توصيات أسعار ( السر وينه ) .......... 1

[Fayez]

أهلين أخ أسعار منور المنتدى ... بس لا ننسى انتعاش السوق من الخرافي ومجموعة ... لا بحر ولا بدر مع احترامي لهم.

لا تنسى المليار و 700 مليون (اليوم التاريخي)

واحب ارحب بالاخ السر وينه واقول مشتاقين لمشاركاتك ..

اعتقد العيد عيدين ... رجوع السر وينه وانضمام اخونا أسعار

 

[ALMFJR]

أهلين أخ أسعار منور المنتدى ... بس لا ننسى انتعاش السوق من الخرافي ومجموعة ... لا بحر ولا بدر مع احترامي لهم.

لا تنسى المليار و 700 مليون (اليوم التاريخي)

واحب ارحب بالاخ السر وينه واقول مشتاقين لمشاركاتك ..

اعتقد العيد عيدين ... رجوع السر وينه وانضمام اخونا أسعار

اثنينهم واحد اخوى السر وينة = اسعار

 

[ALMFJR]

يا جماعه شفيكم ماتقرون التاريخ:d

قارينة حبيبى بس انت ما تدرى شالسالفة الاخ اسعار اللى هو ثانى مشاركة بهالموضوع هو نفسة السر وينة ولما فتح الموضوع بأسم اسعار الادارة ردولة نكة القديم السر وينة وحطو مشاركتة قبل نكة اسعار فهمت والا اشرح لك بقاعة الحالك الحين؟

 

[جمبازي]

السلام
جزيل الشكر للاخوان المراقبين على اعادة النك السابق الى الكتابه
وان شاء الله اكون عن حسن الضن والشكر ايضا للاخوان المشرفين
وجميع الاخوه والاخوات الذين قاموا بالسؤال عنى لحظة توقف السر وينه عن الكتابه
ولحبى الشديد للاستفاده والافاده والتعاون المشترك ومعلومات جديده كان لها الاثر فى دخولى السريع بالبديل المختفى لعدم فوات الفرص على الاخوان والاخوات ولعدم مقدرة السر وينه على المواصله بسبب التوقف كان لدخول البديل المختفى
وان شاء الله كان ( المختفى ) كفى ووفا وكان بديل ناجح وان شاء الله لن يكون هناك بديل للسر وينه
_________________________
والف شكر مره اخرى للجميع على السؤال عنى
ولعامل الوقت ان شاء الله سيكون مساء الجمعه موعد جديد للقاء الاحباب

الحين اقدم لك احتراماتى يابومشعل ...

 

[salem.srsr]

أخوي أسعار بما انك موقوف من منتدى النوادي بسبب انت عارفه زين!!! لازم تكون واضح و صريح معانا بخصوص المعلومات اللي تقولها لأن توقيفك يطرح علامات استفهام كبيرة بخصوص مصداقيتك, و ان كان لك رد او دفاع بتقوله احنا راح نسمعك و ما راح نظلم احد انشالله

عدل كلامك

 

[اسعار]

انتبهه السوق باجر ( الاحد )​

متوقع نزول
اليوم كان فيه اخبار حلوه
للمخازن والدار
لكن للاسف : مع الدخول القوى على المعروض نجد عروض متكرره واخرتها حذف ( شى مايبشر بالخير )
الاحد : اجتماع مجلس الوزراء
وهالاجتماع هام جدا

وهنا نقول : بعد ال10.30 يتحدد السوق فوق او تحت
الصناديق والمحافظ مرتبطه مع الكبار بالحركه واى شى ايجابى بالاجتماع يوصلهم بثوانى والعكس صحيح
فأنتبهه جيدا وترقب​

والمعادن مالك شغل فيها ( حد اعلى ) مطلوبه وخالصه ​

عطيتك تبنيه لاعادة حساباتك
واعتقد السوق شفناه

ركز عدل لاتنصاد ولاتخبص بالاندفاع​

​

 

[الحيدر911]

عطيتك تبنيه لاعادة حساباتك
واعتقد السوق شفناه

ركز عدل لاتنصاد ولاتخبص بالاندفاع​

​

الحمدلله على السلامه اخوي اسعار
شفيهم قروب المشاريع طاقين بريك
وياليت تفيدنا اذا في شي ايجابي على الوطنيه العقاريه
وبارك الله فيك

