق الباب ولا اتاخر عليه تلقائيا يوصله حلاله
ولله الحمد استمريت
مصخها اعطيه الاجار بعدها باسبوع يبي من الاجار مال الشهر الجاي
والله اخر مرة انغثيت لما ولده طق الباب قال ابوي يبي 80 من الاجار واخصمهم
قمت عطيته اربع دنانير قلت له ودهم لابوك وقوله ماراح اخصمهم
باعتبرهم زكاة ودفعه بلا
ولا مواقف مظلات للبيت وراعي البيت يطرش ولده لو سمحت ابوي يقول
يبي يصفط !!!!! حلوة هذي نخلي مصافط الصوب الثاني جدام بيتك
وياي تصفط جدام بابي ومظلتي ويبيني اشيل سيارتي !!! وكلها سيارة وحده استعملها
مادري سيارته فيها حساسية من الشمس !!!!!
تنيحست معاه وصفطت سيارتين خربانات كانوا عند بيت اخوي بمصافطي ثبتهم وقمت اشاركه بمصافطه هو الثلاثه
اجار = عوار قلب
ارخص ماكو لان هذا قيمة الاسنمت والحديد والارض بلاش لبغيت تبني دورين وسرداب 400م يطلع عليك هذا السعر وما كو تلوث وبلا بطيخ كلها عيارة في عيارة وناس تدلع وتبي تمص وتشفط الحكومة بأي طريقة
ما دري والله يا اخوي وجهه نظرك واحترمها
وبصراحة يبيلها وقفه وتفكير
انا اقترح عليك الاحمدي منطقه زينه مافيها كثافة سكان بالمره .. طيعني الاحمدي
جزاك الله خير
عالنصيحة
شكلها بتصفى الاحمدي
بارك الله فيك
