بشتري شقة تمليك وابي اعرف اسعارهم والمناطق ومساحتهم ...والعائد من استثمارهم...وعيوبها...وهل فيها مشاكل قانونية معينة وشنو هذه المشاكل ...والي عنده شقق يعرضها ..........شاكر لكم حسن تعاونكم
بسم الله الرحمن الرحيم حسب معلوماتي المهبوله ثلاث غرف 28 الف وايجارها حسب تقريبا 180 وابو حليفه والفنطاس جريب من هالسعر والايجار نفس السعر تقريبا والفروانيه يطوف الثلاثين بشوي اذا غرفتين واذا ثلاث 36 الف وايجار الغرفتين 230 والثلاث غرف اكثر والسالميه اسعار الغرفتين من ال40 الى 42 حسب الشغل بالشقه ممكن تزيد شوي ولا تنقص وايجارها حسب المكان اذا كان زحمه ولا لا توصل 270 والسالميه ثلاث غرف من 46 الف توصل خمسين حسب الموقع وسعر الارض وايجارها يطوف ال300 طبعا كل الي ذكرته ممكن يختلف اسعار الشقق بالبنايه الوحده حسب الدور والجهه خلفيه او اماميه مشاكل قانونيه مافيه بدام فيه وثيقه باسمك وملكك حتى لو ماكانت باسمك ممكن تسوي ورقه ضد عند محامي تضمن حقك فيه شغله احذر منها بس لا تشتري من شركه مو معروفه ولا لها تجارب كثيره اسئل يعني حتى لو شريت من شخص اسئل عن اسم الشركه وجم مشروع بنت وروح شوف مشاريعها على ارض الواقع لان الشركات الجديده ممكن تبيعك شقه عليها مخالفات وتدخل بمتاهات كثيره وعيوب مافيه على الاقل الواحد ضامن راس ماله والضمان بيد الله وفوق هذا يجيك عائد مادي والمساحه اذا غرفتين 100 متر مع المشاع واذا ثلاث 130 تقريبا مع المشاع وكل شي حسب فلوسك اذا فلوسك ماتوصل فوق الاربعين انصحك بالفروانيه واذا تطوف الاربعين السالميه وهذي شقتي سبق وعرضتها هني بهالموضوع فيه كل التفاصيل مع انها قربت تجهز بس النيه لازالت موجوده للبيع http://www.indexsignal.com/vb/showthread.php?t=159501 والله يوفقك
