في سالفة ((باطه جبدي ....بط))) خلنتناقش فيها

الموضوع في 'اعلانات المركبات' بواسطة تفكير تجاري, بتاريخ ‏3 أغسطس 2009.

حالة الموضوع:
مغلق
  1. تفكير تجاري

    تفكير تجاري عضو جديد

    التسجيل:
    ‏9 سبتمبر 2008
    المشاركات:
    113
    عدد الإعجابات:
    1
    السلام عليكم ورحمة الله وبركاته

    كيف الحال شباب...شخباركم ...

    ياجماعة في مو ضوع او سالفة باطة جبدي بط.....اللي هي ...

    عند ما يعرض واحد سيارتة او يبي يترزق الله بسيارة يقول

    (((السيارة استعمال اختي)))(((السيارة استعمال امي امي وكلية مدرسة)

    ((السيارة استعمال زوجتي وزوجتي اجدد السيارة كل سنه)))

    ياجماعة لية ما تكون عندنا مصداقية يااخواني الصراحة راحة...

    وفي منتدانا الغالي واجد من هالعبارات نقراها يومي ....اتمني اتفيدوني

    برايكم شباب انا علي صح او غلط
     
  2. فوارق

    فوارق عضو جديد

    التسجيل:
    ‏18 يناير 2009
    المشاركات:
    80
    عدد الإعجابات:
    0
    دكتور

    نسيت بعد شغله ما قلتها بعضهم يقولون سيارت دكتور ومل منها انا اهني اقول لوووووووووووووووووووول وهون اشتريها
     
  3. شمس الحقيقة

    شمس الحقيقة عضو جديد

    التسجيل:
    ‏26 يوليو 2009
    المشاركات:
    54
    عدد الإعجابات:
    0
    و مادري على شنو

    و اذا دكتور شنو يعني فوق راسه ريشة

    صدقني الدكتور أكثر واحد ما يعرف بالسيارات

    يعني ماكينة فيها بلاوي ما يدري شسالفة همه كتابة و بس
     
  4. heart

    heart عضو جديد

    التسجيل:
    ‏15 نوفمبر 2007
    المشاركات:
    341
    عدد الإعجابات:
    0
    مره دقيت على رقم سياره معروض في الوسيط ولا بنت ترد علي تقول السياره سيارتي وابي ابيعها وعلى ايدي من الوكاله ونظيفه المهم وين نشوف السياره يا اخت قالت معروضه بين سلوى والرميثيه رحت شفت السياره ولا مبين شغل ترقيع الصبغ والبدي معجون موطبيعي مو هذي الشغله الغريبه ممكن تكون تدعم وايد وابوها يصلح وبنت غشيمه المصيييبه والطامه الكبرى انه ثلاث مواتر يم السياره معروضين بنفس رقم البنت صراحه مادري هل البنت شريطيه موديل يديد ولا واحد ماعنده كرامه ولا يخاف ربه حاطله رقم ومخلي وحده ترد على الارقام علبو بنت ومالها خلق تروح معاك تفحص وتصيد واحد علبو شهم ونوعا ما خروووف يشتري واهوه مايدري مختوم على افاه ولا في مصيبه ثانيه بقولكم عليها بس يبيلها موضوع نصيحه من اخوكم الفحص ثم الفحص ثم الفحص
     
  5. bo_7moo00ood

    bo_7moo00ood عضو جديد

    التسجيل:
    ‏18 مارس 2009
    المشاركات:
    255
    عدد الإعجابات:
    0
    هههههههههههههههههههههههههههههههههههههه

    هذي طامه اكبر والله المستعان يمكن صج


    مره ووحده عارضه مكسيما موديل 99 ب 700 دينار رحت شفتها اولا معروضه

    (( بالدعيه )) وثاني شي قالتلي انها سيارتها قلت اوكي خذيت منها المفتاح

    بطلت الباب قعددت واطالع ولا في شي غريب شنوا ؟؟؟

    (( قييييير عااااااادي )))


    قتلها اكيد سيارتج قالت ايي ومن زمان قلت كدينا خير

    بس ماحط بذمتي يمكن راعية مقاوم

    ههههههههههههههههههههههههه

     
  6. ikdla

    ikdla عضو نشط

    التسجيل:
    ‏27 يوليو 2009
    المشاركات:
    1,039
    عدد الإعجابات:
    0
    مكان الإقامة:
    Kuwait
    السلام عليكم

    بصراحه الاخوان الي فوقي صدموني, اول مرة اسمع عن جذي بالكويت :|
    قوية وربي



    عموما اخوي الغالي,
    تفكير تجاري

    الله يعطيك العافيه على هالفكرة.

