أصدرت شركة فيفا قرار بدون اي سابق انذار

الموضوع في 'إعلانات الهواتف والأرقام' بواسطة mashel KTV, بتاريخ ‏31 يوليو 2009.

حالة الموضوع:
مغلق
  1. mashel KTV

    mashel KTV عضو جديد

    التسجيل:
    ‏19 يوليو 2009
    المشاركات:
    74
    عدد الإعجابات:
    0
    السلام عليكم ورحمة الله وبركاته

    ما زالت شركة فيفا تصدر قرارت مشينه بسمعتها الطيبه

    اول ما دخلت السووق الكويتي للأتصالات

    ولقد اصدرت إدارة شركه فيفا قرار عدم تحويل الملكيه

    واليوم تم أصدار قرار أخر أن اي شخص يشتري خط من الشركه

    ليس بقدرته التحكم بالبيع الا بعد سنه من استعمال الخط

    وسواء كان فواتير او تعبئه وللأسف قرار فاشل

    ولأ أعلنو عن هذا الشي لا بتصريح ولا بالجرايد

    يعني ما سووو اشهار حق هذا القرار وكونو حذرين يا اخوان من هذي النقطه

    وأتمنى ما يصير فيكم اللي صار فيني وشكراً لكم
     
  2. ابوساره009

    ابوساره009 عضو جديد

    التسجيل:
    ‏16 فبراير 2009
    المشاركات:
    794
    عدد الإعجابات:
    0
    والله يأخى هذى الشركه لها حسنات تغطى على أخطائها

    منها أخضاع الشركتين الحراميه الكبار شركة شين \ وشركة الوطنيه

    للأستقبال من الخارج والأرضى مجانا والمزيد قادم من الخدمات
     
  3. mashel KTV

    mashel KTV عضو جديد

    التسجيل:
    ‏19 يوليو 2009
    المشاركات:
    74
    عدد الإعجابات:
    0
    والله انا نفسك بس راح تلمس اللي لمسته بعد فتره وانا واثق من كلامي

    هذي نقطه والنقطه الثانيه تصدر قرار

    ولا تعلن عنه !!!

    شي غريب ولم تروح انت تبي تاخذ ارقام بكميه يعطونك ويقولون لك يتحول !!

    والشغله الثالثه ما يتحول الا عقب سنه من استعماله !!

    شي يرضيك هذا قلنا عروض قويه وبهرجه بالدعايات واخر شي ؟؟

    تدبس الناس !! تقول اخذ

    وعقب تقول للأسف ماكو تحويل الا عقب سنه ولا والتعبئه عقب سنه

    وين صارت !!
     
  4. aLKuwaitia

    aLKuwaitia عضو جديد

    التسجيل:
    ‏16 ابريل 2007
    المشاركات:
    207
    عدد الإعجابات:
    0
    الناس كلها عبالها ان فيفا هي من اخضعت زين و الوطنيه الي مجانيه الاستقبال من الخطوط الارضيه
    و هذا اعتقاد خاطئ خاطئ خاطئ

    زين و الوطنيه من سنييييييين مقدمين طلب لوزاره المواصلات بمجانيه كافه المكالمات المستقبله
    و التعطيل و التسويف و الرفض من الوزاره
    و زين سبق ان اصدرت تصريح بان الرفض و تعطيل القرار من الوزاره مو منها و لا من الوطنيه
    و اصلا ما يملكون ان يسون هذا القرار بنفسهم ابدا ابدا

    لكن بقدره قادر تم اصدار القرار و تسهيله و تطبيقه في وقت دخول فيفا للسوق
    و اللبيب بالاشاره يفهم
     
  5. mashel KTV

    mashel KTV عضو جديد

    التسجيل:
    ‏19 يوليو 2009
    المشاركات:
    74
    عدد الإعجابات:
    0
    يا حليل الوطنيه او زين

    على الاقل نعرف كوعها من بوعها

    نعرف اللي يصير واللي ما يصير

    نعرف انه فيه خطوط فواتير يبيلك سنه على ما تحول

    وفيه خطوط فواتير بأي وقت تحول على حسب عروضهم

    اما خطوط التعبئه هذي سالفه جديده وغير سالفه

    والقصه كلها بمواظفين الشركه عجيب امرهم كل واحد يصرح من عنده !!
     
