تسخين السيارة

aalanazi

عضو نشط
التسجيل
23 يوليو 2009
المشاركات
35
أحد الزملاء رجع من ألمانيا ، فكنت أتكلم معاه عن السيارات الألمانية هناك وطرق القيادة في السيارات ، فقال لي كلام استغربت فعلا منه ، وهو ان الألمانيين ما يحمون سياراتهم في البرد ، ويقول خويي ، إني أشوف الكثير منهم يشيل الثلج من السيارة ثم يشغلها لمدة لا تزيد عن دقيقة ويدعس؟؟؟؟؟؟ ويكمل زميلي كلامه ويقول أنا سيارتي الأكورد مطلعها من الوكالة عام 2003 وإذا حميتها أتركها 30 فقط حتى اضمن دورة الزيت في المكينة ثم أعشق وأمشي؟؟؟؟
كلام خويي لعب في راسي شوي ، قمت قوقلت الموضوع في المواقع الأجنبية ، لقيت الكثير منهم يقولون إن تحمية السيارة يفترض أن لا تتعدى 30 ثانية ، ويقولون إنك اذا طول المدة اللي تحمي فيها موترك فإنك تستهلك مكينة سيارتك؟؟؟
وأنا أنقل لكم هناك بعض الكلام اللي قريته ونبي نتناقش فيه شوي

...


موقع حديث السيارات الشهير cartalk.com قرأت فيه التالي وهذا إقتباس من حوار Click and Click:

TOM: Actually, what you've been told is correct, Carolee. Modern cars don't need to be warmed up at all. Nor do older cars.

توم : ما سمعت عنه صحيح ، لا تحتاج إلى تسخين على الإطلاق .

RAY: If your car starts and doesn't stall when you put it in gear, it's ready to go. In fact, the best way to warm it up is by driving it.

راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها .

TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.

توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة .

وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )

Start, run for 15-20 seconds, put it in gear and go. Drive like an old woman until the temp needle starts to move.

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...

وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...

أحد الزملاء رجع من ألمانيا ، فكنت أتكلم معاه عن السيارات الألمانية هناك وطرق القيادة في السيارات ، فقال لي كلام استغربت فعلا منه ، وهو ان الألمانيين ما يحمون سياراتهم في البرد ، ويقول خويي ، إني أشوف الكثير منهم يشيل الثلج من السيارة ثم يشغلها لمدة لا تزيد عن دقيقة ويدعس؟؟؟؟؟؟ ويكمل زميلي كلامه ويقول أنا سيارتي الأكورد مطلعها من الوكالة عام 2003 وإذا حميتها أتركها 30 فقط حتى اضمن دورة الزيت في المكينة ثم أعشق وأمشي؟؟؟؟
كلام خويي لعب في راسي شوي ، قمت قوقلت الموضوع في المواقع الأجنبية ، لقيت الكثير منهم يقولون إن تحمية السيارة يفترض أن لا تتعدى 30 ثانية ، ويقولون إنك اذا طول المدة اللي تحمي فيها موترك فإنك تستهلك مكينة سيارتك؟؟؟
وأنا أنقل لكم هناك بعض الكلام اللي قريته ونبي نتناقش فيه شوي

...


موقع حديث السيارات الشهير cartalk.com قرأت فيه التالي وهذا إقتباس من حوار Click and Click:

TOM: Actually, what you've been told is correct, Carolee. Modern cars don't need to be warmed up at all. Nor do older cars.

توم : ما سمعت عنه صحيح ، لا تحتاج إلى تسخين على الإطلاق .

RAY: If your car starts and doesn't stall when you put it in gear, it's ready to go. In fact, the best way to warm it up is by driving it.

راي : إذا اشتغلت السيارة ولم تدقر أو تجيم عند تعشيق الجير ، فهي إذا جاهزة للقيادة ، فأفضل طريقة لتسخين السيارة هي بقيادتها .

