في سالفة ((باطه جبدي ....بط))) خلنتناقش فيها

[Rap Soul]

لا حول ولا قوة إلا بالله العلي العظيم
اللهم اغننا بحلالك عن حرامك

 

[LEEDAR]

للعلم ياشباب بعض مكاتب الري(البعض) ياجرون بنات لعرض السيارات وبيعهم ولا اذا طولت السياره يخلون البنت تنزلها الحراج على العموم عندهم طرق كثيره للنصب ونصيحه لحد يشتري الا فحص (الرمال الذهبيه او جولدن صن)​

 

[عادل العماش]

الله يشفي لولدك ويعافيه ويخليه لك يارب
ويقوم ان شاء الله بالسلامه

 

[اي عيني]

موضوعك حلو ويستاهل المشاركه وياما تحت السواهي دواهي ..

الله يستر باجر اتشوف زد ولا جيتي للبيع مكتوب عليها استعمال سيده لوووول

ولا بعد ىفي شغله ثانيه كله يقولون والله هالسياره على ايدي من الوكاله واهي موديل 80 لووول

 

[meshari80]

استعمال سيده يعني حد النظافه واتوقع ماكو سيده ما دعمت باب بيتهم مع عشر ارصفه عالاقل

 

[LS1]

سالفة البنات اكثرو في جريدة الوسيط

طبعا اتقولي : السيارة صبغ الوكالة وعلى ايدي وشرط الفحص

طبعا هاكلام محد يقوله الا اشريطي او واحد ..... بس المشكلة

طالعه من بنت وبعدين اتقول واحد امحفظها هاكلام اتقول كاسكو موبنت

وبعدين اقولها اختي في رجال يقدر يرويني السيارة اتقول ماعندي احد

..........

مهما كانت السيارة منو يستعملها رووووووووووووووح الفحص

 

[الطريق]

فيه موضوع جديد محد تكلم فيه ارجو ان تقراهلما توقوله وين السياره معروضه يقولك عندي فى البيت تقوله وين بيتكم يقولك فى الروضه او النزهه او اي منطقه من المناطق الداخليه تقوله عطني عنوان بيتكم وانا اجيك يقولك قطعه 4 الشارع الاول ولا اقولك تدري شلون شرايك عند فرع الجمعيه تقوله ليش انا اجيك فى البيت يقولك تدري انا بطلع الحين عندي شغل وخاف ماتدل البيت وتاخرني تجي عند الجمعيه ولا اهو مو من سكان المنطقه يا من سكان منطقة ماني قايل الان مو كلهم شينين ؟ مره فى واحد دقيت عليه قالى ساكن باحد المناطق الداخليه عطاني العنوان ولا بيتهم قصر جبييير والسياره واقفه يم البيت دقيت عليه وينك قال انا بالشاليهات انت شوف الموتر من بره اعجبك بعد يومين اذا جيت من الشاليهات تشوف السياره من الداخل ونشغله لك بعد يومين دقيت عليه وتواعدنا عند السياره ولا واحد اعرفه ساكن خيطان عرفت السالفه شهالحركات قالي بعد شسوي بيت واحد من الربع وقفت سيارتي عندهم على شان تييب سعر اكثر شوفوا لوين وصلوا بالنصب والاحتيال ( مع احترامي لسكان خيطان الان فيها خوالي ) المهم يقول وين ساكن نشالله بجليعه كلها مناطق كويتي ونعتز فيها

 

[تفكير تجاري]

يعطيكم العافيه


عادي تشوفه بيت التمويل ولا الساير الرزاق الله وهم يسترزقون الله مافيها شي بس الكسر بالسلعه او الكذب ماله داعي

انا واحد دايما اذا شريت السياره 6 شهور حدي واطق جبدي منها يعني بالعربي بالسنه اقل شي سيارتين فقلت خلاص انا شلي بالهسكاريب خل اخذ سياره وكاله

والحمدلله خذيت السياره وكاله هوندا اكوور 2008 وابشركم الحين مليتها وببيعها انشالله الي يامر عليها حاظر