  6. q8kof

    q8kof عضو جديد

    التسجيل:
    ‏19 مارس 2008
    المشاركات:
    85
    عدد الإعجابات:
    0
    دائما نجد ابواق ومطبلجية زين والوطنية ينطون ويدورون الزلات على فيفا
    بالنسبة لي فيفا انا مو مستفيد من الدفاع عنها لكن خلنا نقول الحق ونقارن بينها وبين الحرامية ( زين )

    1. المكالمات الواردة اصبحت مجانا بعد ان كانت زين والوطنية ساحبين فلوسنا سحب من حساب المكالمات الواردة واللي يقول ان القرار زين كانت تطالب فيه من زمان هذا ياجهل منه او تغيير للحقائق والدليل ان بعد مااعلنت زين ان المكالمات الواردة مجانا بعد فيفا طبعا ردت مرة ثانية ورفعت قضية لحساب المكالمات الواردة مرة اخرى مادام تبيها مجانا من قبل ليش ردوا اعترضوا .

    2. خدمة الانترنت حرقونا بالقيمة وبعدين قالوا انهم حطوها 7.2 والقطعه حدها 3.6 ويقولون لك روح اي فرع وينزل لك برنامج يخليها 7.2 وهالكلام نصب بنصب لان القطعه الهاردوير اللي فيها مستحيل يرتفع سرعته الا تتغير القطعه نفسها لقطعه احدث وبعدين نزلوا القطعه السوداء الاولى وهي نفسها القطعه الزرقاء بس غيروا الكفر وسرعتها 3.6 وكل هذا نصب بس لما نزلت فيفا قطعه هواوي الجديدة اللي سرعتها 7.2 اضطروا زين انهم ينزلون نفس القطعه وهي القطعه السوادء الجديدة

    بعدين نرجع لخدمة الانترنت نفسها

    زين
    اعلى اشتراك ب30 دينار وسرعته 7.2 يقولون لك مفتوح والحقيقة ان حده 30 جيجا وبعدين تنزل سرعه الاشتراك وهذا نصب .

    اما فيفا

    اعلى اشتراك 24 دينار والقطعه مجانا وسرعتها 7.2 ومفتوح فعلي لو تنزل مليون جيجا تبقى السرعه ثابته وقوية

    3. تكلفة الدقيقة
    لما نزل تصريح فيفا بان سعر الدقيقة مرتفع بالكويت وراح ينزلونه لسعر منافس جدا طلب وكيل وزارة المواصلات الاجتماع بالشركات الثلاث واجبرها على توحيد التعرفه وعذره عشان تصير المنافسه شريفه ( شلون شريفه وانت تجبرونهم على توحيد التعرفه وينكم من زمان لما زين والوطنية حرقونا حرق وهذا رد على اللي يقول الوزارة تسهل لفيفا )

    4. موقف الوزاره من فيفا
    موقف سيء بعد اجبارهم على توحيد التعرفة محاباة لزين والوطنية
    وموقف سيء لما سحبوا ابراجهم وبعدين نزل قرار بتوزيع اماكن الابراج للشركات الثلاث والى الىن لم يحدث شي والموضوع يناقش بمجلس الامة والسبب ان الخكومة تملك اسهم بشركة زين

    5. الخدمات
    راح اقول بس الخدمات اللي غير موجودة لدى الشركات الثانية
    اختيار صديق فيفا تكلمه مجانا
    من فيفا لفيفا مجانا بعد الخمس دقايق الاولى
    خدمة الباقات الجديدة
    أ. الفائض من البقاة مايروح عليك يخصم منه الرسايل والمكالمات الدولية
    ب. اخر الاسبوع ( الويك اند ) مجانا
    ج. من 10 بالليل لي 8 الصبح مجانا