TOM: It's best to drive it gently for the first three to five minutes, to allow the oil to fully warm up and thin out. So, you don't want to pull out of the parking lot and immediately floor it on a highway ramp. But driving it gently is an ideal way to warm it up.

توم : من الأفضل قيادة السيارة بهدوء لثلاث إلى خمس دقائق الأولى ، حتى تسمح بتسخين الزيت ، لذا فليس عليك الإنظلاق من الموقع مسرعا إلى الطريق السريع ، لكن القيادة بهدوء هي الطريقة المثالية لتسخين السيارة .

وفي موقع آخر وقعت على شخص يسأل عن المدة المثالية لتسخين السيارة ، فكانت الإجابة الأفضل (حسب تقييم الموقع )

Start, run for 15-20 seconds, put it in gear and go. Drive like an old woman until the temp needle starts to move.

شغل السيارة من 15 إلى 20 ثانية ، وعشق الجير وانطلق ، وسر على الطريق كأنك إمراءة عجوز حتى يصل مؤشر الحرارة إلى الدرجة الطبيعية ثم تحرك بحرية ...

وهذا مقال طويل عن تسخين السيارات في البرد / ويقول بأن السيارات لا تحتاج إلى تسخين أكثر من 30 ثانية باستثناء السيارات القديمة ...
 

راشد777

عضو نشط
التسجيل
19 أبريل 2009
المشاركات
27
والله يالغالى انا سمعت الكلام هذا من زمان وعن طريق مدير فى شركه bmw ويقول ان السيارات الالمانيه مولازم لها التسخين دق سلف وبعد ثوانى حرك.بس محد راضي يقتنع.
 

ابوشهاب

عضو نشط
التسجيل
1 ديسمبر 2007
المشاركات
177
طييب والسيارات الامريكية الحديثه و اليابانية ؟ .. اتوقع تختلف عن الالماني

وتسلم على هالافاده
 

الطريق

عضو نشط
التسجيل
3 يوليو 2009
المشاركات
69
جميع السيارات الحديثه لاتحتاج الى تسخين سوا ياباني او امريكي او الماني التويوتا مكتوب فى الكتلوج ادخل على صفحه تشغيل السياره فى الصباح يقولك 10 ثواني فقط جميع سيارات تويوتا الالماني نفس الشي والامريكي نفس الكلام بس حنا مانقرا الكتلوج ما ل السياره بس فيه شرط واحد اكرر فيه شرط واحد ان يكون الترمستات موجوده مو مثل بعض الناس المتخلف يشيل الترمستات ويحط كرتون هاه اها الان كرتون ؟؟ شنو السبب تشيل المنظم الحراري لسياره يقولك حرارة السياره عالى جم يقول النص تقوله المصنع يقولك السياره هذي تعطيك افضل اداء لها اذا كانت حرارتها نص والشركه حاطه المنظم (الترمستات ) على العيار هذا انت تجي بتفكيرك المحدود وتغير على كيفك والاخ مستانس ليش حرارت سيارته صفر واحد يقول شلت المنظم وصارت حرارة سيارتي تحد الربع علي باله هذا شي زين لايبه انت ضريت المحرك الان الحراره المعقوله لى واضعته الشركه بالمنظم تعطي المحرك عمر اطول فالمنظم حطته الشركه فى السياره مو عبط ولا جهل الان كل سياره لها حراره معينه لازم تكون عليها هذا شي ؟ الشي الثاني اذا شلت المنظم الماي يدخل حار ويطلع حار مافيه شي يمسكه فى الراديتر يعني الماي يداور بسرعه لكن اذا فيه منظم راح يسكر مايخلى الماي يطلع من الراديتر هنيه راح الهواء لى جاي من بره يبرد الماي لى فى الراديتر وبعدين ترتفع حراره السياره ليمن توصل الحراره المطلوبه هنيه يفتح المنظم
ويدخل الماي داخل المحرك وتزل حرارة السياره وتتكرر العمليه مره بعد مره والحراره ثابته حسب مايبي لى صنع السياره ؟ ادري فيه بعضكم ماراح يفهم واسف على الاطاله
 

