مشورتكم يا اخوان : اي افضل نسبة او راتب

[.:. عطر .:.]

السلام عليكم و رحمة الله و بركاته

اخواني ابي شوركم لا هنتوا

ناوية بمشيئة الله اتفق مع اخ مصري يدير لي مشروع و هو صاحب خبرة فيه

هل اتفق معاه على ان يكون له نسبة او اتفق معاه على راتب شهري ؟؟



شغلة ثانية بالنسبة للترخيص ايهم افضل لي ارخص ورشة او تجارة عامة على النظام الجديد يقولون لازم احدد ؟؟
هل يكلف وايد اذا حددت رخصة صناعية ؟


مشكورين مقدمًا و جزاه الله خير من يرد علي .​

 

[general]

اخوي الله يخليك قبل ماتعطيه فلوسك يشتغل فيها ياريتك تبلغنا راح تشتكي بأي مخفر والحدث راح ينزل بأي جريده ؟
عشان نقرا : مواطن تعرض للنصب على يد (.............) الجنسيه بعد ان اوهمه بمشروع يدر عليه الالاف الدنانير والمواطن وثق بالكلام المعسول وبعد دفع المبلغ توارى (,,,,,,,,,,) الجنسيه (كالعاده نفس الجنسيه) عن الانظار واتضح ان النصاب سافر الى الخارج يقضي وقته في مصر عن طريق طيران لوفتهانزا كويت - برلين- لاس فيغاس- لندن- بور سعيد
انتهى الخبر

 

[العنزي1]

اخوي الله يخليك قبل ماتعطيه فلوسك يشتغل فيها ياريتك تبلغنا راح تشتكي بأي مخفر والحدث راح ينزل بأي جريده ؟
عشان نقرا : مواطن تعرض للنصب على يد (.............) الجنسيه بعد ان اوهمه بمشروع يدر عليه الالاف الدنانير والمواطن وثق بالكلام المعسول وبعد دفع المبلغ توارى (,,,,,,,,,,) الجنسيه (كالعاده نفس الجنسيه) عن الانظار واتضح ان النصاب سافر الى الخارج يقضي وقته في مصر عن طريق طيران لوفتهانزا كويت - برلين- لاس فيغاس- لندن- بور سعيد
انتهى الخبر

وتعال شوف تعليقات على الخبر بموقع الجريده واضحك ههههههههههههههه


ولكن عن تعامل وتجربه .. دام ماتبي تدير حلالك انت .. عطه نسبه احسن عشان يشتغل عدل ويظبط حلالك لان كل مازاد شغلك كل مازادت نسبته ..

تحياتي لك

 

[general]

وتعال شوف تعليقات على الخبر بموقع الجريده واضحك ههههههههههههههه


ولكن عن تعامل وتجربه .. دام ماتبي تدير حلالك انت .. عطه نسبه احسن عشان يشتغل عدل ويظبط حلالك لان كل مازاد شغلك كل مازادت نسبته ..

تحياتي لك

هلا بالعنزي
وانت الصاج انت تبي تصيد الريال نصاب ولالا قوله لك نسبه وقوله نسبتك 5% فقط ان شفته وافق اعرف انه نصاب لان يفكر انا ارضى بولاشي لكن بنهايه راح اضرب من الريال كذا ألف

 

[بوفهيد]

بالتوفيق ان شاء الله .. نحن لانحكم على الاشخص من جنسيتهم

لكن شعب المصري بالذات معروف .. و جرايدنا تشهد كل يوم قصة

فكر الله يبارك فيك

 

[.:. عطر .:.]

جزاكم الله خير اخواني general , العنزي , اكسترا كلين

بارك الله فيكم عالنصيحة و الله ما زعلت بالعكس كنت متوقعة بشوف ردود مثل جذي
بس ما توقعت كل الردود تحذير

المشروع مو توظيف اموال .. الرجال كان عارض مشروع و عجبني قلت بجيبه الكويت ننفذ المشروع اهني ان شاء الله
الشخص متدين و كل شي يقولي اللي تشوفينه

عمومًا الواحد لازم يستخير ربه قبل كل شي

ياريت اخواني تفيدوني بالنسبة للترخيص

وفقكم الله .