    والامور الاخرى كثيرة جدا على العموم والله انا ليس لي اي استفادة من هذا الموضوع الا قول الحق واللي ذكرته حتى لو كنت مدير الشركة هو صحيح واتحدى اي شخص ينفي هالكلام
     
  7. mashel KTV

    mashel KTV عضو جديد

    التسجيل:
    ‏19 يوليو 2009
    المشاركات:
    74
    عدد الإعجابات:
    0
    اول شغله وردنا على كلامك فيفا تقوم بعملية احتكار

    بعروضها بين ارقام فيفا فقط طبعا مو كل عروضها لكن اغلب عروضها

    واقوا عروضها هذي نقطه

    والنقطه الثانيه انا ما اذكر سلبيات وايجابيات الشركه

    لكن زين والوطنيه انعرف مايتها ووضعها

    لكن انت تروح لموظف معين يبيع لك ارقام بالكميه الفلانيه


    وتقول له يصير احول يقول لك اوكي

    وتروح تحول من ثاني يوم تحول الملكيه اقصد بأسم شخص اخر

    تقول جانا قرار يقول وقف

    وبعد مرور اسبوع على هذا القرار

    يقولون خلاص اللي شريته يظل سنه بأسمك مع اني مع الشركه على بينه

    أني استثمر وابيع الأرقام وعندهم خبر بالشي هذا

    وانا موضوعي على خلفية هذا الموضوع

    وانتقدت طريقة التعامل كل واحد يفتي من نفسه ويصرح من نفسه

    واحد يقول وزارة المواصلات تقول لفيفا ما عندها ترخيص عشان تحول ملكيه

    بين الافراد وهذا السبب بوقف تحويل الملكيه

    لكن السؤال ان يكون مدير الشؤن القانونيه ما عنده اي فكره عن هالقرار !!

    وكل موظف ومسئول بفروع فيفا ما يفيدك بشي بس يتفلسف عليك

    ولا يقول لك مبطل وتتعشم وتجي ويرد يقول لك المسئول الثاني ما فيه تحويل ملكيه فسر لي هالتصرفات !!

    هذي معامله !! هذي طريقه اشتر بالكميه وتقدر تحول بأي وقت واخر شي ينزلون قرار بوقف تحويل الملكيات !!

    أنا اتكلم بالموضوع هذا وما اذكرت المميزات للشركات الاخر لكن قلت انعرف كوعها من بوعها نعرف شلون نشتري ونبيع فيها واحنا واثقين كافي انقدر انتحكم بخطوطنا مو هذي الشركه تلزمك أن الخط وياك سنه كامله


    عموما اخوي شاكر لك وجهتك نظرك ويمكن انحرفت عن الموضوع شوي

    واخذت موضوع ثاني
     
  8. العازمي32

    العازمي32 عضو نشط

    التسجيل:
    ‏26 يونيو 2009
    المشاركات:
    878
    عدد الإعجابات:
    9
    فيفا

    وبس


    وبعده الوطنيه

    وبعده الحراميه عينك عين زين الحق ينقال
     
  9. ابوساره009

    ابوساره009 عضو جديد

    التسجيل:
    ‏16 فبراير 2009
    المشاركات:
    794
    عدد الإعجابات:
    0

    يأخى شنو السالفه ما أعلنوا ألا يوم دخول فيفا

    وبالأخص شركة شين يعنى ( شركة زين )

    شركة زين فى السعوديه مافى أحد يستخدم خطوط زين

    كلهم يسخدمون شركة الأتصالات الى هى عندنا فيفا
     
  10. العازمي32

    العازمي32 عضو نشط

    التسجيل:
    ‏26 يونيو 2009
    المشاركات:
    878
    عدد الإعجابات:
    9
    نعم هذا الحق
     