wala3a

عضو نشط
التسجيل
15 مارس 2009
المشاركات
126
الإقامة
الكويت
السلام عليكم
انا حبيت اشاركم بهالموضوع واقول رايي
انا عن نفسي اطبق هالشي الي ادق سلف واخليها من 10 الا 20 ثانيه واعشق طبعا مع تكييف
ودورت بهالموضوع من زمان وطبقت كلامهم

لانك جاني ذاك اليوم مهندس الميكانيكا عندنا بالدوام يقوول حرام عليك سيارتك لازم تسخها واذا ماسخنت ترا ربل الصباب راح يتعب ومع الوقت راح يخترب

بصراحه انا قلت هاذا مهندس لا ومهندس ميكانيكا وفاهم بالموتورات

فإختلطت عندي الامور ومادري منو امشي معاه

وياريت وجود مهندس بالمنتدى يفهمنا شنو نسوي حرام سياراتنا جديده ونبي نحافظ عليها


واسف على الاطاله ومني لكم جزيل الشكر

واسأل الله لي ولكم العفو والعافيه

محمد القطان
 

الوايلي 2

عضو نشط
التسجيل
26 يوليو 2009
المشاركات
266
يالربع برقبتي بالكويت بس شغل وادعس بانزين
واذا بغيت بعد توقف الظهر على الطريق وتطق لك بيضتين على غطاء المحرك
لابأس في ذلك ومعاهم همبورغر ..لاتحتاج للنار شغلك جاهز
اللي يسمعكم يقول بالاسكيمو
 

بدون مجامله

عضو نشط
التسجيل
21 مارس 2009
المشاركات
2,796
الإقامة
الكويت
موصحيح الكلام هذا الشي الصحي للسيارات وخاصه بالشتاء تسخين اقل شي 3 دقائق حتى يصعد الزيت للماكينه والا اذا جذيه دق سلف وامش وخاصه بالشتاء ماراح تمشي السياره معاك واتنتع وبالذات النيسان حتى لو جديده راح اتنتع السياره لابد من تسخين السياره
 

1aziz

عضو نشط
التسجيل
22 مايو 2005
المشاركات
1,186
يالربع برقبتي بالكويت بس شغل وادعس بانزين
واذا بغيت بعد توقف الظهر على الطريق وتطق لك بيضتين على غطاء المحرك
لابأس في ذلك ومعاهم همبورغر ..لاتحتاج للنار شغلك جاهز
اللي يسمعكم يقول بالاسكيمو

السلام عليكم
الله يونسك و يضحكك بالدنيا و الاخرة​
 

Winchester SX3

عضو مميز
التسجيل
4 يناير 2009
المشاركات
7,922
الإقامة
الكويت
عن نفسي

طبت بيدي : باسات و جيب اكسبلورر و وانيت شفر وحاليا جراند شيروكي

عمري ماطولت بالتسخين
دق سلف وإمش على طول اللهم بشهر 12 و 1 على المزاج :)
على قولتهم على ماتطلع من الفريج لي اشاره بيتكم الا انت ماشي على الهداوه وشوي شوي
ثانيا:
بالصيف عندنا الدهن تلاقيه يدوّج بالمكينه من زمااااااان هذا اذا ما احترق بسرعه بعد!
 