المهم


يوم فتحتها من الوكاله قلت ببيع الي عندي

باجيروا هذا راح


وهوندا اكووورد 99 باب واحد حاولت ابيعها كنت ابي فيها 1200 موراضيه تمشي


المهم



رحت الحراج (( وما أدراك ما الحراج )) كلكم تعرفونه




طبعا استقبلني شريطي صغيرووني ركب يمي وقالي انا مكاني بالنص


قلت خووووووووووووووش احلى شي

المهم


قالي الشريطي صاحب المكان

جم تبي فيها قتله والله 1100 او 1200 المهم هالمححاري بياع قال ماتييب قلت على الله



وقفت وصلت السياره 700 دينار


الناس مشووا والسياره وقفت على 700


((المشكله العويييصه ))

5دقايق مافي احد عند السياره

الحبيب شاف 2 سوريين يايين نظارات وشغل عدل


بقدره قادر سواها 1050 وصارخ ويمسك صاحبه وقووله عطني البطاقه


طبعا انا حدي منصدم شسالفه



خذاني على جنب جان يقولي لاتبيعه هذا صاحبي بس راح اوصلها لك بالسعر الي تبيه


قتله حبيبي مابي اقص على الاوادم حرام يبا مايجووز

الحبيب عقد النونه وقال خلاص السياره مارح تييبلك وخلاها توولي وراح يحرج على السياره الثانيه

عاد دقيت السياره سلف ومشيت والحمدلله بعتها 1160 والرزاق بالسما وعلى نياتكم ترزقون


بس الصراحه ترى الحراج ماااااااااااافييييييا دربالكم ياجماعه


لا إله إلا الله وحده لا شريك له له النعمه وله الفضل وله الثناء الحسن

لا إله إلا الله مخلصين له الدين ولو كره الكافرووون استغفر الله العظيم من كل ذنب عظيم

بو حمود والله مشاركتك موووووووووووووووووووووو طبيعية

ههههههههههههههههههههههههههههههههههههه
هههههههههههههههههههههههههههههههه
ههههههههههههههههههههههههههههه

 

[تفكير تجاري]

فيه موضوع جديد محد تكلم فيه ارجو ان تقراهلما توقوله وين السياره معروضه يقولك عندي فى البيت تقوله وين بيتكم يقولك فى الروضه او النزهه او اي منطقه من المناطق الداخليه تقوله عطني عنوان بيتكم وانا اجيك يقولك قطعه 4 الشارع الاول ولا اقولك تدري شلون شرايك عند فرع الجمعيه تقوله ليش انا اجيك فى البيت يقولك تدري انا بطلع الحين عندي شغل وخاف ماتدل البيت وتاخرني تجي عند الجمعيه ولا اهو مو من سكان المنطقه يا من سكان منطقة ماني قايل الان مو كلهم شينين ؟ مره فى واحد دقيت عليه قالى ساكن باحد المناطق الداخليه عطاني العنوان ولا بيتهم قصر جبييير والسياره واقفه يم البيت دقيت عليه وينك قال انا بالشاليهات انت شوف الموتر من بره اعجبك بعد يومين اذا جيت من الشاليهات تشوف السياره من الداخل ونشغله لك بعد يومين دقيت عليه وتواعدنا عند السياره ولا واحد اعرفه ساكن خيطان عرفت السالفه شهالحركات قالي بعد شسوي بيت واحد من الربع وقفت سيارتي عندهم على شان تييب سعر اكثر شوفوا لوين وصلوا بالنصب والاحتيال ( مع احترامي لسكان خيطان الان فيها خوالي ) المهم يقول وين ساكن نشالله بجليعه كلها مناطق كويتي ونعتز فيها

يالربع والله مت من الضحك....شهالمواقف هههههههههههههههههه
ههههههههههههههههههههههههههههههههه
ههههههههههههههههههههههههههههههههههههه

 

[تفكير تجاري]