  11. ابوساره009

    ابوساره009 عضو جديد

    التسجيل:
    ‏16 فبراير 2009
    المشاركات:
    794
    عدد الإعجابات:
    0


    يالغالى والله أنك معانى مثلى من شركت شين والله ياجماعه شركه فاشله وخدمات فاشله

    بس الله يعين شركة فيفا على الشركتين التى هدفها الوحيد جمع الفلوس من الشعب دون خدمات
     
  12. R-H

    R-H عضو نشط

    التسجيل:
    ‏29 سبتمبر 2008
    المشاركات:
    198
    عدد الإعجابات:
    0
    مكان الإقامة:
    Al-Kuwait - Resident
    زين نفس الموضوع

    لما شريت قطعة الإيقو القطعة كانت ماتنباع إلا مع خط كروت بالغصب

    سألت البياع اقدر ابيع الخط لأني عندي خط فواتير داتا مابدي هذا

    قالي تقدري بس بعد سنة الآن لأ

    يعني نفس الشي كل شركة بتنافس الثانية بالشيانة على قولتكم مو بالمنيح

    الله يهدي
     
  13. boxku

    boxku عضو جديد

    التسجيل:
    ‏7 سبتمبر 2008
    المشاركات:
    236
    عدد الإعجابات:
    0
    الاخ من صجه يدافع عن شركة زين الحراميه وين قاعدين شكو وزارة المواصلات
    الفلوس من المكالمات شنو تاخذها الوزاره يبا الشركه سنين وهي تلعب علينا
    وحنى شايفين وعارفين لاكن لا حول لنا ولا قوه لما جت شركتة الوطنيه يالله
    يالله ريحنا فتره وبعده اتفقو وثبت الامر على ما هو لاكن مازلنا نعاني والحين
    جت فيفا ونفس الشي شفنا التغيرات الي حصلت بالسابق يوم دخلت الوطنيه
    ويالله نبي نشوف اكثر واكثر لما يتفقون بعدها ننتظر شركة رابعه
    والاخ يقول حضها فيفا الي غيرة المكالمات لا ليكون متفقين وزارة الموصلات مع شركة فيفا
     
  14. بو يويو28

    بو يويو28 عضو جديد

    التسجيل:
    ‏13 مارس 2009
    المشاركات:
    265
    عدد الإعجابات:
    0
    يبه قعدوا بدون تلفونات ابرك لكم ...
    خليكم مثل قبل بياجر وتلفون بيت كافي
    شلكم بعوار الراس ..
     
  15. WEST LIFE

    WEST LIFE عضو جديد

    التسجيل:
    ‏5 يناير 2009
    المشاركات:
    236
    عدد الإعجابات:
    0
    مكان الإقامة:
    Liverpool
    شباب صراحه انا استغرب من الي يدافع عن ( موزين )

    شباب والله العظيم فيفا اروع شركه حاليا بالكويت صج فيها بعض الملاحظات بس لها فضل كبير علينا

    ابي كل واحد فيكم يقارن حتى لو عنده خط مو زين او وطنية يشوف جم فاتورته قبل وجم فاتورته بعد مادشو فيفا علينا

    بالنسبه للفواتير فيفا افضل

    بالنسبه للنت فيفا افضل

    بالنسبه للنصب فيفا اقل من ( مو زين )


    انا بقولكم مواقفي مع موزين

    مره واحد من الربع اخذ له خط وحطه باسمي والولد يدفع شهري وماعليه مشاكل وبعد فتره قالي خلاص انا بكنسل الخط مشكور وماقصرت قتله على راحتك

    راح الولد دفع الي عليه وكنسل الخط وبعد 3 سنوات داقين علي يقولون عليك 40 دينار على الخط حق صاحبي يعني شلون اثبت لهم انه الولد كنسل الخط بالله عليكم في احد لما يدفع فاتوره او يكنسل خط يحتفظ بالفاتوره ؟؟؟ قتلهم ان الولد كنسل ودفع يقولون مادفع ورحت ودفعت شسوي