 

[اسعار]

الحمدلله على السلامه اخوي اسعار
شفيهم قروب المشاريع طاقين بريك
وياليت تفيدنا اذا في شي ايجابي على الوطنيه العقاريه
وبارك الله فيك

الله يسلمك
غروب المشاريع ارباحهم من البيعات اشوف انها فوق الممتازه
والاسهم تم جنى الارباح عليهم وخلصوا

معلومه :
لما توقف مجموعه عن الصعود ويتم ضغطها
على طول يصير عليها تغيير مراكز ( مضاربين يلحقون اى غروب يتحرك )
وهذا اللى حصل مع غروب المشاريع
الان هى تعتبر قريبه من الانتهاء من تلك الموجه التى مرت بها
فى حال تماسك مؤشر السوق راح تشوف فيهم خير لانهم مااستفادوا من صعدت السوق



الوطنيه العقاريه
السهم قربت جمعيته العموميه
لاحظ الاتى :
- هناك مضاربيين لا يدخلون على التوزيعه ( مايحجزون كاشهم )
- السهم مرتبط مع سهم المخازن بالحركه
وبما ان سهم المخازن بوضع النزول ( النصيحه تقول خفف خسايرك)
هذا توقعى

 

[المضاربه فن]

اخوي اسعار
ما في شيئ عن اسماك​

 

[اسعار]

ارجع واكرر
السوق الى الان وضعه غير مستقر

لاتقط كل كاشك بالسوق
ولاتندفع بالمضاربات ( تصعد فوق يصيدونك )
التنبيه
ركزلك على سهمين او ثلاث بالكثير
تكون عندك عليهم توصيه
ومراقب حركتهم
وعارف وين نقاط الدعم والمقاومه
ومااستفاد من صعدت السوق
وعليه تجميع سابق

شلون تندفع - تكون بسجلات الاوامر اول السوق عروض فوق لاوامر بسيطه
مع اى لحظه دوران يقابله نشاط طفيف للسوق
تشوف شيل من المعروض لنص مليون او اكثر
راح تنسى نفسك وتدخل على المعروض
واذا فيك شطاره تبى تطلب ( ومن ينتهى الدخول على المعروض ) راح تكون الطلبات زايده وعندهم خمس دقايق قبل لاتشيل امرك يقطون عليكم
هذى بعض من العاب الصناديق والمحافظ والمضاربين الكبار
انتبهه جيدا من الحركات هذى

حركه ثانيه تشوف طلب قوى وعروض بسيطه فوق
الغشيم ( يقول عروض بسيطه وطلبات قويه ) يدش على المعروض
وكل ماتخلص الكميه يحطون لك كميه صغيره ثانيه وشوى شوى اذا وقف الشراء
يدخلون يشيلون المعروض ( طبعا انت ماراح تبيع لانك شارى نفس السعر )
الغشم ( راح يدخلون فوق ) والبقيه الشطار يطلبون على نفس سعرك
ومن تخلص موجة الشراء يشيلون طلبهم ويقطون عليك
وموضرورى يشيلون طلباتهم انتبهه

فيه العاب حلوه عندهم وكل صندوق له سيناريو ​

 

[اسعار]

اخوي اسعار
ما في شيئ عن اسماك​

والله الى الان مافيه شى
لكن السهم حسب ماوصلنى ( مضغوط من .......)
موصينى على هالسهم للامانه
لكن مو وقته شكله مطول ​

 

[اسعار]

من الاسهم الحلو وبناء مراكز عليها احلى
المدينه
مستفيده من الابراج طالعه عليها بالتاسيس 105 فلس
ومستفيده من الافق ( وفيه كلام يقول .............)
السهم عليه صندوق الاستثمارات الوطنيه ( ضغط)
ومتوقع تكون ارباح النصف الاول زينه


ونلاحظ دخول سريع على السهم ( يقابله ضغط اسرع )​

سهم للمراقبه​

 

[اسعار]

ايفا
السهم اليوم كسر حاجز ال800 بقوه ( شال المعروض ) ورد عرض
هالسهم يعتبر ( الام ) لغروب البحر
المستفيد من صعود الغروب ​

للمراقبه ​

شارت ايفا
واضح فيه حاجز 800 فلس
اتوقع يرتد لل 780 وبعدها صعود لكسر ال800

 

