مشروع المجلات الاعلانيه ... ارجو الدخول

الموضوع في 'الوظائف والأعمال التجاريه' بواسطة كحيلان العازمي, بتاريخ ‏1 أغسطس 2009.

حالة الموضوع:
مغلق
  1. كحيلان العازمي

    كحيلان العازمي موقوف

    التسجيل:
    ‏20 مايو 2009
    المشاركات:
    43
    عدد الإعجابات:
    0
    السلام عليكم ورحمة الله وبركاته

    اخواني الكرام

    في بالي مشروع المجلات اعلانيه مثل ... اعلانات .. تواصل ... الرائده ...

    اقصد مثل الصدى والوسيط بس على شكل مجله اعلانيه

    فنبي خبرتكم يااخواني

    بخصوص الترخيص المطلوب والاوراق المطلوبه

    ومارايكم بالمشروع بشكل عام

    وشكرا لكم
     
  2. بو متعب

    بو متعب عضو جديد

    التسجيل:
    ‏29 يناير 2009
    المشاركات:
    709
    عدد الإعجابات:
    0
    من الحين اقول لك خسران وغير رايك احسن لك نصيحة
     
  3. LoVer26

    LoVer26 عضو جديد

    التسجيل:
    ‏2 ابريل 2009
    المشاركات:
    21
    عدد الإعجابات:
    0
    اخوي فاشله انا اذكر قبل جم سنه كان فيه مجله اسمها الامتياز نفس ماقلت انت اعلانيه
    مانزل منها غير عدد واحد بس وبعدين تسكرت ومامنها فايده اتمني اني فدتك وشكرا
     
  4. ساحل الليل

    ساحل الليل موقوف

    التسجيل:
    ‏4 ابريل 2008
    المشاركات:
    258
    عدد الإعجابات:
    0
    اتمنى من الاخوه اللي يقولون فاشل يحطون سبب فشلهم

    اخوي كحيلان انا اشوف انه مشروع ناجح

    يعني شوف مثلا مجلة تواصل فيها اكثر من 50 صحه

    وتقريبا عدد الاعلانات الموجوده فيه لو تعد الاسعار يوصل 5 الاف دينار اسبوعيا

    تصوروا 5 الاف دينار اسبوعيا

    يعني بالشهر 20 الف دينار للمجله

    والمجله يصدر منها تقريبا 20 الف نسخه اسبوعيا لمنطقة الجهراء فقط

    توكل على الله يااخوي انا اشوفه مشروع ناجح

    واتمنى اللي يعرف شي يساعد الاخ كحيلان
     
  5. كحيلان العازمي

    كحيلان العازمي موقوف

    التسجيل:
    ‏20 مايو 2009
    المشاركات:
    43
    عدد الإعجابات:
    0
    اخواني الكرام بو متعب .. LoVer26 .. ساحل الليل
    شكرا لكم على مروركم يااخواني
    وبانتظار راي باقي الاخوه
     
  6. الـصانع

    الـصانع عضو جديد

    التسجيل:
    ‏11 ابريل 2008
    المشاركات:
    633
    عدد الإعجابات:
    0
    مكان الإقامة:
    KuwaiT
    لا اقدر اقول ناجح ولا فاشل

    لكن بقولك يعتبر مشروع مغامره ..

    اخذ مثال الوسيط تقريبا اشهر صحيفه اعلانيه الاعلان الواحد 2.500 وتقريبا كل اسوب فوق الالف اعلان .. والناس تحط فيها اعلانات لشهرتها فقط ولأقدميتها بالمجال

    نفس الموضوع مع صحق جديده ولكنها فشلت .. السبب انها لم تقدم شي تنافس فيه الصحف الاخرى مثل انتشار اكثر سعر اقل مساحه اكبر للاعلان ..