    بالنسبة للعرب فايام قبل حتى لما تروح تبي تاخذ قرض بيت يطلبون بس شهادة راتب وماكان اكو تشييك من البنك المركزي لان الناس كانت تخاف على نفوسها وعلى عيالها وبيوتها, وكان ايضا في امانه ومصداقية.

    الحين لما تبي تاخذ قرض للبيت او بتحول سيارة ستين الف شغلة تسوي
    والتمويل يشيك عليك بالمركزي بنفس الوقت الي تبي تحول فيه ما يحتاج يدز كتاب.

    الحين البشر نفسهم اختلفو (اول مرة اشوف واحد يجدد قرضه الي مطلوب 30 الف عشان ياخذ الف ويسافر لا وبعد يطالبون باسقاط القروض,

    تلاقي واحد يشتري موتر غالي اغلى منه على بو انه شوفوني بنات انا مليونير واهو مخباته فاضي.
    يدعم ويطيح حظه وينتف ويصير مطلوب وينمسك وينسجن ويقول ساجنيني على سيارة ؟؟

    انا كويتي مسجون على سيارة ولا انا كويتي مسجون على مادري ايش.

    طيب انت كويتي وشنو يعني كويتي, إله ولا عزرائيل ؟
    حالك حال اي بشر بالدنيا اذا عندك فلوس يرتفع سوقك واذا انفقرت طاح حظك, وكلنا فقراء لله طبعا.

    (احلى شي سيارة جديدة ومناسبة ومخباتك مليان :)


    بالنسبة لمسألة امي واختي الي تقول عنها فهذا النوع من الناس هو نفسه ابو سيارة الي تكلمنا عنهم او ماشابه, انفقر عقب القروض وبيحاول يظبط اموره على حساب غيره.

    مثل شرطتنا بالكويت :)
    الشرطي يمسك واحد مخدرات, ثاني يوم تشوف صورة الضابط ماله بالجريده يقول اهو ماسكه عشان يترقى ههههههههه


    تسلم اناملك يغالي وفعلا المصداقية هي اساس التجارة,
    للعلم مثل هذول التجار ما يدوم سنه سنتين والله ما يوفقه, لكن الي يمشي صادق تلاقيه يكون سمعه وزباينه يكثرون.

    اخوك العدواني
    ودي,,,
     
  7. liger79

    liger79 عضو نشط

    التسجيل:
    ‏11 ابريل 2008
    المشاركات:
    205
    عدد الإعجابات:
    0
    السلام عليكم
    ودي أشارك معاكم بهالموضوع ... اخواني اذا كان اللي عارض السياره صادق في ان السياره استعمال أهله مافيها شي لأن ما أعتقد ان في واحد غيور يرضى على أهله يبيعون سياره وتحط رقم تلفونها بإعلان ويخلي الرجال يكلمون أهله ...
    أما الإنسان اللي يكذب ان السياره استعمال اهله ماعنده سالفه وترى ماتسوى عليه ياخذ ذنب ويوم القيامه يتحاسب على كذبه على 200 ولا 300 دينار زياده
    وسالفه صارت لي يوم شريت وانيت قبل خمس سنوات تقريبا وكان كشن السياره حيل تعبان الى درجه انك تقعد جنك قاعد بحفره :) ويوم سألت الأخ اللطيف عن منو يستعمل السياره قالي الوالد وهو ضخم البنية ومتين قلت الله يعطيه الصحه والعافية ... تالي يوم التحويل تبين ان السياره باسم مؤسسه تجارية (مكتب سيارات ) !!!!! وماودي أذكر اسمه جان أقوله السياره هاذي السياره اللي على قولتك استعمال الوالد ؟ ... انقص ويهه ولا رد بولا كلمه ... لان الكذاب حبله قصير مثل مايقولون ... وهذا مثال على الكذب في البيع ... والله المستعان
     
  8. صدفه ...!

    صدفه ...! عضو جديد

    التسجيل:
    ‏31 أغسطس 2008
    المشاركات:
    99
    عدد الإعجابات:
    0
    مكان الإقامة:
    كويت العز
    ,hggi p]والله حده لووووووووووووول
     
  9. khaled777

    khaled777 عضو نشط

    التسجيل:
    ‏23 يونيو 2007
    المشاركات:
    269
    عدد الإعجابات:
    0
    موضوع حلو

    ماله داعي الواحد يذكر بالموضوع

    ان الموتر استعمال مرته او انه يدور سياره حق امه

    والله عيب حتي لوصج ماله داعي !!