    بعدين رحت واشتركت بموزين بال e go واشتراكي كان بو 27 وقالولي سرعة اشتراكي 7.2

    لوووووووووووووووووووووووووووول

    أحب اوضح وأكد هالجمله

    أتوقع الناس الفاهمين بالنت واضحه لهم وانا مع الحبيب بالنقطه هذي

    انا كنت اشبك انترنت بعد اسبوع الاقي السرعه عندي نفس الديل أب يمكن الديل أب اسرع منه ولما اكلمهم يقولون انته خلصت ال30 غيغا

    للامانه اول شهر كنت فاتحه بحري تورنت بس الشهر الي وراه والله تصفح بس وخلال اسبوع يقولون انت خلصت ال30 غيغا عبالهم على روسنا دهن هنود

    بالله عليكم تصفح يخلص 30 غيغا باسبوع اصلا تصفح شهر كامل مايوصل 1 غيغا

    يعني نصبو علي وماصدقت على الله شفت اشراك فيفا متعني والله السرعه بالتورنت ومفتوح والسرعه ثابته ويالله لك الحمد

    ليما قامو يحاربون فيفا وشالو ابراجهم وتوهقنا يقولون لازم ترخيص حق ابراج فيفا وموزين والوطنية ابراجهم فوق البيوت والله حرام


    المهم ياجماعه انا والله العظيم مو موظف بفيفا ولا مستفيد شي بالدفاع عن هالشركه بالعكس ابي الكل يستفيد

    فيفا الافضل والله العظيم والوطنية بعدها

    ومو زين النصابه مابي اسبهم احترام للمنتدى ولكم والله وعسى الله لا يوفقهم بس :)
     
  16. moon15

    moon15 عضو جديد

    التسجيل:
    ‏26 ابريل 2008
    المشاركات:
    71
    عدد الإعجابات:
    0
    فيفا ... ممتازة ...


    لولا الحرب عليها من قبل زين ... والوطنية ...


    ابوعبدالله
     
  17. LITERATURE

    LITERATURE موقوف

    التسجيل:
    ‏2 فبراير 2009
    المشاركات:
    260
    عدد الإعجابات:
    0
    انا خطي يحريني معطينيا هديه و فواتيره بلاش 5 سنين
     
  18. العازمي32

    العازمي32 عضو نشط

    التسجيل:
    ‏26 يونيو 2009
    المشاركات:
    878
    عدد الإعجابات:
    9
    يعين

    عليج

    فيفا

    صج

    شركه بمعني الكلمه =======فيفا وبس=تكلام مع شخص مجانا والدقيق 38 فلس وطلب شخص اخر 25 فلس ثابت وطلب دولي خصم 15 بالميه ===بلا زين الحراميه دقيق 45 فلس واذا الجهاز مغلق يحسب عليك الله واكبر عليكم يالحراميه زين لا قصدي شين
     
  19. ولد^الكويت

    ولد^الكويت عضو نشط

    التسجيل:
    ‏24 سبتمبر 2007
    المشاركات:
    1,175
    عدد الإعجابات:
    0
    مكان الإقامة:
    الكويت
    والله اخوي انا الي اشوفه هذا الشي زين طلعت هذا القرار من صالحنا هذا عشان من كل هب ودب خذاله ارقام حلوه وقاعد يبيعهم علي عشرين الف وفوق والله انا اشوف شركه فيفا احسن شركه علي الاطلاق والباجي اقول عنهم حراميه
     
  20. كويتي صعب

    كويتي صعب عضو جديد

    التسجيل:
    ‏25 ابريل 2007
    المشاركات:
    636
    عدد الإعجابات:
    0
    قانونيا.........لايحق لهم منع التحويل الابقرار صادر من الشركه وبعدين كل واحد يرجع لعقده اذا مذكور هالشرط فالقانون معهم واذ لم يذكر فلا يحق لهم المنع ......وللعلم في خطوط فواتير يتم تحويلها شبه يومي.....واذا كان القرار صحيح الي رقمه حلو يستخدمه والي عادي يلغيه ولما يعرفون ان الناس جاده بالامر راح يكون لهم قرار ثاني
     
حالة الموضوع:
مغلق