بغيت فني حق تركيب البلازما عالحيط؟

[sulaiman79]

يا جماعة عندي تلفزيون بلازما وبغيت هندي حق هالسوالف
اللي يعرف احد لا يبخل علينا برقمه.

وشكرا.

 

[AHMADO85]

اخوي مايبيله شي اخذلك درل وانت ركبه

 

[GMC1]

اخوي كل اللي تحتاجة
1- دريل (انا شاري واحد من بن نصف اللي بالشويخ قيمتة 21 دينار ماركتة بوش مع جنطتهة)
2- وشارات مع مساميرهم+درنفيس+ متر القياس( الوشارات والمسامير اسعارهم بلاش )
3- ميزان علشان توزن القاعدة على الطوفة(في انواع كثيرة منة انا عندي واحد قيمتة 200 فلس)
وسلامتك هل الاشياء اللي ذكرتهم يجب ان تتوافر في كل بيت لانك لابد انك تحتاجهم في يوم من الايام ..وترى قيمة الاشياء هذي ماتعدى 25 دينار .
يعني بالمختصر المفيد حطلك عدة في البيت ترى راح اتفيدك ماتضرك لشغلات جدا تافهة وصغيرة بدال لاتيب هندي وياخذ عليك 5 او 10 دنانير انت اولى فيهم

 

[q8royale]

اتفق تماما مع الشباب

العدة المذكورة ضرورية لكل بيت - اهم شي دير بالك ما يكون في بايبت كهربا او ماء مكان الدريل