    واللي باط جبدي صج اللي يقولك استعمال شيخ

    الشيخ ياخي لما باعك السياره ماقالك دلل عليها

    وقول للناس اسمي ! عيب والله حتي الشيخ

    مايرضاها على نفسه خلاص انت شريت السياره

    تصير لك وتطلع من ذمه البايع الاول ماله داعي

    تشهر باسماء الناس !!!
     
  10. Rap Soul

    Rap Soul عضو جديد

    التسجيل:
    ‏2 سبتمبر 2007
    المشاركات:
    966
    عدد الإعجابات:
    0
    لو تجري جري الوحوش غير رزقك ما تحوش
    ياخي خلهم يسوون اللي يسوونه ماراح ياخذون غير اللي قاسمه لهم الله سبحانه وتعالى
    وعيب على اللي يجذب عشان جم دينار يعني
     
  11. بوفهيد

    بوفهيد عضو نشط

    التسجيل:
    ‏5 مايو 2009
    المشاركات:
    3,504
    عدد الإعجابات:
    0
    مكان الإقامة:
    الكويت

    و الله يبارك بالحلال
     
  12. طلال701

    طلال701 عضو نشط

    التسجيل:
    ‏18 ابريل 2008
    المشاركات:
    324
    عدد الإعجابات:
    0
    لا وازيدك بعد فى بعضهم لما يعرضون البضاعه يقولك لاعلى سعر وبعدين يختفى وين يروح مادري تكلمه مايرد واذا سمت سومه موعاجبته يقول تلقاه رد عليك وهو معصب ويقولك انا بره المنتدى جايبه كذا وبعدين يقول موللبيع .عسا الله يهديهم ان شاء الله
     
  13. vtc_305

    vtc_305 عضو جديد

    التسجيل:
    ‏6 سبتمبر 2008
    المشاركات:
    405
    عدد الإعجابات:
    0
    لا انا السالفه الي عندي غير

    ادور بي ام

    وادور بالجرايدة المهم وادق ع واحد من جنسيه ................

    المهم قالي انه كويتي وولد وزيره وابو لواا والسياره حق امه

    المهم ويسرد قلت له خلني اشوف السياره

    المهم شفت السياره ولا مكسره قلت يمكن الوزيره كارفتهاا وسلام وعليكم السلام

    الاسبوع الي وراه شفت سياره بالجريده واعجبتني ودقيت ع الرقم الموجود الو الو ولا ذاك الولد هيك وهيك عموو والسياره لأميييي

    واواعده بشوف السياره المهم ويوصل ولا الشخص نفسه الي قبل اسبوع بالظبط يقولي ولد الوزيره

    اولشي عرفته وماعرفني لما شافني وجه بوجه جان يقول لاماتصلح لك السياره وماخلاني اتفاهم وانا مصدوم ويحرك ويمشي

    وهذي السالفه شوف عيني

    والله شاهد علي <<<​
     
  14. أبوسعد الخالدي

    أبوسعد الخالدي عضو جديد

    التسجيل:
    ‏15 فبراير 2009
    المشاركات:
    1,221
    عدد الإعجابات:
    0
    مكان الإقامة:
    الكويت
    الله لايوفقهم الي يكذبون علينا بالسيارات
     
  15. كويتي0

    كويتي0 عضو جديد

    التسجيل:
    ‏28 يوليو 2009
    المشاركات:
    157
    عدد الإعجابات:
    0
    والله وفي العن من جذيه

    على فكرة استعمال المره والبنت ابيخ استعمال مع احترامي لهم جميعا

    الشباب يحافظون عليها كمثال لما يشغلها يتركها تسخن شوي يدري لازم يرتفع الدهن

    العكس البنات غير ان البنات لهم حركات بالسيارات والله يخليك ماتشتريها لو بدينار واحد

    انا واحد من الناس لو اعرف السياره لبنت ما اخذهاا // لو توها يديده من الوكالة
     
  16. السمو

    السمو عضو نشط

    التسجيل:
    ‏30 ابريل 2008
    المشاركات:
    174
    عدد الإعجابات:
    0
    كلام اخوي صح ليش يقول هذه سيارة زوجتي او اختي يعرض السياره ويقول السياره شرط الفحص والرازق الله
     