بوفهيد

عضو نشط
التسجيل
5 مايو 2009
المشاركات
3,502
الإقامة
الكويت
بالصيف عندنا الدهن تلاقيه يدوّج بالمكينه من زمااااااان هذا اذا ما احترق بسرعه بعد!
انت بس تطلع من البنشرجي تلقاه احترق بعد ربع ساعه :)
 

بحريني1972

عضو نشط
التسجيل
26 مايو 2009
المشاركات
3,230
الإقامة
الكويت الحبيبة
صباح الخير

كيف حال الجميع عساكم بالف خير وصحه يارب

اخواني انا مع كلام اخوي aalanazi السياره ما يبيلها تسخين مجرد 30 ثانية تكفي بس ايام البرد يمكن نحتاج 1 الي 2 دقيقه وعند المشي يكون المشي بسرعه خفيفه قدر الامكان

للتوضيح طرمبه الزيت في جميع محركات السيارات علي اختلاف انواعها تعمل بمجرد تشغيل المحرك فورا ولا تحتاج وقت لايصال الزيت لجميع اجزاء المحرك
وشكرا لك اخوي aalanazi علي التوضيح
 

nasser2009

عضو نشط
التسجيل
8 أبريل 2009
المشاركات
26
السلام عليكم ...

حبيت اشارك وياكم على الموضوع حسب خبرتي

... طبعا بالصيف الى اعرف طبيعي تسخن السياره من 40 ثانيه الى دقيقه على الاقل تظمن ارتفااع الزيت السياره ....

لاتنسون انه بعض زيوت السيارات الخاصه بالخليج فيها مواد تبرد الزيت حتى لو كانت درجه حرار عاليه ... فامحتااج انك تسخنها ,, اذا كانت واقفه فتره طويله....

طبعا تمشي بالسياره بسرعه عاديه لحد مايرتفع حرارتها الطبيعيه ...

اما بالشتى انا انصحكم ,,,

تسخنون السياره لحد ماترتفع الحراره المكينه الانه الزيت مثل ماذكرت يكون بارد نسبه الى درجه الحراره الصيف ... فاهميني طبعا .!

وحبيت ازيد على الموضوع ...

اغلبكم يجهل اشلون يطفي السياره اذا راد من مشوار بعييد وكان مسرع ..

((( ابوي الله يطول بعمره يعاني بالشي هذا وكم مره علمته بس ماله خلق يسوي لي علمته )))

المهم اذا جيت من مشوار بعييد وكنت مسرع بالسياره لاتوقف وتطفيها علطول ..


خذلك وقت الى دقيقتيين عشان سرعاات المكينه تستغر وتصرف الكربون لي داخل المكينه


اتمنى اني افدكم

وتحياتي لكم
 
التسجيل
3 فبراير 2009
المشاركات
48
السلام عليكم
عندي جاكوار اذا بالشتاء اشغله دقيقه وحرك يقفل القير ويبطل ويرد يقفل مره ثانيه ويبطل لين تحتر السياره وطبعنااذا قفل جنك ماسك سايد بريك
وكان عندي جيب باجيرو اذا بالشتاء يعلق القير بواحد لين يحتر
وكانة عند كروسيدا طبعنا ماتحتر تكون الحراره تحت الربع اطلع على خط السريع ويكون الهواء شمال يرد القير نمره اوقف واقعد نصف ساعه اسخنه
الاجانب يحافظون على السياره بكل شي مثل نوعية الزيت المكينه والقير ونوعية الماء الرديتر ونوعيه غاز المكيف...
واكثر الشباب اي شي يركب علبله نفس الشي
انا بسراح اهم شي عندي بالسياره نوعية الشمعه لليت وماء الرديتر
وعلى فكره ماء الرديتر اكثره مغشوش
اذا تبي ماء الرديتر الاصلي عند القطع الغيار مرسيدس وبي ام يجي بالتر وسعر التر 1750 وثلاث لتر كافي
ملاحظه اكثر السيارات ماء الرديتر يثلح بالشتاء بسبب الماء العادي
واهم ملاحظه بالصيف عيار هوا تواير يعني اذا كان 35 خله 30 بس بالصيف
بسبب السرعه والحرار الارض يزيد هوا التواير
 