[اسعار]

الافكو
سهم الاخبار تتناقل عن صفقه حلوه مع الخطوط الكويتيه

السهم لليوم الثانى بالحد الاعلى 228

للمراقبه ​

 

[اسعار]

برقان
واضح اليوم عمليات شراء قويه على السهم كسر فيها حاجز 1040
لكن حاجز ال1060 كان اقوى
سهم من اسهم البنوك يحتاج متابعه بعد هالتداولات الحلوه عليه

للمتابعه​

 

[اسعار]

مشاعر

السهم عليه تجميع هادئ
حاجز 1240 اشوفه صار قاع للسهم
وحاجز ال1300 لاى لحظة اندفاع دخول يتم ضغطه من هالحاجز
بين 1260 طلبات ضعيفه مايطلب قوى ( يبى يلم )
ودخول 1280 مبين هاللى يدش عنده معلومه


الخبر ( يشاع )
راح تعلن عن خبر بيع فدادين بمصر تحقق ارباح ممتازه تضاف بارباح الربع الثانى ​

للمتابعه ​

 

[nabeels8]

صباح الخير

بومشعل شلونك حياك الله صحيح كان في بعض الخلافات بيني وبينك ولكن

أنت أخ مهما يكون الخلاف بيني وبينك ولكن كل هذا وراء الكيبورد ولكن أنا

أقول لك حياك الله وإنشاء الله تفيد الشباب رغم أيام كنت تكتب في النوادي

بنك أسعار الكل كان يسألني ومنهم من إدارة النوادي قلت لهم هذا بومشعل

ولكن لا تظلمونه ولا طق على إيد أحد أن يشتري والكل مسؤول عن قراره

ولكن أن لمن الحين أشوف إللي يدخل معاك من أول ما تأشر على السهم

ويطلع حتى لو بوحده وحده ربحان عموماا حياك الله​

 

[المؤشراتي2]

ايفا
السهم اليوم كسر حاجز ال800 بقوه ( شال المعروض ) ورد عرض
هالسهم يعتبر ( الام ) لغروب البحر
المستفيد من صعود الغروب ​

للمراقبه ​

عزيزي اسعار كنه البحر وهق العالم في المنتجعات والا شرايك .طلع شاري مو بائع

 

[اسعار]

صباح الخير

بومشعل شلونك حياك الله صحيح كان في بعض الخلافات بيني وبينك ولكن

أنت أخ مهما يكون الخلاف بيني وبينك ولكن كل هذا وراء الكيبورد ولكن أنا

أقول لك حياك الله وإنشاء الله تفيد الشباب رغم أيام كنت تكتب في النوادي

بنك أسعار الكل كان يسألني ومنهم من إدارة النوادي قلت لهم هذا بومشعل

ولكن لا تظلمونه ولا طق على إيد أحد أن يشتري والكل مسؤول عن قراره

ولكن أن لمن الحين أشوف إللي يدخل معاك من أول ما تأشر على السهم

ويطلع حتى لو بوحده وحده ربحان عموماا حياك الله​

المشكله يا نبيل فيه ناس قلوبها بيضه
وناس مهمها تسوى فيها الطيب ماتنضف قلوبها
خلها على الله
خسرنا مصادر كبيره والسبب المنتديات
مشاركات تعدت ال50 الف استفاد منها نسبه كبيره
واخره يطلعلك واحد يقول ( عارفينك لكن مخلينك تفيد الاعضاء )
والحين موقفينك علشان ماتضر الاعضاء
طيب دام هو عارفنى ليش خلانى اكثر من شهرين اوصى

مبين اكلنا الجو عليه ​

 

[nabeels8]

المشكله يا نبيل فيه ناس قلوبها بيضه
وناس مهمها تسوى فيها الطيب ماتنضف قلوبها
خلها على الله
خسرنا مصادر كبيره والسبب المنتديات
مشاركات تعدت ال50 الف استفاد منها نسبه كبيره
واخره يطلعلك واحد يقول ( عارفينك لكن مخلينك تفيد الاعضاء )
والحين موقفينك علشان ماتضر الاعضاء
طيب دام هو عارفنى ليش خلانى اكثر من شهرين اوصى

مبين اكلنا الجو عليه ​

عموماا بومشعل الله يوفقك يارب والله يعطي كل واحد على قد نيته قول

يارب​