  17. meeshaal

    meeshaal عضو جديد

    التسجيل:
    ‏19 يوليو 2009
    المشاركات:
    140
    عدد الإعجابات:
    0
    مكان الإقامة:
    الكويت الحبيبه
    الله لايوفقه الى يكذب على الناس ويغشهم :mad:
     
  18. ابن ضعيان

    ابن ضعيان عضو نشط

    التسجيل:
    ‏11 مايو 2008
    المشاركات:
    349
    عدد الإعجابات:
    0
    موضوع ممتاز

    أغلبهم غير كويتيين.......................
    والدليل..............روحوا الحراج وتعرفون..............يقسم بكل ما تريد ليبيع السيارة

    الشريطية تخصصهم الكذب والاحتيال بكل شيء حتى شرفه يصير له علاقة بالموضوع


    ويبطون كبدي تروح معرض التمويل تلقاهم تروح الساير تلقاهم وين ما تروح بأماكن بيع السيارات تلقاهم.................................أهب
     
  19. bo_7moo00ood

    bo_7moo00ood عضو جديد

    التسجيل:
    ‏18 مارس 2009
    المشاركات:
    255
    عدد الإعجابات:
    0
    يعطيكم العافيه


    عادي تشوفه بيت التمويل ولا الساير الرزاق الله وهم يسترزقون الله مافيها شي بس الكسر بالسلعه او الكذب ماله داعي

    انا واحد دايما اذا شريت السياره 6 شهور حدي واطق جبدي منها يعني بالعربي بالسنه اقل شي سيارتين فقلت خلاص انا شلي بالهسكاريب خل اخذ سياره وكاله

    والحمدلله خذيت السياره وكاله هوندا اكوور 2008 وابشركم الحين مليتها وببيعها انشالله الي يامر عليها حاظر

    المهم


    يوم فتحتها من الوكاله قلت ببيع الي عندي

    باجيروا هذا راح


    وهوندا اكووورد 99 باب واحد حاولت ابيعها كنت ابي فيها 1200 موراضيه تمشي


    المهم



    رحت الحراج (( وما أدراك ما الحراج )) كلكم تعرفونه




    طبعا استقبلني شريطي صغيرووني ركب يمي وقالي انا مكاني بالنص


    قلت خووووووووووووووش احلى شي

    المهم


    قالي الشريطي صاحب المكان

    جم تبي فيها قتله والله 1100 او 1200 المهم هالمححاري بياع قال ماتييب قلت على الله



    وقفت وصلت السياره 700 دينار


    الناس مشووا والسياره وقفت على 700


    ((المشكله العويييصه ))

    5دقايق مافي احد عند السياره

    الحبيب شاف 2 سوريين يايين نظارات وشغل عدل


    بقدره قادر سواها 1050 وصارخ ويمسك صاحبه وقووله عطني البطاقه


    طبعا انا حدي منصدم شسالفه



    خذاني على جنب جان يقولي لاتبيعه هذا صاحبي بس راح اوصلها لك بالسعر الي تبيه


    قتله حبيبي مابي اقص على الاوادم حرام يبا مايجووز

    الحبيب عقد النونه وقال خلاص السياره مارح تييبلك وخلاها توولي وراح يحرج على السياره الثانيه

    عاد دقيت السياره سلف ومشيت والحمدلله بعتها 1160 والرزاق بالسما وعلى نياتكم ترزقون


    بس الصراحه ترى الحراج ماااااااااااافييييييا دربالكم ياجماعه


    لا إله إلا الله وحده لا شريك له له النعمه وله الفضل وله الثناء الحسن

    لا إله إلا الله مخلصين له الدين ولو كره الكافرووون استغفر الله العظيم من كل ذنب عظيم
     
  20. vtc_305

    vtc_305 عضو جديد

    التسجيل:
    ‏6 سبتمبر 2008
    المشاركات:
    405
    عدد الإعجابات:
    0
    واحد من الشباب شراا نفس الطريقه من واحد من جنسيه ...........وبعد ما شراا تبين انه حرامي مو شريطي :)

    المهم قاله فحص قال انا بسافر بس وراس عيال والنبي :) المهم شراها صاحبي ع كلمته وبسعر اغلىى من السووق بواجد وطلعو رافعينهاا ربعه

    يعني مصاروه يسومون فورد 8 سلندر <<<هههه مبينه

    المهم لما راح يبيعهاا صاحبي طلعت مشيصه :(

    والحين الحرامي موجود بحراج السيارات ويحلف بعياله ويمكن بعض الناس من كلامي عرفووه :)
     
حالة الموضوع:
مغلق