 

[general]

ماشالله بتيبه الكويت ياسلام اخوي الظاهر انت مصدق روحك وايد وحلوه منك الموضوع مو توظيف اموال اي اكيد بالبدايه السالفه مو توظيف اموال , لان البدايه توظيف عقلك (اللعب فيه) وعقب توظيف الاموال في مصر حقه اهو .
وماعندي أي خلفيه بالنسبه للرخص ولا حتى اقدر افرق بين مؤسسه وشركه

ملاحظه : اسمح لي ان كلامي ضايقك بس اهون عندي انك تخسر فلوسك

 

[q8royale]

حطي فلوسج وديعة

ترى فيه كثير متدينين و لكن وقت الفلوس يصيرون ذيابة

مشروعي انا اديره بروحي و ما كلفني شيء و الرابط بالتوقيع

 

[بـوشوق]

ديربلك اخوي من المصري انتبه

 

[بومناور]

افاااااااااااا سهل شوفيه متزوج يعنى زوجته مدرسة او أخوه مدرس اجحزى جوازه وغيره لالالا بلاش منها طبعا فيه طريقة ثانية بس وسخه وما احب اسويها ولا اقولها !!!

 

[general]

افاااااااااااا سهل شوفيه متزوج يعنى زوجته مدرسة او أخوه مدرس اجحزى جوازه وغيره لالالا بلاش منها طبعا فيه طريقة ثانية بس وسخه وما احب اسويها ولا اقولها !!!

ماشوف ان حجز الجواز له فائده بهل سوالف (تنفع بس حق مبالغ ألف ألف ونص) اما ان وصلت للالاف الدنانير تلقاه بعد مايضربك يقولك انت حاجز جواز زوجتي شرايك اطلقها و أزوجك ياها )))))
اما بالنسبه للطريقه الوسخه الي تتكلم عنها ماعتقد انها تنفع لعده امور ولعلمك هم مادري شنو اهي طريقتك
وشكرا

 

[.:. عطر .:.]

اشكركم جميعًا اخواني الافاضل q8royale ؛ بـوشوق ؛ ابو مناور ؛ general

اشكر كل من دخل و رد و نصح

جزاكم الله خير .

 

[الوافي2]

الكلام اللي قالوه الشباب كله صح وانا معاهم شوفي شغله بدون شريك ويكون المبلغ بحدود

معقوله لا تعطين فلوسك اي احد حتي لو تثقين فيه انتي امسكي الاداره الماليه والاداريه علي

اي شخص ويكون ثقه وفاهم علشان ما تخسرين اما الرخصه علي حسب النشاط .

 

[Al_Zain]

السلام عليكم ورحمة الله

في شغله انا مستغرب منها ، وارجو من الاعضاء عدم الهجوم علي والنظر للموضوع بزاوية اوسع ، بغض النظر عن الشركاء وجنسيتهم وتعاملهم فهناك الصالح والطالح ، ولماذا نقم بوضع النصب وسوء النية كبدايه ، انا على معرفه تامه باشخاص كويتيين وشركائهم وافدين ولله الحمد احوالهم فوق الريح

إن كنت تعتقد بإنك بحفنة دنانير فأنت مليونير ولم تشارك احد والكل راح ينصب عليك فأنت مخطئ.

بالنسبة للسؤال ارد على الاخ او الاخت واقول

بالنسبة للشراكه انت طبعا صاحب رأس المال ولك الحق في نسبة أعلى من الانسان صاحب الخبره وبهذا الشكل تكتمل الصورة ( رأس مال + خبره ) وهناك عقود يجب ان تكتب لإيضاح كل الحقوق فيما بينكم.


ومافي داعي لحجز الجواز وهالقصص الي كلها عنصريه ولا تسمن ولاتغني عن جوع

كل انسان يحاسب نفسه وكلامه قبل لا يتكلم لان هذا طعن في الناس ولا يجوز


وشكرا ً