نسيت بعد شغله ما قلتها بعضهم يقولون سيارت دكتور ومل منها انا اهني اقول لوووووووووووووووووووول وهون اشتريها

يا حبيبي اثر الشباب كلهم يعانون مثلي

 

[المنظور الشامل]

تعليق بسيط

اهم شئ المصداقيه بالبيع حتى لايقع الانسان بالمحظور .......... لكن العكس موعيب ان الانسان يقول ان السياره استعمال الاهل اي كان زوجته امه اخته بالعكس لو توضيح فيوجد سيدات ذربات ومثقفات يحافظون على السياره ويراعون قيمتها المادية وأنا بصراحه احب السياره استعمال سيده فالسياره سوف تكون نظيفه وريحتها حلوه عكس أستخدام بعض الشباب .

أذن لا نخلط الأوراق وبالنهاية المصداقيه ضرورية وشكرا

 

[kuwait-kuwait]

في شريطي كله ينزل اعلانات بالوسيط هو من جنسيه عربيه يكتب بالاعلان

استعمال مستشار - استعمال دكتور اسنان - استعمال مدرسه ...........

 

[تفكير تجاري]

في شريطي كله ينزل اعلانات بالوسيط هو من جنسيه عربيه يكتب بالاعلان

استعمال مستشار - استعمال دكتور اسنان - استعمال مدرسه ...........

ههههههههههههههههههههههه ياجماعه وش هالمواقف وربي مت من الضحك

 

[ABO-FAWAZ]

اصلا استعمال الرجل افضل مليون مره من استعمال البنت بعد احترامي للبنت
الرجل يداري السياره يعرفلها يفهمها بعض البنات ماتدري الزيت اللي محطوط سوبر ولا زيت زيتون
والمطبه والرصيف اغلا اصحابها
ولو تنزلغ السياره لو يصبغونها لها صبغ طوف عادي ماتعرف
انا ماقتنع بسالفه استعمال امرأه الرجل افضل استعماله
اما سالفه دكتور ووكيله الدكتور علي كثر فلوسه يبيع سياره بمنتدي ولا وسيط يروح يثمن سيارته وياخذ افضل السيارات ولا تحصل الدكتور متهاوش مع مريض حد الدوسه لحس الرصيف
والوكيله مارقوها ناظره ولا معصبه علي الطالبه عصبت وطلعت من الدوام ودشت بمضلة المدرسه
مو مقياس قصه استعمال امرأه ولا رجل المعني والنهايه اللي يبي يبيع يقول سياره نظيف وشرط الفحص بدون لا يذكر منو مستعملها سالفه الاستعمال شي مستهلك ودعايه قديمه
وشكرا

 

[تفكير تجاري]

ابو فواز لاهنت علالمرور ..........

 

[zinger]

ابو فواز لاهنت علالمرور ..........

لاترمي الناس يالحبيب
انت فاهم قصدي
أحسن الظن ​

 

[ابو_عبدالرحمن]

الشريطية عليهم سوالف تضحك ... زين مايقول استعمال رائد فضاء متقاعد

 

[مهم للغاية]

اخواني

انصحكم بدعاء دخول السوق هذا بالنسبة لدخول الحراج

وصلاة الاستخارة بالنسبة لشراء سيارة من مكتب او وكالة

وبعد الفحص توكل على الله اذا كانت مستعملة

 

[abu shehab]

مع التحية

تعليق بسيط

اهم شئ المصداقيه بالبيع حتى لايقع الانسان بالمحظور .......... لكن العكس موعيب ان الانسان يقول ان السياره استعمال الاهل اي كان زوجته امه اخته بالعكس لو توضيح فيوجد سيدات ذربات ومثقفات يحافظون على السياره ويراعون قيمتها المادية وأنا بصراحه احب السياره استعمال سيده فالسياره سوف تكون نظيفه وريحتها حلوه عكس أستخدام بعض الشباب .

أذن لا نخلط الأوراق وبالنهاية المصداقيه ضرورية وشكرا

كلامك على العين والراس