    امور يبيلها تفكير قبل كل شي

    وموفق ان شاء الله
     
  7. nawafooooooo

    nawafooooooo عضو نشط

    التسجيل:
    ‏25 فبراير 2008
    المشاركات:
    345
    عدد الإعجابات:
    0
    المشروع حلو بس يبيله صبر وتفرغ وتوضف ناس ثقه

    والرخصه صعب انك اطلعها بالوقت الحالي

    بس اعرف واحد عنده رخصه ويبي يبيعها او يأجرها اذا تبي اكلمه لك بلغني على الخاص
     
  8. بوفهيد

    بوفهيد عضو نشط

    التسجيل:
    ‏5 مايو 2009
    المشاركات:
    3,504
    عدد الإعجابات:
    0
    مكان الإقامة:
    الكويت
    انا بقولك اسباب الخسارة اغلبية من دخل هذا المجال
    1- سوء الادارة ( اختيار موظفين غير مناسبين و صرف مبالغ في غير مكانها)
    2- النفس القصير ( تجعل صاحب المشروع لايستطيع الاستمرار بعد مرور 6 شهور خصوصا ان مثل هذة المشاريع تحتاج لمدة طويلة لجني الارباح ).
    3- عدم اعداد دراسة جدوي اقتصادية بمركز متخصص .
    4- ارتفاع تكاليف التراخيص .
    5- ارتفاع تكاليف الطباعه .
    6- سوء توزيع المجلة . ( في حال عدم استفادة المعلن تأكد لن تخسرة فقط بس ستخسر سمعه المجلة بالكامل )
    7- و الاهم من كل هذا هل فعلا السوق يستوعب المجلة و الرد من خلال النقطة رقم ( 3 ) .

    بالنهاية من يساعدك في اتخاذ القرار الصحيح بعد توفيق رب العالمين نتيجة داسة الجدوي و اكرر لاتبخل على الدراسة و سوها بمركز محترم لان هذي بتوفر عليك الخسارة و بتحطلك النقاط الاساسية للمشروع و تحدد لك الرواتب و كل شئ ، اغلب ربعنا يسوي الدراسة بنفسة و هذا خطأ اذا ماكنت ممارس و صاحب خبرة في هذا المجال .

    و الله يوفقك اخيي
     
  9. general

    general عضو جديد

    التسجيل:
    ‏1 أغسطس 2009
    المشاركات:
    1,510
    عدد الإعجابات:
    5
    مكان الإقامة:
    بلاد الله الواسعة (الكويت)
    الاخ كحيلان العازمي
    اذا كنت توجه استفساراتك للعامه فيشرفني اكون من الي اعلق على موضوعك واقولك ياها 3 مرات مشروع فاشل فاشل فاشل . واذا كنت عاقل اكتفي بالاجابه فقط والي يقولك الاعلانات بالاف الدنانير الظاهر ملتبس عليهم الامر عبالهم تبي تشتري جريده الوطن .
     
  10. بو متعب

    بو متعب عضو جديد

    التسجيل:
    ‏29 يناير 2009
    المشاركات:
    709
    عدد الإعجابات:
    0
    يا اخوان تبون النصيحة دفعو لي فلوس علشان اليوم محد ياخذ النصيحة ببلاش قلنا لكم مشروع فاشل البعض علق لا ناجح لو ناجح ليش ما سويته انت ؟
    حبيبي كحيلان اذا عندك كم بيزة خشها لان صاحب مجلة ......... باع 7 عمارات وكل مرة يقول له اللبناني مدير اعماله خيو لازم تفت المشروع بدأ يشتغل والاهبل يبيع عمارة وتاليتها على الحديده ولبناني باقه ونحاش يعني فت ما يقل عن 3 مليون وابشرك مفلس الحين بالعربي
    هالمشروع يبيله بنات الليل تسوق له عرفت الحين سبب نجاح بعض المجلات والجرايد والمطبوعات وحتى بعض الفضائيات وبعض العاملين على هذا الشي ما عندهم لا قيم ولا اخلاق مقابل الفلوس انت شفت مسوق من الرجال يوم من الايام كلهم مسوقات بنات وجنز والصدر متفوخ وهات يا مفاتن واغراء علشان الشباب وحتى الشياب يحبون الحموضه يعني مشروع بنات الليل وليس مشروع مجلة من الاخر عجبك الكلام او انت تطقس براحتك وبعدها راح تقول صح كلام هالرجال والحين ابي منك 200 دينار نظير هذه الاستشارة والسلام ختام
     
حالة الموضوع:
مغلق