sosoo

عضو نشط
التسجيل
4 مارس 2006
المشاركات
117
كلام حلو بس عندي سؤال؟

مو لازم اسخن السيارة لين ينزل ضغط السياره ويصير طبيعي

لأنك من تعشق d تسمع تله بالقير

فهل هذا شي عادي والا يضر السياره
 

hello bankok

عضو نشط
التسجيل
3 فبراير 2009
المشاركات
61
والله ما قصرتو يا شباب وبيض الله وجيهكم دنيا واخره على هالمعلومات الزينه والمفيده وحصوصا ان الكثير يجهل هالاشياء
انا عن نفسي بالصيف ما اسخن السياره نهائيا وامشي عليها بالهداوه لين تحتر مثل ما قالو الاخوان
واذا كان الجو بارد اشغلها وعلق على بانزينها فترة دقيقه دقيقه ونص وبعدها احرك ونفس الطريقه
بالهداوه وبعدها هج مع العالم :)
يا حلو الشتا :) الصيف ودك اطربل نفسك بغرفتك وتوقف نفسك على صخر لين البراد هههههههه
 

وقاص

عضو نشط
التسجيل
29 يوليو 2009
المشاركات
120
السلام عليكم ورحمه الله وبركاته

انا ما اعلم عن المكاين وتصميمها اي شيء

ولكن من واقع الحال

تسخين انسى بحياتي ما سخنت

ايد على سويج السيارة وايد على القير

وشلع !!!!

لا واذا قير عادي اشغلها بنمرة وعيش حياتك

بس شايبي الله يطول بعمره

دايما يقول لي

لو كنت راد من مشوار ودايس

لا اطفيها على طول خل ينزل الزيت لمكانه

واطبقها مرات قليلة لاني مو مقتنع

وعالطاري يقول بالبر يا تدوس يا تخفف

ولا تلعب بالسيارة

وطبعا اكيد كله دايس

واغلب الربع يقولون

يا فلان حرام عليك سيارة جديده

ولا تسخنها !!!

بصراحة ملل

منلطع بالسيارة ناطر تسخن ومتملل

باروح الدوام وما كو الا الاطفال رايحين المدرسه

اي ملاحظة :

اكثر شي يقهر لما تدق سلف وتمشي بالشتا وتطفي السيارة وترد تشغل
 

RichMan

عضو نشط
التسجيل
20 يناير 2004
المشاركات
479
الإقامة
Q8
تذكرون السيارات القديمة في نظام الشووك Chock شي جذي ؟ اكيد حطوه علشان لازم تحرر السيارة .. والحيم صار الشووك هذا اوتوماتيك ... بعدين بغض النظر عن كل هالكلام .. شيضرك لو تحررها جم دقيقه !!

بالتوفيق ,,
 

alajmi-q8

عضو نشط
التسجيل
4 سبتمبر 2008
المشاركات
36
السلام عليكم ودي اشاركم الراي بخصوص تسخين السياره انا اقمت في اوربا اكثر من ثلاث سنوات واغلبها كنت في المانيا وعايشت كل الفصول اصلا في قانون المرور عندهم انك ماتنتظر اكثر من 10 ثواني متوقف عشان تحرك من موقفك عشان ما تلوث البيئه والشئ الثاني كلهم حتي في شهر 12 شهر الثلوج ما ينطرون عد له للعشره يكون محرك من مكانه ومافيه اي مشكله علي السياره اصلا المحرك مصمم علي تحمل اسواء الاجواء كالغبار والحر والبرد روح المحرك هو نوعيه الزيت والفلتر الاصلي وماتشيل الترمستات نهئيا وتحط ماي رديتر اصلي من بي ام او مرسيس او تويوتا او متسوبيشى وبخصوص الاخ اللي يسئل عن الجوك كان ايام الكبريتر الله يرحمه الحين كله بخاخ يعني Injection وما ياثر فيه الغبار ولا البرد والحر واسف علي الاطاله وشكرا للجميع
 
أعلى